بالفيديو والصور - تقرير شبابي على يوتيوب يهين المصريين - من المسئول عن تمويل قنوات اليوتيوب التى تسىء للشعب المصري
هو احنا ازاى بقينا بالقذاره دى ؟
البلد دى مين فجأه خلى ناسها منظرهم رخيص كده ؟
ومفاجأه كبيره فى اخر البوست !!!!
=============
** كل مدى بكتشف ان فى حاجه غلط
اه فى مؤامره وحاجات مترتبه عشان تخلينا نظهر وحشين
بس الاكيد الاكيد اننا مابقيناش حاجه مترتبه...وبقينا فعلا وحشين !
** فيديو ظهر فى اليوتيوب فى المقترحات تحت عنوان :
اعتراف امرأه ... مابنستحماش عشان مافيش رجاله !
الفضول اخدنى وقررت اتفرج
** لقيت الفيديو لبنت زيها زى الاف دلوقتى فى مصر من اللى بيعملوا قنوات يوتيوب وينزلوا الشارع يصوروا الناس وبتاع .. حاجه عاديه
وبتسأل الناس بتستحمى كام مره فى الاسبوع؟
** لك ان تتخيل .. ان جميع الاعمار من الطفل للشاب للعجوز
ومن الطفله للشابه العجوزه
كلهم قالوا مرتين فى الاسبوع ...!!!!!
معقول .. الشعب كله معفن للدرجه دى
كل العينه العشوائيه دى طلعت معفنه ؟
** استغربت جدا من شباب شكلها شيك بتعترف ان مرتين فى الاسبوع وفى الشتا العدد بيقل كمان ... طب ازاااى بتقول كده على نفسك ؟
** استغربت جدا من اّنسات المفروض انهم عارفين ان الفيديو هايتشاف من ملايين عبر اليوتيوب وبتقف كاّنسه فى الجامعه تقول بستحمى لما بفتكر .. او بستحمى مرتين بالكتير فى الاسبوع .. او كان اهلى بيضربونى عشان استحمى !
** لكن توقفت عند حاجه تانيه اخطر
الست الكبيره اللى عليها الاسهم فى الصوره قصادكم
الست دى واضح انها قاعده فى محل بيبيع اكل.. صاحبة المحل
وبتقول : احنا بنستحمى من غير غموس ( حاف يعنى من غير صابون او شامبو او حاجه تعطر الجسم ) لان خلاص مفيش رجاله !!!
** ايه المستوى دا من التدنى الاخلاقى والانسانى والاجتماعى
ست فى السن دا اكيد ام لاولاد .. او حتى جده لاحفاد
ازاى تقول كلام وسخ زى دا .. ازاى تقول كده على نفسها قصاد ملايين !!
والاغرب من كده
ازاى تقولى انك بطلتى تستحمى بصابون
دا معناه انك صاحبة محل اااااكل ومعفنه .. انا لو زبون عندك وشوفت كلامك دا..استحاله ادخل المحل و اكل منه !!
** الاغرب كمان .. توقفت عند حاجه مش كتير منكم بيعملها
وهي متابعة الكومنتات تحت الفيديو
مبدأيا الفيديو عامل 8 مليووون و 200 الف مشاهده
وعليه كومنتات حوالى 4600 كومنت
1- تعليقات المصريين اللى فى الفيديو .. مش بيدافعوا اننا ناس نضيفه او رافضين لمحتوى الفيديو المهين لبلدهم وشعبهم .. لا خاااالص
كلهم رجاله داخلين يعلقوا على ( صدر المذيعه ) والله زى ما بقولك كده
2- تعليقات العرب كلها ضدنا وبيقولوا انتوا شعب قذر ومعفن
ودى بعض عينات من تعليقات العرب على الفيديو :
** معروف بشكل عام انه المصرين رائحتهم غير طيبه
** اقذر شعب في العالم
وهل للانسان ان يصبر على نفسه ثلاث ايام من دون استحمام !!
** في الاسبوع مرتين يا ساتر . الواحد بيتحمم كل يوم مرتين الصبح وقبل النوم بيحس حالو مقصر.كيف بيصبروا على حالن .يا ويلاه قرف
** قبل اربعين سنه كانت مصر من شدة النظافه تغسل شوارعها بالماء والصابون من ثقافة و رقي المجتمع واليوم تعال وأجلس جمب المواطن المصري وشف الروايح اللي تقتل حواس الشم ما أحد يصدق كيف صار هذي حال مصر
================
اما مفاجأة اخر البوست ... اللى قولتلكم عليها
و دى بتكشف مدى لعب الاجيال الجديده اللى اتربت على افلام هوليوود و السوشيال ميديا القذره
السؤال مش برىء .....
السؤال اتعمل للسخريه منكم والضحك عليكم
بعض المنتديات الامريكيه ... وبعض الفيديوهات الكوميديه فى قنوات اليوتيوب الاجنبيه .. بينشروا سؤال بصيغة كام مره بتاخد شاور .؟
والمقصود فى المجتمعات دى بالسؤال .. هو كام مره بتمارس الجنس فى الاسبوع ؟
يعنى بمعنى اخر .. بعد ممارسة الجنس طبيعي بتاخد شاور
فإجابتك على السؤال بعدد مرات استحمامك ..
تعنى ايضاح لعدد مرات ممارسة الجنس او العاده السريه !
دُمتم شعب زى الكوره
اى حد يضحك عليكم العالم كله
وتثبتوا يوم بعد يوم اننا رافضين نشغل دماغنا
ورافضين نبقي شعب نضيف
الا من رحــــــــــــــــــــــــم ربي
وفى النهايه عاوز اقول لكل النماذج المعفنه اللى ظهرت فى الفيديو
وفكروا انهم كده كوميدين ودمهم خفيف
احنا اتربينا على النضافه .. احنا اتربينا على ان النضافه جزء حتى من الدين
احنا اللى اهالينا علمونا ازاى نمشي من غير فلوس .. مفلسين
بس نبقى ماشيين نضاف... شكلنا حلو وريحتنا حلوه
احنا اللى لما مزيل العرق بيخلص .. لو اخر فلوس فى جيبنا بننزل نشتري
احنا اللى امهاتنا بيتقطم ضهرهم من كتر الغسيل طول الاسبوع بسبب تغيير الاطقم
احنا اللى اهالينا كانت بتتجنن مننا واحنا صغيرين لانهم كل ما نختفى ويدوروا علينا يلاقونا قاعدين فى البانيوهات وبنلعب فى الميه ومش عاوزين نخرج منها
احنا اللى اتربينا ان لبس القميص مكسر بدون مكوه ... عااار لا يغتفر
وان الجزمه لو عليها تراب ومش متلمعه تشوف فيها وشك .. تبقي معفن
وانك تقف قصاد المرايه ساعه تظبط فى شعرك
وانك تمشي دايما بعلبة مناديل ماينفعش تعطس او يجيلك رشح ومفيش منديل معاك
وانك تفتح عينك على فرشة السنان ....
وانك لو مش معاك فلوس تشترى معطر للفم .. اشتري لبان على الاقل
وانك تشتري شراب واحد غالى مايعملش ريحة فى جزمتك
احسن ما تشتري عشر شرابات رخيصه تخليك معفن
وان كل واحد فى البيت له صابونه لوحده و فوطه لوحده
وان ممنوع تاكل بلبس الخروج عشان ريحة الاكل ماتمسكش فى لبسك
لما احنا كل دول؟
انتوووووا مين ؟؟؟؟؟؟
E.E
Eslam Elbahrawy
رابط المنشور على فيس بوك
