بالصور - وجود فرع لنيل النيل بجوار الاهرامات - خرافه ام حقيقه طمسها التاريخ دون معرفة السبب فى لغز اختفاءها
لارصاد بتقولك كمان يومين ارتفاع فى درجات الحراره مره اخرى
هل يتحول الشتاء الى اسطوره تاريخيه مثل فرع نهر النيل الذي كان بجوار الاهرامات ؟؟؟
==========
واحنا فى نص نوفمبر ههههه
والنبى احنا عايشين فى كوكب عسل !!
اعتقد والله اعلم بس اكيد مش هابقى عايش وقتها
ان كمان خمسين سنه هايتم تدريس فصل الشتاء فى المدارس على انه كان احد الظواهر المناخيه اللى مر بيها كوكب الارض وتلاشت واختفت !
زى ما بنسمع كده ان نهر النيل كان بيعدى من جنب الاهرامات
و زى ما بنسمع ان كان فى ديناصورات
فصل الشتاء هايبقى اسطوره يحكيها ولادنا لاحفادهم !
الله يكون فى عون الغلاف الجوى بتاع الكوكب دا والله
دا مش بس لازم الاوزون يتخرم .. دا المفروض الاوزون يجيله جلطه !
تجارب سريه وتجارب علنيه
تحكم فى مناخ ولعب فى الجو
وغاز يترش وغاز تزيد نسبته وغاوز تانى تقل نسبته
دول كانت تشتكى من كثرة المطر .. بتواجه التصحر دلوقتى
و دول تانيه كانت بتصلى صلاة استسقاء .. بقت بتغرق بسكانها وبيحصل فيها كوارث
معرفش مين اللى هبل التانى
الجو هبلنا .. ولا احنا من اللى بيتعمل فينا وفى الجو .. احنا اللى هبلناه !
================
بخصوص صورة البوست ... نهر النيل بجوار الاهرامات
برضو دا لغز من الالغاز
أحد أفرع النيل بالفعل كانت بجوار الأهرامات، ومع مرور الزمن جف هذا الفرع النيلي ولم يعد له مسار تجري فيه المياه منذ عهد سيدنا يوسف عليه السلام عندما كان أميناً على خزائن مصر.
وقديماً كان يقوم الفراعنة بنقل الأحجار التي يتم من خلالها بناء الأهرامات عبر السفن، حيث كان يزن حجم الحجر الجيري الواحد المأخوذ نحتاً من جبال المقطم من 2 إلى 20 طناً، أما أبو الهول فتم نحته من صخرة كبيرة كاملة، ولم يكن ظاهراً إلا رأسه ومع الوقت تم إزالة الرمال عن بقية جسده ليصبح كما هو موجود الآن.
وفي الصور التي تم توضيحها عام 1877م، وتم روايتها من قبل الأجداد، فكانوا يرون فرع النيل بجوار الأهرامات، دون معرفة سبب واضح، هل تم الردم بالفعل أم أنه جف بعوامل طبيعية. !!!!!!
E.E
Eslam Elbahrawy
