هل تعلم حقيقة الاثار فى مصر؟
نحن لم نكتشف شىء بعد
مصر عائمة على كنوز خفيه لو ظهرت سيتقاتل الجميع عليها
انا مش من هواة الفرجة على ريهام سعيد
ولكن وانا بقلب فى التلفزيون لقيت حلقة ليها
اللى خلانى اتفرج على الحلقة دى حاجتين
الاولى
ان الموسيقى التصويرية للحلقة كانت ساوند تراك سلسلة القادمون اللى انا بعشقها..موسيقى تحفة
والتانية
ان موضوع الحلقة حاجة بحبها وعشقى الاول والاخير وهى الاثار المفقودة والالغاز والحضارة
** ريهام جابت راجل من اهالى الصعيد
اخدها فى مكان فى احد الجبال ووراها فتحتا معمولة فى الجبل
الفتحات دى بيعملها ناس بتسرق اثار
وهنا فى اللقطة دى سألته ريهام سؤال مهم؟
هوا الناس دى عرفت منين ان هنا بالذات فى المكان دا من الجبل عرفوا ان فى اثار ؟
رد الراجل قالها ماهو الشيخ هوا اللى بيأمرهم ويقولهم احفروا هنا
** للناس اللى هاتستغرب حكاية الشيخ
الشيخ مهم جدا فى موضوع التنقيب عن الاثار
اسأل اى حد او اقرا عن فتح مقبرة اثرية
يقولك لازم الشيخ يكون معانا
الشيخ دا مهمته ايه
هوا مش شيخ بالمعنى العفيف الطاهر
ولكن الراجل دا اولا بيقول تعويذة عشان يحمى اللى هايفتحوا المقبرة من اى حشرة سامة او اى شىء غير طبيعى جوا المقبرة اللى مقفولة من سنين
وثانيا الراجل دا بيكون مسخر جن
هوا اللى بيقوله على المكان الفعلى اللى موجود فيه اّثار
ومحدش يجادل فى الموضوع دا ..لو ليكم حد من الصعيد اسألوه
هاتقولولى طيب لو الشيخ عارف المكان ليه مايروحش بنفسه ويطلع؟
هااقولك فكر معايا
لو عارف المكان؟ يروح يحفر؟؟ ويتعرض لخطر ان يتقبض عليه؟ ويتعض لخطر ان حد يطمع فيه ويقتله؟؟؟
ولا انه يرشد عن المكان بطريقته
وياخد نصيبه
وعلى فكرة نصيب الشيخ فى الغالب مش بيكون فلوس
نصيب الشيخ بيكون حاجة اسمها الزئبق الاحمر
الزئبق دا بيكون محطوط جوا المومياء الفرعونية
ودا بيستخدم فى تحضير الجن
والجرام منه يساوى كتييييييييييييييير اوى اكتر مما تتخيلوا
** اخيرا عاوز اقولكم لما تشوفوا الحلقة
هاتصدقوا لما اقولكم اقسم بالله العظيم
ان كل اللى موجود فى مصر حاليا من اثار
لا يمثل 1% من حجم اثار مصر الغير مكتشف بعد
** الصعيد والدلتا منطقتين مليانين اثار
انا ليا صديق ظابط اشتغل فى الصعيد 4 سنين
بيقسم بالله ان ما فى بيت او عشه او تربة حتى
الا وتحتها مقبرة
لدرجة ان اوقات العربية الحنطور كانت تمشى فى الشارع
والعجلة تغرس فى الشارع فى حفرة
ويروحوا يطلعوا العربية ويلاقوا ان الحفرة تحتها مقبرة وفى وسط الشارع
** والله العظيم اتحكالى ان الغفير بتاع القسم بتاعه جايب ناس بيحفروله تحت بيته
وخلى بالكم
الناس دى مش تابعه لقانون اثار ولا الكلام دا
الناس دى ماشية بمبدأ ان اللى تحت بيتى يبقى بتاعى
ومافيش حكومة بتقدر على الكلام دا
** اخيرا
شوفوا الحلقة وهاتتفاجئوا وتصدقوا كلامى اكتر
والله العظيم مصر لسه اثارها ماظهرت
E.E
EslamElbahrawy
منشور by Eslam Elbahrawy.
