بالصور - ردود افعال غاضبه بعد نشر صور مصارعات عاريات اثناء عروض المصارعه الحره
بالصور .. ردود افعال غاضبه فى السعوديه بعد صور المصارعات العاريات
وهيئة علماء المسلمين تعتذر بعد فوات الاوان
لعبوها صح .. مارس التشدد .. حتى تصل للتسيب
ازرع الوهابيه ... لتصل للمصارعه الحره !
==========
دى صور مصارعات شبه عاريات كانت بتتعرض فى السعوديه اثناء مباريات المصارعه اللى استضافتها السعوديه
خلينا بقى نتفق على شوية حاجات
1- الصور اكيد فى كليبات اغانى فى عالمنا العربى بتعرض اسوأ منها..لكن الفكره انها بتتعرض فى السعوديه .. الارض المقدسه !!
2- اللعبه اتلعبت صح .. اخلق التشدد عشان يبقى فى مبرر للتسيب
3- المذهب الوسطى دايما جميل ..
لكن خلقوا الوهابيه فى السعوديه .. كتموا الناس .. كتموا نفسهم
وكان ليه كل دا؟؟
عشان لما تيجى تفتح على الرابع .. الناس من الكبت هاتوافق
4- مازالوا حتى الان عاوزين يخلوا الناس تقبل بكل اللى هايحصل
حتى لو منافى للاخلاق العربيه والاسلاميه ولمقدسات السعوديه
يعنى مثلا....
واحد علق وقال .. شايفين .. البنات قاعدين جنب الرجاله وهما خالعين الحجاب والنقاب ومفيش محرم !
دا واحد بيمثل الفكر اياه
ومادام فى ناس بتقول كده لسه .. مهما انفتح بن سلمان وعمل ما هو اكتر من كده هايكون مقبول..الناس هاتخاف ترجع للكبت تانى
5- ايوه من حق الست انها تسوق عربيتها
وتتعلم وتشتغل وتمسك مناصب
ايوه من حقها تترفه وتخرج
ايوه من حقها تشم نفسها ويكون لها رأى
لكن ...
بشويش.. لان المنهج مش هايمشي كده
الانسان لما بيتنقل من النقيض للنقيض بسرعه بيجيله تخمه
زى لما تكون جعان اوووى وتنزل تاكل زى الوحش
الاكل بيكبس على نفسك
و دا اللى حاصل حاليا
استياء كبير فى المملكه على فكره من الصور والفيديوهات اللى كانت متذاعه على القناه السعوديه الرياضيه ... لمصارعات شبه عاريات
الاول والاخر دى اسمها السعوديه
كده .. واحده واحده هاتلغى صفة القداسه منها
وهاتتحول لمنتجع سياحى رسمي !
E.E
ESlam Elbahrawy
