رسالة الى رئيس مصر القادم - ابوس ايدك اسرقنى
رسالة الى رئيس مصر القادم
ابوس ايدك اسرقنى
وحياة عيالك كتر الفساد
بالله عليك تعمل شله حواليك وتمسك عيالك البلد
حلفتك بالغالى تنهب قناة السويس
الله يباركلك تكون قمعى وتعمل امن دولة وتعذب فى السجون والمعتقلات
الهى يفتحها عليك تصدر الغاز لاسرائيل ببلاش
خصيمك النبى تزور الانتخابات وتعتقل المعارضين
بس اهم حاجة
ماتقطعش عنى النور
ماترفعش عنى الدعم
رجعلى الامن والامان
رجعلى كرامتى كمصرى
رجعلى السياحة
رجعلى الاحترام وشيل الفوضى
رجعلى الاكل رخيص
رجعلى المواصلات رخيصه
رجعلى الاحتياطى النقدى بتاعى
رجعلى الشهداء اللى ماتوا من الجيش والشرطة
الله يخليك
اعمل زى مبارك ما عمل وخليك حرامى
لانهم فهمونا اه ان الشرف غالى
بس نسيوا يفهمونا ان تمن الشرف هايكون الجوع والقتل وقطع النور ورفع الدعم ومفيش امن وفى دم
لا وعلى ايه .. بلاها الشرف اللى زى كده
وخليك زى مبارك !!!!!!!!!
E.E
ESlam Elbahrawy
منشور by Eslam Elbahrawy.
