بالصور - رد بسيط على هانى شاكر الذى اهان الرئيس مبارك
ماتتكلمش تانى على حد لحم كتافك من خيره
تعليق بسيط كده
ولو الموضوع مش جايب معاك .. ممكن تسيبك منه !!
كتير قعدوا يشتموا فى واحد زى عمرو دياب
مرة هرب .. مرة مش وطنى .. مرة هوا ليه مابيطلعش يتكلم عن البلد
وانا دايما ردى ان الفنان اه جزء من الجمتع
لكن لازم لما يطلع يتكلم .. يتكلم فى اللى بيفهم فيه
لان الفنان احيانا بيكون قدوة لناس كتير وكلامه مؤثر فى الرأى العام
فلو طلع اتكلم فى حاجة غلط .. ممكن يضر البلد مش يفيدها
عشان كده عمرو دياب من النوع اللى بيشتغل وبس
فلان عمل او فلان سوى .. مش بتاعته
الراجل وقت الانتخابات بينزل ينتخب
وقت الاستفتاء بينزل يستفتى
زى اى مواطن مصرى
وشغلته فى البطاقة.. فنــــــــــــــــان
مش محلل سياسى ولا ناشط او حقوقى
انا بقول دا ليه
لانى من ساعة نكسة يناير وحتى الان شوفت نماذج زبالة
من الفن والفنانين وقعوا مصر وهدموها لما اتكلموا
عشان كده احترمت اللى سكت وماتكلمش
تعالوا شوفوا...
واحد زى تامر حسنى .. اتكلم الاول وقال دول مش ثوار
وبعدين قال لالا دول ثوار؟؟
والنتيجة.. اتضرب فى ميدان التحرير
وفقد مصداقيته عند الناس لانه كدب مرتين فى نفس اليوم
واحد زى هانى شاكر
عمل فلوسه وفنه وحياته كلها فى عهد مبارك
وكان فى كل مناسبة وطنية بيغنى لمبارك
واخر اغنية عملها فى 2010 لما مبارك رجع من العلاج فى الخارج
وكانت بعنوان نورت مصــــــــــــــــــــــر
والاخر جاى امبارح..امبارح بس
يقولك ثورة 25 يناير
ويقولك عيد الفن السنة دى اعطى قبلة الحياة للفن المصرى
يا راااااااااااااااااااااااااااااجل؟
ناس زى خالد يوسف وشيريهان واسعاد يونس وخالد صالح وخالد الصاوى وخالد النبوى..كل دول فنانين..وقالوا رأيهم فى السياسة ..؟
بس كانت النتيجة ايه؟؟ البلد غرقت بسبب كلامهم
البلد غرقت لانهم كفنانين بيأثروا فى الشباب
لما الشباب شافوا صورتهم فى التحرير نزلوا وراهم
والنتيجة هى الخراب
واخيرا اكبر دليل على ان البنى ادم لما يلاقى نفسه جاهل
ياريت يسكت احسن ما يتكلم ويبوظ الدنيا
اليسا الاسبوع اللى فات فى احد برامج التوك شو
طالعة بتقول ثورات الربيع العربى نكســـــــــــــات
ولكن ...؟ ربنا يخلص سوريا من بشار ..!!
منين بتقولى نكسة..ومنين بتقولى ربنا يخلص البلد من اللى بيقاوم النكسة؟
ولا هوا مجرد شو اعلامى وخلاص
على فكرة والله مش مجرد دفاع عن حد بحبه
ولكن انا حبيت اظهر الفرق بين الاتنين
بين واحد بيشتغل ووقت ما البلد تطلبه عشان ينتخب او يستفتى بيروح
ولما عمل اغنية لمبارك ماخافش وقال ايوة غنيتها لمبارك
وراجل بيتبرع كتير للبلد وفيه اللى معلن والغير معلن
وشوية يقولوا هرب وشوية يقولوا خاين
وبرضو ساكت ومركز فى شغله ويوم ما فكر يقعد مع حد
بإعتبار انه يشارك فى السياسة
راح قعد مع الفريق شفيق عشان يدعمه
ماراحش يقعد مع جاسوس ولا ارهابى
وبين ناس عاشت واتمرمغت فى خير مبارك
والاخر تطلع تشتمه
عشان تتاجر وتتلون وتنول رضاء النكسجية
انا بس اخيرا عاوز اقول للفنان هانى شاكر
اللى انا عامل البوست عشانه اصلا
مبارك اللى بتقول كان 30 سنة ظلم وفساد
حضرتك مجالك.. مجال الفن ..لم يزدهر الا فى ايامه
مدينة الانتاج الاعلامى والقنوات والفضائيات والنايل سات
كل دا كان فى عهد مبارك مش فى عهد محمد على حضرتك !!
اخيرا .. اهداء للفنان هانى شاكر
** وجهة نظر **
E.E
Eslam Elbahrawy
منشور by Eslam Elbahrawy.
