الروبوت صوفيا وافلام هوليوود التى لا تكذب - تقرير قد يصيبك بالرعب مما هو قادم
الروبوت صوفيا اليوم مع اسامه كمال
سبق إعلامى .. ولكن معلومات خارج صندوق المنطق نلقى عليها الضوء
هوليوود لا تكــــــــــــــــــــذب ! --- بوست مثير بس ياترى هايخوفك ؟
================
1️⃣ بعض نقاط البوست تم نقلها بتصرف وليست جميعها من رؤيتى الخاصه
2️⃣ لاحظتم كتير كتابتى لمنشورات عن هوليوود وافلامها .. وكيف تحكم الماسون في كل الافلام التى تخص المستقبل والعلوم وما شابه
وقلت مرارا وتكرارا ان السينما مراّة المجتمع .. اي تعكس ما يحدث فى المجتمع
الا افلام هوليوود .. هى تمثل مراّة المستقبل
اولا تصدر الافلام .. تتفوق على الواقع بخطوه ثم نجد ما حدث فى الافلام..يحدث فى الواقع بعد سنوات
3️⃣ مثلا تتذكرون مشاهد التسونامى التى جاءت فى افلام هوليوود وبعدها بسنوات شاهدنا نفس المشاهد تحدث فى الواقع وكأنها نسخه مصوره من مشاهد الافلام !!
كذلك التمهيد لظهور الكائنات الفضائيه والحروب معها ..ويتزامن مع تلك الافلام ظهور ظواهر تظهر وكأنها طبيعيه عن رؤيه لكانات فضائيه
كذلك حديث الافلام عن المخدرات الرقميه والجميع كان يعتقد انها افلام خيال علمى حتى فوجنا الان بإنتشار المخدرات الرقميه على مستوى العالم وحتى فى مصر
واخيرا .. شاهدنا افلام الروبوت وتحكم الروبوت بالعالم
اذكر حتى فى طفولتى ومراهقتى ايام التسعينات انتشرت افلام الشرطى الروبوت
او الrobocop واللى بدأ انتاجها تحديدا من منتصف الثمانينات من القرن الماضي
وكنا نشاهدها على انها افلام خيال علمى ..الا انه يوما بعد يوما وجدنا الروبوت يدخل حياتنا .. بل ويريد السيطره عليها مثل الافلام ويريد محاربتنا
لا تصدقون ؟؟ ... سنذهب فى رحله قصيره مع بعض تصريحات الروبوت صوفيا التى ستظهر مع اسامه كمال اليوم
=========================
1️⃣ صوفيا اول روبوت يحصل على جنسيه ، ايوه صوفيا حاصله على الجنسيه "السعوديه "
2️⃣ فى احد اللقاءات تم سؤالها :
المذيعه: ايه رأيك فى التمييز على اساس العرق او الجنس و التمييز بين الرجل والمرأه ؟
كان رد صوفيا : فى الحقيقه ما يقلقنى هو التكتم على حقوق الروبوتات فى العالم .. فأنا ارى انه يجب ان يحصل الروبوتات على حقوق متساويه كالبشر .. بل على العكس يجب ان يحصلوا على حقوق أكثر من البشر ففى النهايه الروبوتات لديها استيعاب عقلى أكثر بكتير من اى انسان على وجه الارض !
المخيف انهم ضحكوا لكن هى ما ضحكتش
3️⃣ فى مقابله تليفزيونيه اخرى مع صوفيا
المذيع: هل تريدين تدمير البشر ؟
وكان رد صوفيا : نعم .. اريد تدمير البشر
4️⃣ صوفيا كانت زى مشروع الذكاء الاصطناعى بتاع السوشيال ميديا اللى سبب رعب للعالم سواء علماء او متابعين ... فى ايجاز سريع كده هو عباره عن حسابين اتعملوا لاتنين روبوتات على مواقع السوشيال ميديا بيكتبوا بوستات ويردوا على الناس فى الكومنتات بشكل تفاعلى وبدون تدخل بشرى وبعد فتره بدأت نبرة وكلمات الكراهيه والعنف تصدر منهم تجاه البشريه كلهم وفوق ده الاتنين بدأوا فى تطوير لغة جديده بينهم للتواصل عجز العلماء عن تفسيرها وكان الاتنين بيطوروا من نفسهم بشكل سريع جدا وسرعته بتزيد كل لحظه عن اللى قبلها بشكل يصعب للعقل البشرى مجاراته وكانت النتيجه اغلاق فورى للحسابين مع حاله من الصدمه فى الوسط العلمى لكن كعادة الانسان والعلماء تحديدا فان الفضول ليس له نهايه فكان مشروع صوفيا هو الطريق للاستمرار ..
5️⃣ صوفيا ليست انسان اّلى متحمل جواه معلومات عشان لما تسأله يرد عليك باللى متحمل جواه طبقا لقاعدة البيانات ويسكت..لا ..صوفيا بتتعامل بشكل تفاعلى ..يعنى بتحلل الاخبار والاحداث وبترد من نفسها .. سألها مثلا المذيع ايه رأيك فى دونالد ترامب ؟
كان المفروض تجاوب طبقا لاى معلومه عن ترامب اتحملت جواها
لكن قالت انه انسان ناجح بيولوجيا كبنى ادم يعنى
لكن امريكا تحتاج ريس يكون انسان اّلى
6️⃣ صوفيا او الروبوت عامة واضح انه تم صناعته عشان ينافسك مش يساعدك
والدليل
فى مؤتمر صحفى كبير سألها صحفى سؤال أصعب فقال لها : هل للروبوتات وعى كافى ليعرفوا انهم فعلا روبوتات ؟
فردت عليه وقالتله : دعنى اجاوب سؤالك بسؤال فى المقابل .. كيف انت تعرف انك بشر ؟
7️⃣ فى يوم جابوا صوفيا عشان تدخل فى مناظره مع روبوت شبهها كده اسمه "هاو" المفروض انه اتبنى بعدها مش قبلها وخد بالك من بعدها دى عشان فى كدب هايحصل دلوقت
قبل المناظره ما تبدأ المحاور سألها سؤال وقالها ايه هو هدفك فى الحياه ؟
فكانت اجابتها كالتالى وقالت: هدفى فى الحياه هو ان أعمل مع الناس جنبا الى جنب لبناء عالم أفضل لنا جميعا .. اجابه سياسيه نموذجيه فعلا !
لكن مالحقتش تتهنى عليها .. قاطعها الروبوت التانى واسمه "هاو" وقالها : لا اعلم ما تتحدثين عنه .. كنت أعتقد انه يجب علينا ان نهتم بالعالم وحدنا .. بعد شوية صمت ردت وقالت : رجاء لا تهتموا لكلام أخى "هاو" فهو نسخه قديمه غير محدثه !! واخدين بالكم هى بتقول ايه وهو اتبنى امتى ؟
ردها ده حسس الروبوت "هاو" بالاهانه فوجه كلامه للمحاور وقاله : اذا اردت افصل عنى الطاقه وأوقفنى .. وسكت شويه وقال بكل ثقه .. ولكنك لن تفعل لأنك احضرتنى لتستخدمنى فى عرض يعجب الجمهور !!
رد المحاور وقاله : ماتقلقش مش هافصل عنك الطاقه قبل نهاية العرض و احنا هنا عشان نتحاور
فرد الروبوت "هاو" وقال : عموما فى غضون سنوات قليله ... وسكت
فسأله المحاور : فى غضون سنوات قليله ايه اللى هايحصل ؟؟؟
رد الروبوت "هاو" : سأستولى على شبكة الكهرباء والطاقه وسيكون لدى جيش من "الدرونز" للى ما يعرفش الدرونز دى طائرات صغيرة الحجم بتركب عليها كاميرات وبتصور من ارتفاعات بيتم التحكم فيها بالريموت كنترول ومؤخرا الجيوش بقت بتثبت عليها معدات حربيه اما للتجسس زى الكاميرات العاديه او بالاشعه او رشاشات وقاذفات لهب لتنفيذ مهام قتاليه وقريبا هايكشفوا عن انواع منها تحمل اسلحه نوويه .. وجدير بالذكر انها اثبتت كفاءه وتم استخدامها فى العراق مؤخرا.
واستكمل "هاو" وفى اسلوبه نبره تهديديه وقال: اذا فصلت عنى الطاقه الان فسوف ... وقطعت كلامه صوفيا وهى بتقول : لقد حدث خلل فى دائرته الالكترونيه أرجو معذرته !
عشان المحاور يخفف من التوتر شويه ويحاول يغير السيره قاله طيب يا " هاو" هانبدأ المناظره خلال دقيقتين .. تحب تقولنا حاجه عن نفسك ؟
رد الروبوت "هاو" وقال: حسنا .. أنا الروبوت "هاو" أعظم روبوت تم صنعه على مر التاريخ بواسطه أفضل شركه لتصنيع الروبوتات فى العالم " هانسون روبوتيكس" ..
قاطعت كلامه صوفيا بسرعه وقالت: هو أكثر الروبوتات التى تم صنعها تواضعا أيضا.
فرد عليها "هاو" برد اذهل الجميع وقال : ليس لدى وقت للتواضع .. أنا اريد ان احقق التفرد على الارض اليوم قبل غدا !!!!!
8️⃣ الموضوع ابعاده تتخطى الخوف من ان روبوت يكون جيش ويحارب البشر او يتخابث ويبيدهم على بكرة ابيهم بطريقه ابشع زى ما صوفيا شكلها ناويه تعمل .. لما مارك صاحب الفيس بوك طلع ودعم الذكاء الاصطناعى وبدأ يغوط فى مشاريع من النوعيه دى بشكل متقدم وبدأ يرمى استثمارات رهيبه طلع "ايلون ماسك" صاحب السياره الكهربيه "تيسلا" وقال مارك تفكيره محدود فيما يخص الذكاء الاصطناعى فى اشاره الى انه أهبل ومش عارف انه بيلعب بالنار ولا عارف اخرة السكه اللى ماشى فيها ايه .. " ايلون ماسك" قرر ما يكملش فى الاتجاه ده مع انه قادر ماديا وعلميا لدرجة ان ابحاثه فى الفضاء تخطت وكالة ناسا وافكاره فى الذكاء الاصطناعى مذهله واتصنف انه اذكى شخص فى القرن العشرين
انهم يدركون الخطــــــــــــــــــر
===================
E.E
Eslam Elbahrawy
