اجابة السؤال الذي حير المصريين - لماذا قال السيسي على عشماوى انه ربنا يكون خائن؟
رداً على السؤال اللى حير كل المصريين
السيسي قال على هشام عشماوى ( ممكن يكون خان ) ليه ؟
هو مش عارف انه خاين ؟؟
============
انا هاحط رد للسؤال بما ان كتير من الاصدقاء سألونى
وكل كلمه هى مجرد وجهة نظر شخصيه لا قيمة لها
شوف يا سيدي
رجل الدوله يختلف عن رجل الشارع
احنا على الفيس بوك والقهاوى قولنا لازم نجيبه ونقطع من لحمه وبتاع
لكن مانفعش رئيس دوله يقف قصاد العالم ويقولك هانقتله ونقطعه
ليه...؟ اكيد دا سؤال كويس
اقولك ليه
1- انت بلدك ومانقدرش ننكر عانت ومازالت بتعانى بعد ثورة يونيو 2013
قالك انقلاب وقتله و رابعه وخامسه والكلام دا
2- منظمات حقوق انسان .. وهيجان عليك من كل حته
وكمان بيقولوا ان احكام الاعدام ضد الارهابيين
احكام مُسيسه .. النظام بيتدخل فى القضاء عشان يعدم الاخوان الابرياء
3- يبقي لما رئيس المفروض انه بيحترم القانون
ومش بيتخدل فى القضاء
لو قبل هشام عشماوى ما يوصل فى قبضة مصر
يقف ويقول هانقتله ونطحنه
اللى هايتقال ان دى دوله مافيهاش قانون .. دى دوله بيحكمها ديكتاتور
وتلاقى امريكا وفرنسا وانجلترا تقولك هانبعت محامين ورماقبين دوليين لمراقبة سير محاكمة عشماوى بشكل عادل
ومش بعيد يطلعوه كان بيتفسح فى ليبيا واحنا اللى ارهابيين !
4- رجال الدوله مابيتكلموش على الفاضي والمليان
انا وانت والناس كلها عارفين ان عشماوى قاتل وابن ستين كلب
بس كرئيس دوله .. انا راجل عندى ارهابى مصرى
لما ينزل مصر ..يتقدم للقضاء..يحكم عليه
5- لان لو اتعرف عنك ان رئيسك بيعدم ويقتل من الهوا كده بدون محاكمات
حتى المستثمرين الاجانب يخافوا .. اه يخافوا
يقولك دا راجل ممكن نصحى الصبح .. نلاقيه مش محترم القضاء
وفجأه يقولنا استثماراتك اخدناها منكم وبالسلامه وحكمنا عليكم انكم خونه مثلا !
6- انا شوفت الرئيس السيسي فى قمة الذكاء بالكلمه اللى قالها
خصوصا انه بردوا برد ناركم لما قال المنسي بطل وبنقول اسمه ونتباهى
والتانى عاوزينه عشان نحاسبه
ودى اذكي كلمه شافها العالم منه ...
رغم انه ارهابى ومعترف بجرائمه بس احنا دوله بتحترم القانون والمواثيق الدوليه وهانحاسبه ونحاكمه بشفافيه وعدل
** بصوا للامور من منظور رجال الدوله اللى العالم بيراقب كل كلمه منهم
مش بمنظور قعدتنا على القهوه واحنا بنلعب طاوله :)
** اه والنبى محدش يقولى حاطط السيسي جنب الارهابى دا فى صوره
الريس نفسه ذكر اسم البطل المنسي واسم الكلب دا فى جمله واحده
احيانا وضع القبيح فى نفس الصوره .. عشان يبين مدى قيمة البطل :)
E.E
Eslam Elbahrawy
رابط المنشور على الفيس بوك
