وثائقي شعب و رئيس - تحليل لايجابيات وسلبيات اللقاء
شعب ورئيس .. ايجابيات وسلبيات
تحليل لمضمون الوثائقي مع السيد رئيس الجمهوريه
==========
** شاهدت اللقاء عدة مرات
للخروج بأكثر الايجابيات والسلبيات بالحوار وبالفيلم
الوثائقي بشكل عام
وسأقوم بتفنيدها من وجهة نظرى المتواضعه
==========
اولا الايجابيات
1- اولا فكرة عمل فيلم وثائقي .. وليس حوار سؤال
وجواب كانت فكره متميزه لانها اقرب للعاطفه والشكل
الانسانى وهذا ما يجذب الشعب المصرى بشده ويؤثر فيه
2- اختيار ساندرا نشأت ليس من فراغ
ساندرا نشأت لها افلام وثائقيه متميزه وتجيد العمل على
مثل تلك المشروعت الفنيه وكذلك كمخرجه لم يحمل اى
من اعمالها اى عمل مُخل او خارج فسجلها نظيف فنيا
3- اعجبنى فكرة ان اللقاء ظهر وكأنه كشف حساب
لرئيس او خطاب لرئيس وليس تعريف بمرشح رئاسي فى
انتخابات رئاسيه
لان الامر الواضح انه لا وجود لمنافسه .. فلم يكن هناك
ضروره لعمل الحوار وكأنه تعريف بمرشح حتى لا يشعر
المواطن ان تلك مسرحيه ..فكانت تلك نقطه ايجابيه
4- وجود الطفايه امام الرئيس كما علق البعض
انا رأيته نوع من اظهار فكرة انه لا فرض لشىء مادمت لا
احبه
سواء كان وضعها مقصود او لا
اقصد انه اظهر فكرة ان حتى رئيس الجمهوريه ان كان لا
يدخن
فلم يصمم مثلا على عدم وضع طفايه للسجائر ان كان من
يجلس معه يدخن .. شىء ادبي اقصد
5- اعجبنى ظهور الرئيس بالملابس الكاچوال كما نطلق
عليها
اضفى عليه نوعا من الحيويه وكذلك كان له عامل لظهوره
كشخص من الشعب .. لا يرتدى بدله باهظة الثمن ولا
يرتدى ملابس رسميه وكأنه فى حوار سياسي رسمي
كانت ملابس اجتماعيه اكثر
6- اعجبنى طريقة حوار ساندرا نشأت مع الرئيس والتى
كانت وديه عفويه لم يغب عنها الاحترام
ولكن احيانا تقول له حضرتك واحيانا تقول له انت
فأشعرك الامر انك تشاهد شخص عادى يتحدث اليك
ليس رئيس يجبر من يجلس امامه قبل كل كلمه يجب ان
يقول. سيادة الرئيس السيد رئيس الجمهوريه !
7- اعجبنى ذكر الرئيس لنقطة حبه للتاريخ وان كان
مززززيف
وتلك نقطه انا شخصيا احارب فيها كثيرا لاثباتها
ولعل هذل يثبت ما قلته عقب احد مؤتمرات الرئيس قبل
توليه الرئاسه .. عندما تحدث عن التاريخ وعن صاحب
مصر..وقلت لكم انه من العالمين ببواطن الامور
8- ملحوظه مهمه جدا وهى التزام السيسي كعادته فى كل
لقاء مع مذيعه انى مايبصش تجاهها بشكل مباشر.. دا
شىء فى شخصيته بيشوف انه تأدب واحترام وانا بحب
النقطه دى جدا
9- عندما طلبت ساندرا من الرئيس اراءه فى الرؤساء
كان حكيما ومتأدبا جدا فى ذكرهم جميعا
واعتقد المره دى الرئيس اصلح شىء كان يغضب قطاع
ليس بالقليل من المصريين
وهو عندما يأتى الحديث عن مبارك يذكر الخراب لمدة 30
سنه وماشابه
لكن المره دى ذكر الكل دون ذكر مساوىء بل قال ان ايا
كان قدرات اى واحد منهم فادارة مصر شىء صعب جدا
10- فى اراء الناس اللى شافها الرئيس
كان محترم جدا ان يجيبوا الناس اللى خايفه تتكلم واللى
بتعترض بشده عشان الناس اللى بتتفرج تحس ان اللى
جواهم بيتنقل اهو بجد
11- ظهور اشياء مستفزه فى التقرير زى ما شافها
البعض زى البنت اللى بتاخد 2500 جنيه ومش عاجبها
والتانيه اللى راكبه عربيه اخر موديل وبتتكلم عن ان
الجيش مافيهوش ناس بتفهم اداره .. بالعكس شوفته
شىء ايجابى لان دى نماذج موجوده وسطنا
خاصة ان اللى جه بعدهم على طول الراجل اللى عايش ب
800 جنيه وقال الحمد لله
دا بيدل ان اللى بيشتكوا فعلا هما اللى معاهم فلوس و دى
حقيقه
12- عجبنى جداااا الشاب اللى اتكلم عن تطبيل الاعلام لان
انا بقالى كتير شخصيا بكتب ان فى ناس بتحب السيسي
بدأت تقل شعبيته عندهم من كتر ما تطبيل بعض الاعلاميين
بيستغزهم !
وان كان الريس مالوش يد فى النقطه دى بالعكس هو
ضرر له
13- كان جميل ان شباب كتير نقل وجهة نظرنا كلنا اننا
ايوه هانصبر لكننا برضو محتاجين نشتغل ونعيش ونتجوز
و دى مطالب مشروعه بالمناسبه وكان لازم الشباب يحس
ان كلامهم فى حد وصله
14- نقطه خطيره اثارها الراجل البياع الغلبان اللى قال
محدش يقول عليا اخوان انا اصلا مابصليش
النقطه دى وضحت حاجتين
الاولى..ان الاخوان منهم لله شوهوا الدين وخلوا الناس
تبعد عن الدين خوفا من الصاق كلمة اخوانى بهم
والثانيه .. ان فعلا وحقيقه فى ناس بتنتقد بتحب البلد
وبتنتقد لانهم عاوزينها افضل لكن فى ناس من محبى
الرئيس حبهم زايد شويتين مابيحبوش حد يذكر سلبيات
وبيتهموا الناس انهم اخوان وبالتالى دا بيضايق الناس
برضو
سيبوا الناس تتنفس وتتكلم
15- عجبنى رد الرئيس على الناس اللى بيقولك عندى
اربع وخمس عيال وقال الكلام اللى كلنا بنقوله..انت على
باب الله وعاارف انك على ادك بتخلف بالخمسه والسته ليه
16- عجبنى كمان رده المهم اوى اللى كتير كتبناه وقولناه
الرئيس مش مسئول انكم معارضه فاشله ماقدرتش توفر
مرشح واحد ينزل قصاد الريس فى الانتخابات
17- كان ايجابى جدا انك تجيب الناس بتقول كلمة
جيش..والناس الى بتقول نظام عسكرى .. عشان تبين ان
تعدد او اختلاف الاراء حتى لو ضد الجيش او ضد ادارته
للامور المدنيه .. الا ان انا بنشره اهو قصاد العالم وبتيح
نشره
18- اشارة الرئيس لاعلام السبوبه .. لما قال انهم بيقولوا
كلام كتير مش صح عشان عاوزين اعلانات ونسبة
مشاهده !
==============
السلبيات :
1- الفقره الثانيه فى الحوار اثناء وقوف الرئيس للحوار مع ساندرا
كانت الموسيقي الموجوده فى خلفية الحوار تحتاج الى انها تكون اقل شويه لانها احيانا كانت مساويه لصوت الرئيس وبتختلط معاه
2- لو لاحظنا فى الجزء اللى فيه اراء الناس بالكامل
كل من قام بتأييد الرئيس هم من فئة الثلاثينات فما فوق
وتقريبا شاب واحد فقط اثنى عليه
وباقى الشباب فى التقرير لهم ملاحظات
وفى رأيي دى نقطه سلبيه .. لان اللى بيهاجموا السيسي بيقولوا ان الشباب كله بيكرهه وان كبار السن بس مضحوك عليهم بكلمتين فبيحبوه
مع العلم ان فى شباب كتير بتحبه وكان لابد ان يظهر منهم فى الوثائقي دا
3- كنت حابب الريس يظهر اكتر كمان احساسه بكلام الناس اللى اتكلمت عن الاكل والشرب
انا عارف ان فكرة المم او الاكل يعنى ناس كتير هاتقول في حرب وشهداء وانجازات بتتعمل وطرق لكن صدقونى فى ناس اقصى طموحها تأكل عيل من عيالها وتشبعه ..والضنا لو جاع قصادك .. مش هاتشوف اى خير تانى او تحس بيه لان قلبك بيكون واجعك
4- كمان فى نقطة رد الرئيس على كلام الناس فى الصحه والتعليم
ماكنتش احب ان الحوار كله كان ماشى ودى وجميل
والرد على النقطه دى يكون مدخل لسرد انجازات الرئيس
كنت احب انه يكلمهم بشكل ودى برضو
وممكن كان اخر الفيلم الوثائقي يتحدث الرئيس عن انجازاته فى الاربع سنوات الماضيه
E.E
Eslam Elbahrawy
