صفحة معجزة فلكية كونيه - كيف يخدع الادمن اعضاء الصفحه - بكلام من درب الخيال
الصفحة دى اسمها
معجزة فلكية كونيه فى 21/12/2012
انا بتابعها ولكن دايما بحس بأن فيها كلام مش طبيعى
دلوقتى بالصدفة شوفت البوست دا
صاحب الصفحة بيقول ان حصل انهيار فى جسر العبور الموجود فى مكه
وبيقول ان دى علامة من علامات القيامة تحت مسمى خراب مكه !
وبعدين جوا الكومنتات حاطط لينكات لاخبار بتتكلم عن الحادث دا
وكمان حاطط فيديو يوتيوب
انا عاملكم ترقيم للصور فى البوست
انا لاحظت شوية ملاحظات وكتبتها للادمن فى كومنت
وكانت كالتالى :
عندى 4 ملاحظات مهمة
الاولى ان حضرتك فى البوست كاتب ان الجسر انهار
والثانية ان لينكات الخبر اللى انت حاطه .. الخبر بيقول
انهيار جزززززء من الجسر؟
والثالثه ان اسفل الخبر اللى بيقول انهيار جزء من الجسر
مفيش اى معلومة او كلام عن انهيار الجسر وكل الموجود فى الخبر ان المعتمرين تدافعوا فسقطوا من فوق الجسر ولكن لا حديث عن انهيار الجسر
والرابعة ن الفيديو اللى انت بتقول عليه فيه معتمرين مصابين ومفيش اى منظر او لقطة توضح انهيار الجسر او جزء منه
فياريت نفهم هو انهار؟ ولا مانهارش؟ ولا ااااايه
ماهو لازم نعقل اللى بيتكتب وماتكونش مجرد كلام وخلاص !!
** لقيت الكومنت اخد لايكات ودا معناه ان ناس كتير معترضه على البوست ومش مصدقاه..وبعد عمل ريفرش فوجئت ان الكونمت اتمسح فكتبته تانى
ومنتظر المرة دى البلوك
** الهدف من انى بعمل البوست دا هو ان احيانا فى صفحات فيها خبر حلو او معلومة كويسة بس مش لازم نصدق كل حاجة ولازم ندقق فى التفاصيل كويس اوى
** الصورة رقم 1 فى البوست .. صورة بوست الصفحة والكومنت بتاعى لما كتبته لتانى مرة بعد مسحه اول مرة
** الصورة رقم 2 فى البوست .. هى صورة الخبر اللى نشره الادمن ..عنوان الخبر فيه كلمة انهيار بينما تفاصيل الخبر مافيهاش اى حاجة عن الانهيار
** دا لينك الفيديو اللى بيقول انه بيصور الانهيار
ولاحظوا ان مفيش انهيار ولا حاجة طول الفيديو
** دا لينك البوست فى الصفحة
خلى بالكم وماتصدقوش اى حاجة
وركزوا فى العناوين والتفاصيل والكلام والحروف
** فى النهاية لو كنت غلطان اتمنى التوضيح ليا
جايز انا مش فاهم ووقتها هاصحح البوست ونعتذر لادمن الصفحة !!!!
÷÷ كالعادة .. البوست فيه اكتر من صورة فلازم الضغط على الصور لتكبيرها لامكانية مشاهدتها جيدا !
** تم تعديل البوست الساعة 3 عصر الجمعة
لما روحت شوفت الكومنت تااانى دلوقتى لقيته برضو اتمسح
ودا يدل ان دى صفحة زبالة والادمن بتاعها م عاوز حد يشغل دماغه !
E.E
Eslam Elbahrawy
منشور by Eslam Elbahrawy.
