بالصور - العالم ميتشو كاكو والحديث عن التحكم فى الطقس - الان بينكم فى دولة الامارات
مين دا ؟؟؟ كلام عربى فى خلفية الصوره ؟
دا كان عندنا بقــــــــــــــى ؟؟؟
================
إلحاقا بالبوست اللى فات
اللى قصادكم السيد ميتشو كاكو !!!
الراجل اللى من كام سنه قالولنا دا فوتوشوب
فى فبراير 2018 .. من شهرين يعنى
فتحت التلفزيون ....
مدينة دبى ...
مؤتمر القمه العالميه للحكومات برعاية الامارات
بمشاركة 4 الاف شخصيه -- 120 متحدث عالمى -- من 140 دوله
قوم ايه ؟ الاقى مستر ميتشو فى وشي
قلت اكيد دا فوتوشوب .. شكلى انا كمان دماغى اتلحست
لكن بعد ما قعدت واستهديت بالله لقيته هوا
الراجل اللى من اربع سنين قال على الهواء ان امريكا بتصمم اسلحه للتحكم بالمناخ
جايبينه فى قمة الحكومات العالميه فى دبـــــى عشان يتكلم عن الوضع فى المستقبل !!
الحاجات اللى زى دى
هى اللى بعتبرها رد اعتبار ليا
للاسف احنا مابنصدقش الحاجه الا بعد فوات الاوان
الراجل دا طلع اتكلم 35 دقيقه كامله
وجايز يكون من اطول الشخصيات فى المده اللى اتكلم فيها
واتكلم عن المستقبل وايه اللى هايحصل فى هيكلة الحكومات وما شابه
مش بس كده ..
دا يومها عمرو اديب فى حلقته عمل عليه فرح كبير واتكلم عنه بشكل غير طبيعي !
==============
نفي الشىء لانك خايف منه ومش عاوز تصدقه .. مش هايضر حد غيرك
لان مواجهة الخوف افضل بكتير
الامارات عندهم شوية عقول شغاله
بدأوا يستعينوا بالناس دى عشان يفهموا الدنيا ماشيه ازاى
خاصة بعد خبر تحرك الامارات للحصول على مطر صناعى
ايوه... مطر صناعى
عن طريق بناء جبال صناعيه
هايشوفوا عندهم السحاب بتبقى كثيفه فين
ويبنوا جبل صناعى عشان يصطدم بيها
فيحصل مطر !!
عشان كده ماكنتش متفاجىء لما شوفت مستر ميتشو فى المؤتمر
ماهو مين هايساعدهم فى الموضوع دا
اكتر من الراجل اللى عارف دهاليزه !
==============
الامارات اتحركت عشان تفهم الموضوع وتستفيد منه
وعندنا هنا مازلنا بنكتب البوست وتلاقى فى الكومنتات الوش الجهادى المتشدد بتاعكم :D
محدش يقدر يتحكم فى الطبيعه الا ربناااااااااااااااا
محدش يقدر يغير اكلون الا ربناااااااااا
يا سيدى ونعم بالله والله
وكل حاجه بتحصل بتبقى بإرادة ربناااااا نفسه
ووصولهم للعلم دا ما هو الا لتحقيق لمشيئة ربنا
بس العلم تقدم
يعنى البطيخه خلقة ربنا مدوره
لما عملوا بطيخ فى الصين مربع..
لو انا اكلت منها ابقى كافر؟؟
مفيش حد بيتحدى ربنا
فى حاجه اسمها قدرة ربنا ومشيئته انه يوهبهم العلم دا
عشان يوصلوا لمرحله معينه من التجبر والفساد
عشان نهايتهم تحصل
هما اه فى تفكيرهم انهم بيتحدوا ربنا لانهم مش مؤمنين بالله
انما احنا لازم نفهم كام حاجه :
الاولى.. ان كله بيحصل بإذن الله
التانيه .. ان العلم بيتقدم وبقى مرعب
التالته .. بدل دفن الرؤوس فى الرمال..نحاول ونواجه ونؤمن ونصدق ان لله جنود موجودين وبيحاربوا وبيخترعوا وبيواجهوا برضو
E.E
Eslam Elbahrawy
