بالفيديو - ملاحظات خطيره على لقاء اسامه كمال والروبوت صوفيا - هل تنوى صوفيا حقا إبادة البشر
لمشاهدة اللقاء على يوتيوب
اسامه كمال والروبوت صوفيا
اسئله وملاحظــــــات
===========
اكيد الكل شاف وتابع اللقاء
لمن لم يرى اللقاء .. موجود بالفيديو فى البوست السابق لهذا البوست
=======
لى عدة اسئله وملاحظات فقط اردت طرحها .. وانا اعلم انه لن يكون هناك اجابه لها
1- قبل بداية عرض اللقاء شوفنا فيديو لشباب مصرى بيجهز الروبوت
والسؤال
هل صوفيا اللى ظهرت مع اسامه كمال هى صوفيا اللى ظهرت فى اللقاءات العالميه ؟؟؟؟
2- اكيد السؤال السابق مهم
لان مايهمناش نموذج محاكى مصرى او عربي يقول كلام احنا نحبه زى مصر جميله ومحمد صلاح جميل...
احنا عاويزن النموذج اللى اظهر عدوانيه فى لقاءاته السابقه
3- هاتسألنى تفرق ايه هاقولك تفرق كتير
لان صوفيا الروبوت نفسها لما عمل مناظره مع روبوت منافس
قالتله انت طراز قديم .. انا احدث منك !!
4- هل كانت الاسئله المطروحه مُعده مسبقا؟؟ وتم برمجة الروبوت على اجابتها؟
5- لماذا لم يسألها اسامه كمال اى سؤال مباشر عن السياسه والحروب ورأيها فى الدول زى امريكا ورؤساء زى السيسي وترامب ؟؟؟؟؟؟؟؟
6- لفت نظرى
ان اسامه كمال لما طلب منها نكته مصريه
حتى النكته اللى اتقالت..اتقالت عن علماء الاثار !؟
و دا ممكن يفهمنا كيفية الاهتمامات اللى تم برمجتها عليها
7- اللى خلانى اشك ان مش دا نفس النموذج من الروبوت المشهور عالميا وانه مشابه فقط فى الشكل الخارجى
لما سألها اسامه كمال سؤالين ورا بعض ..
ردت على الاول فقط .. برمجتها لم تسمح انها تخزن سؤالين وتجاوب اجابتين
سألها عن قدرتها فى الكشف عن معدل ذكاءه؟
وسألها عن افضل مهاراتها اللى تقدر تقوم بيها؟
جاوبت عن الاول وسكتت واضطر هو يعيد السؤال التانى مره اخرى
مع ملاحظة ان صوفيا الروبوت اللى تصميمه بنشوفه فى لقاءات قنوات اجنبيه بيكون اكثر ذكاء واسرع فى رد الفعل
8- شدنى جدا انه لما سألها اكتر من مره عن الانترنت؟ وعدد المصريين على الفيس بوك؟ وعن الرموز التعبيريه ؟
وكل مره اجابتها تقوله انتوا اسياد التاريخ فى الموضوع دا من ايام الهيروغليفيه.. قبل ظهور الانترنت اصلا !!
اجابتها فى حد ذاتها مثيره للدهشه لو ركزنا فيها !!!!!!!
9- تعجبت لما سألها هل عاوزين تحلوا محل البشر؟
الاجابه كانت مُعدله..قالتله عاوزين نعيش مع البشر ونتعاون
مع العلم انها فى لقاء اخر .. قالت عاوزين نُبيد البشريه !!
10- اخيرا
لم الاحظ اى صدى عالمى للقاء الامس
على عكس كل اللقاءات اللى تمت فى قنوات اجنبيه
هل التجاهل سببه اننا ماقدرناش نوصل اعلاميا للخارج؟
ام لان النموذج اللى كان عندنا مختلف عن اللى عمل لقاءات فى الخارج ؟ واقصد نموذج الروبوت
E.E
Eslam Elbahrawy
