كيف تعرضت لجلطة دماغيه - عندما وضعت نفسى فى موقف الاخوانى
سرحت بمخيلتى المحلقة فى سقف الاوضة دايما
وتخيلت نفسى اخوانى عايش على حلم من 80 سنة
جت انظمة ورحلت انظمة وانا مستنى ومش قادر وجوا الجحور
مرة بخطط ومرة بفجر وبرضو مش قادر احكم
اكتر من 80 سنة بيموت اجيال فى الجامعة وبتيجى اجيال
نفسنا نحكم عشان نبيعها بقى ونكمل المخطط
وفجأة ... هاموت من الفرحة
انا بقيت صاحب البرلمان كله
انا بقيت الرئيس كمان
مصر بقت بين ايديا
انا اسقطت امن الدولة اللى كان ماسك عليا حاجات
انا حطيت ناس ليا فى الجيش والشرطة والمخابرات
انا الملك اليوم وكل يوم
انا اللى بحط أجهزة تسجيل للنائب العام فى مكتبه
انا اللى بصدر عفو رئاسى عن الارهابيين بدون ما حد يعترض
انا اللى بخطف جنود وانا اللى برجعهم
انا اللى بفجر وبقتل
انا اللى جيت من الزنزانة على القصر الجمهورى
واذ فجأة ...
المخابرات تذيع تسجيلات لمرسى
المخابرات تذيع تسجيلات لخيرت الشاطر
المخابرات تذيع تسجيلات لابو اسماعيل وحجازى والبلتاجى
المخابرات بمزاجها دخلت رجالة الاخوان عشان ياخدوا ورق ويهربوه وتسجلهم وهما بياخدوا الورق وبيهربوه
وهنا
شعرت بجلطة تبدأ فى الدماغ
وذبحة تسير فى الصدر
وشلل فى معظم الاطراف
وكأنى محمود حميدة فى فيلم كيد العوالم
انا حُسحُس و حُسحُس انااااااا
فروحت خابت ايدى فى وشى
وفوقت نفسى من السرحان
ولقيتنى واقع على الارض بضحك
وعرفت دلوقتى اد ايه دكاترة القلب شغالين زى الفل
لان الاخوان اكيد كلهم عندهم جلطات وذبحات
#ابانا_الذى_فى_المخابرات
انت دخلت الموسوعة بعدد الذبحات والجلطات اللى اتسببت فيها
E.E
Eslam Elbahrawy
منشور by Eslam Elbahrawy.
