الحرب اصبحت علنيه بين الاعلام المصرى واعلام الدجال
اشرف عبد الباقى فى مواجهة ام بى سى مصر
ترى من يفوز؟
بواسطة إسلام البحراوى
فى حاجات احيانا الوقت مش مناسب لمناقشتها
بس بضطر اسيب تنويه عنها عشان ابقى سجلت ملاحظتى فى ساعته وتاريخه
لازم تبقى عارف ان زى ما فى قوى للشر .. فى قوى للخير
والاتنين بيحاربوا بعض فى جميع المجالات
فى اعلانات ماسونية واشارات وتفجيرات فى الاعلانات التلفزيونية؟
اه فى
لكن برضو فى اعلانات بيترد بيها من الدولة المصرية على الاعلانات دى وبتحمل معنى واشارات برضو !
فى برامج بتتعمل عشان تهدم الدولة .. ؟ اه فى
بس برضو فى برامج بتتعمل عشان تحارب البرامج دى
** لاحظتوا ان الهجوم بدأ من ابناء الدجال من خلال برنامج باسم يوسف الساخر السافل من خلال قناة ام بى سى
فتم الرد من خلال اعلام يحارب ابناء الدجال ببرنامج ساخر يفضح باسم يوسف وهو برنامج بنى ادم شو بتاع احمد ادم على قناة الحياة
وهنا فى المرة دى .. كان الهجوم من ام بى سى ورد الفعل او رد الهجوم مننا احنا
** دلوقتى والمرة دى الهجوم كان مننا .. ورد الهجوم او رد الفعل كان من ام بى سى
اكيد كلكم لاحظتوا مسرحيات اشرف عبد الباقى بتاعت تياترو مصر
من اول حلقة شوفنا المنهج اللى ماشى عليه اشرف
بيكشف نكسة يناير .. بيكشف الاخوان .. بيكشف قطر
عمل حلقة عن النكسة.. عمل حلقة عن تمويل قطر .. عمل حلقة عن ارهاب الاخوان والمتطرفين وحلقة عن تجنيد اسرائيل للشباب المصرى وقناة الجزيرة
وهنا جه الرد بقى المرة دى من ام بى سى
لما بدأوا يقدموا حاجة اسمها ( المسرحية )
وهى حلقات نفس فكرة حلقات تياترو مصر بتاعت اشرف عبد الباقى
بس كل حلقات المسرحية دى .. بتتكلم عكس اشرف
يعنى حلقة بتتكلم عن الحاكم الفاسد واللى بينهب الدولة وبيورث الحكم لولاده
وحلقة بتتكلم عن فساد الداخلية
وحلقة بتتكلم عن ان الوزراء كلهم حراميه
وحلقة النهاردة بتتريأ على الشرطة وضعفها و اد ايه هما فشله فى مكافحة ومواجهة الجريمة !
انا حبيت اسيب ملاحظتى
لحد ما اناقش الموضوع بإستفاضة وهاجيبلكم معلومات عن اللى بيقدموا المسرحية دى وبيمولوها
بس حبيت الفت نظركم ان الحرب مش بس فى سيناء ولا مع الارهاب
فى حرب شغاله .. هات وخد بين الخير والشر
اعلام الدجال من ناحية .. والاعلام المضاد له من ناحية
وانا شخصيا بستمتع بمشاهدة المباريات الاعلامية اللى زى دى !
E.E
Eslam Elbahrawy
