بالصور والفيديو - افلام هوليوود ليست صدفه - باريس تعيش ليله مرعبه بسبب فيلم the purge
افلام هوليوود التى لا تُصنع بالصدفه
ليله مرعبه فى باريس بسبب فيلم The Purge
==========
** كالعاده الجمله المعهوده .. ان من يكتب افلام هوليوود ويصنعها
يعي تماما ان تلك الافلام مجرد تمهيد لما هو قادم وسيقوم الماسون بعمله فى المستقبل
تلك الافلام هى مجرد تمهيــــــــــد !
** سلسلة افلام انطلقت من فتره .. وحققت شهره كبيره
اسمها The Purge او التطهير
** فكرة الافلام قايمه على ان الحكومه بتعمل يوم واحد فى السنه ... كل اناس متاح لها كل انواع الجرايم بما فيها القتل ... والسبب ... انهم بيعملوا تقليل لعدد السكان .. وبيتخلصوا من الناس اللى مالهاش قيمه ...
الاغنياء بينزلوا الشوارع بالاسلحه ويقتلوا الفقراء والضعفاء
وبالتالى عدد كبير بيموت .. فبيحصل تقليل لنسبة السكان للاستفاده بقدر اكبر من الثروات
** وكعادة معظم افلام هوليوود
وعلى سبيل المثال لا الحصر
الافلام اللى تنبأت فى التسعينات بسقوط برجى التجاره وجابت مشهد سقوطهم بالظبط كما حدث بالواقع... وبعد حوالى عشر سنين من انتاج الافلام .. فعلا وقع برجى التجاره فى احداث 11 سبتمبر
الافلام اللى اتكلمت عن الغزو الفضائى
وبعدها بدأت تنتشر حوادث مشاهدات المراكب الفضائيه فى العالم
الافلام اللى اتكلمت عن نهاية العالم ...
وكل الافلام مهما اختلف محتواها الا ان المفاجأه فيها
ان العامل المشترك في كل الافلام .. ان نهاية العالم بتيجي من المياه
الهلاك بيحصل لما المياه تغرق كل شىء
و دا اللى بدأنا نشوفه ... اعاصير وتسونامى وبلاد بتغرق كل يوم !
*** اما بالنسبه لفيلم The Purge
في مناسبة الهالوين الاخيره ... سكان احدى الضواحى فى باريس
فوجئوا بوجود دعوات مجهوله يتم توجيهها للسكان ... عشان ليلة الاحتفال بالهالوين ينزلوا ويعملوا نفس اللى بيحصل فى فيلم The Purge
وبالفعل ... بعد الساعه ما جت 12 بليل
نزل مئات من الشباب ملثمين بنفس الملابس اللى فى الفيلم
وبدأوا يعتدوا على الناس ويكسروا محلات ويكسروا وسائل المواصلات
ولما الامر زاد عن الحد ... وصلت الشرطه ولكن اشتبكوا مع الشرطه
وحدفوا عليهم مواد حارقه واصيب عدد كبير من رجال الشرطه
** الفكره دايما اللعب على عقلك ... تغذية عقلك اولا
يخليك تشوف الفيلم ... يخليك عندك رغبه فى العنف
يحببك فى الفوضي والعنف
بدليل ... لو حد منكم بيلعب مثلا لعبة حرب
ويبقى معاه رشاش وفاتح النار على الناس
تلاقي نفسك بتقول لزميلك ... اما لو دا بجد !!
او حتى الناس اللى بتلعب GTA وبيخبطوا الناس بالعربيات
ناس كتير تقولك اما لو الواحد معاه عربيه كده بجد !
بعد ما بيغذي عقلك ويخلى عندك رغبه فى المشاركه فى الفوضي دى
يعملك دعوات .. ويقولك انزل جربها بقى بشكل عملى
وبالمناسبه ... دا حصل معانا فى مصر حتى ايام 25 يناير
اتصدرلنا فيديوهات عن الحرب مع الشرطه و رش اسبراي اسود على ازاز عربيات الشرطه وما الى ذلك .. فالشباب فضل سنين يتشحن ويتفرج وعقله بيتمنى يعمل كده..فلما جت الفرصه .. العيال نزلت ودمرت الدنيا !
** انا حبيت الامر يبقى موثق...جيبتلكم فيديوهات للواقعه من اكونتات تويتر لشباب فرنسى كان بينشر الفيديوهات وكاتب تحتها ان فى حالة رعب وان فيلم the purge بيحصل فعلا
E.E
Eslam Elbahrawy
الفيديوهات
