بالصور - بعد احداث شغب الارجنتين - محلل قناة ابو ظبي الرياضيه - لم يكونوا طبيعيين - انهم يتعاطون شيئا ما
الان محلل قناة ابو ظبى الرياضيه :
انهم يتعاطون شيئا ما ... انهم ليسوا طبيعيين !
مجزرة بورسعيد فى ثوبها الارجنتيني !
=================
قبل ما تقرا البوست
وانت بتفتح الصور وبتتفرج
دى مش مظاهرات سياسيه ... ولا دا ميدان محمد محمود
ولا حتى دى اعمال الشغب فى باريس احتجاجا على اسعار الوقود
ضرب النار اللى فى الصور
الناس اللى متعوره و الجرحى و الغاز ...
كل دول جمهور كرة قدم !
واللى متعور فى عينه دا ... لاعب كرة قدم !
==============
الامر ببساطه .. عشان حتى لو مالكش فى الكوره لازم تفهم
لان الامر متعلق برضو بالسياسه
نهائى بطولة امريكا الجنوبيه
النهائى وصل فيه فرقتين من الارجنتين
بوكاجونيور .. وريفر بليت
معروف ان جمهور الارجنتين هو اسوأ جمهور فى العالم
متعصبين ومجرمين وبتوصل المباريات لحد وقوع ضحايا وقتلى
المباراه كانت هاتتلعب ... واتأجلت بسبب ضرب الجماهير لبعض
ثم اتحدد للمباراه معاد اخر بعدها بكام يوم ..
اتحدد انها تتلعب .. امبارح
امبارح الفريق الضيف داخل بالاتوبيس بتاعه
فقام جمهور الفريق المنافس بتكسير الاتوبيس بالكامل
وكمان اللاعبين اتصابوا
وبدأت معركه بين الالاف من الجماهير برا الاستاد
لان البيزنس يحكم .. ولان المصلحه هى الفلوس وبس
الدنيا والعه جوا الملعب وبراه .. وفى لاعيبه متعوره
واتحاد امريكا الجنوبيه مصمم ان المباراه تتلعب
فى اعلانات و رعاه وفلوس
الا ان الفريق اللى تم الاعتداء عليه رفض يلعب
واتأجلت المباراه لاجل غير مسمي
بعض وقوع ضحايا بالعشرات بسبب الاشتباكات
==============
ليه قلت حادث بورسعيد
لان الارجنتين كنا بنتعاير بيها ... ودلوقتى بيعملوا زينا
اللى حصل زى ما حضرتك شوفت فى الصور
نفس الحركااااااااات بتاعت الالتراس عندك
نفس الاسلوب والمنهج
ارتداء اقنعة الاناركيه ... رفع لافتات تنرفز الخصم زى الصوره اللى فيها واحد من الجمهور رافع راس خنزير بيوجهها للفريق الاخر
الشنطه اللى بتتحط على الضهر !! اللى لازم كل بتوع الالتراس يلبسوها
مش بس كده .. اسلوب اضرب وعور وروح اقف قصاد الشرطه واتصور
فاكرين مشهد ضربونا واحنا بنصلي .. ايام 25 يناير
قصادكم اهو فى الصور
اللى حصل يا ساده ان اللى بيحرك الالتراس فى مصر .. وبيحرك الارهابيين
بدأ يحط كلمة ارجنتين فى جمله مفيده
مش بتسمعوا دايما على صفحات رصد وماشابه ..
يقولك السيسي بينفذ نفس اللى حصل فى الارجنتين
حصل عندهم انقلاب والجنرال هناك بدأ ياخد قروض
الجملتين دول بيتقالوا دايما لما تتذكر حتت قروض صندوق النقد الدولى
يقولك شوفت..نفس اللى حصل فى الارجنتين بيحصلنا اهو مع السيسي !!!
هاتقولى مال السياسه هناك وهنا
هاقولك لااا
لما كنا بنقول بلاش التراس لانهم مجرمين
كان يطلع المقاطيع اياهم يقولك لا .. ما الارجنتين فيها التراس والمباريات بتتلعب بجمهور عادى !
فلما كنا نقولهم انتوا بتقولوا ايه .. دا غلط
الارجنتين فيها جمهور عنيف وروابط عنيفه
فراحوا قالوا للالتراس اللى عندنا ايه بقى؟
قالولهم لازم تبقوا زى جمهور امريكا الجنوبيه
جمهور امريكا الجنوبيه بيعانى من فقر واضطهاد سياسي
عشان كده بيطلعوا غلهم فى الحكومه اثناء المباريات
وانتوا لازم تعملوا كده بما انكم مضهدين سياسيا... انتوا زى جمهور الارجنتين
حاليا بقى ... الارجنتين كلها واقفه ضد اللى حصل امبارح
وبيقولوا فى داهيه كرة القدم ونلعبها بدون جمهوووووور
الارجنتين اللى كنتوا بتتغنوا ان عندها جمهور عنيف ومع ذلك لم تمنع حضوره
اهم دلوقتى بيقولوا اللى بنقوله .... لما عرفوا ان الامر هايوصل لمذابح
اثناء تحليل دلوقتى على قناة ابو ظبى الرياضه
المذيع بيقول ... الشباب الارجنتيني مش طبيعي
دا مش جمهور كوره .. دى ناس واخده حاجه مخلياهم مش طبيعيين
بيكسروا ويضربوا ويقتلوا ويحتفلوا عادى !!
==============
كل حاجه مربوطه بالسياسه
حتى الكوره اصلا اصلها سياسه
اعلانات الكوره متحكم فيها السياسه ...
مش مهم يكون اللاعب مشهور
الاهم جنسيته ايه وديانته ايه
و دى عوامل بتتحكم فى الاعلانات والجوائز اللى بيتم منحها للاعبين فى البطولات
E.E
Eslam Elbahrawy
