رامى چان وشريف الصيرفي - خرب مصر ثم لف و ارجع تانى - مصائب الاعلام فى مصر
رامي چان وشريف الصيرفي
ورقصني يا جدع !
======
اتفرجت علي لقاء رامي چان مع الابراشي مرتين
لعلي احاول تغيير ما فهمته .. ولكن وجدت تأكيد لما فهمته
لعبه ذكيه يلعيها كل من يخون الوطن
اصلي ماكنتش فاهم وفهمت !
شريف الصيرفي احد الهادمين في الدوله اثناء 25 يناير و بعدها
فجأه يطلع مع احمد موسي ويتولي حوار الاخت مريم
ويتحول الي البطل شريف الصيرفي
رامي چان يهرب لتركيا
ويقولك مسيحيين ضد الانقلاب
ويشتغل مع الاخوان في قنواتهم
ويشتم جيش وشرطه وشعب ومؤسسات و قاده
والاخر يرجع .. يبقي البطل اللي ضحي عشان خاطر مصر
========
رامي چان في حواره مع الابراشي لم يذكر مره واحده انه راجع لانه ناااادم .. الا لما الابراشي رمي له الكلمه عشان ينبهه عشان منظره مايبقاش وحش
رامي چان في حواره كان سبب رجوعه انه اكتشف انهم بيتجسسوا عيه
ومسكوا عليه فضايح شخصيه وبدأوا يساوموه بيها
نفس اسلوب الجماعه المعتاد حتي زي ما صوروا ايمن نور بهدومه الداخليه و زي ما صوروا لايات عرابي محادثاتها الجنسيه.. العادي يعني
=======
ولكن يبقي السؤال
رامي بيقول اصلي اكتشفت اني كنت مع الجانب الغلط
وبعدين يرجع يقووووول
علي مدار ست سنين .. شايفهم بيتصنتوا علي بعض
وقطر بتيعتلنا 300 الف دولار شهري
و تعليمات ما يقال في برامجنا بتوصلنا برسايل واتس اب من لندن
و ان هدف القنوات والبرامج كان زعزعة الجيش وهدمه
وان هدف القنوات والبرامج هو تخريب مصر وبث الشائعات
علي مدااااار ست سنين يا رامي تعرف كل دا وعادي
كل دا ماكانش كفيل من اول شهر يعرفك انهم علي ضلال
ولا انت لقيت ان الحوار طول والسبوبه بتروح والفلوس بتجف والحرب خسرانه
فقلت تلحق ..اهو منها تعمل بطل ومنها ترجع البلد بدل ما تفضل كلب طريد في الخارج
========
انا بس والله عارف ان رجوع رامي مش اعتباطي ولا راجع غصب عن الدوله مثلا
و انه صيد ثمينا معلوماتيا
لكن كنت حابب اشوف اي عقاب او اي محاسبه
لسببين
الاول .. ان يكون في عبره
مش كل عيل هياخد شنطة هدومه ويروح يقبض دولارات شهررريا
ويشتم البلد ويحرض عليها ولما يرجع يقول اسف ماكنتش فاهم
كده بنحرض ناس كتير انها تعمل زيهم
والثاني…
ان الناس ماتحسش بالقهر
لما اللي قاعد جوا البلد ومتحمل ظروفها وبيدافع عنها
فجأه يتساوي بالخاين اللي كان بيهدها
بل احيانا الخاين بيتحول بطل
=======
اللي راجعين من تركيا مايفكروش انهم بيمنوا علينا
لا يا حبيبي
انت راجع هربان وراسك مكسوره وخاين وعميل
ومجرد اننا نسمحلك بس تدخل مصر تاني
دا بالنسبالك كرم مننا
والموضوع مالوش علاقه بمسلم ومسيحي
لان نفسي الكلمتين قولتهم وقت رجوع طارق عبد الجابر
وهاقولهم وقت رجوع اي كلب من خوارج تركيا وقطر
E.E
ESLAM ELBAHRAWY
