قصة مجيدة والشاب ابو 9 رصاصات - مأساة نكسة
ايه بقى قصة المجيدة والشاب ابو 9 رصاصات
**************
يُحكى ان يا سيدى فى بلدنا طنطا
فى منطقة شعبية اسمها ....؟ بلاش اسمها
منطقة ناسها غلابه بس فيها شوية عيال بلطجية
كان زمان قبل المجيدة امين الشرطة بيدخل المنطقة بينيم العيال البلطجية دى من المغرب او من العصر كمان
وكان كبير الخناقات فيها يوم ما تبقىم جزرة يعنى.. تبقى خناقة بسلاح ابيض
ايه بقى اللى حصل بعد المجيدة ..؟
من يومين تلاته
عيل سواق توك توك داخل شارع
وفى واحد حاطط شكاير مرصوصه فى الشارع .. شكاير اسمنت
الواد بتاع التوكتوك عاوك يعدى والشارع ضيق؟ ولو عدى هايوقع الشكاير؟
الراجل قاله ماتعديش
الواد بلطج وعدى..الشكاير وقعت واتبهدلت ..
قام صاحب الشكاير ضارب بتاع التوك توك
يفوت يوم... والتانى
باب الراجل صاحب الشكاير دا يخبط ؟
يقوم ابن يفتح الباب
يادوب لسه بيفتح.. واخينا بتاع التوك توك ماسك المسدس
وراح مفضيه فى صدر الواد ...
وماكانش لوحده كانوا تلااااته مسلحين !!!
الواد ساح فى دمه..الحته كلها قفلت الشبابيك
ام الولد تصوت عشان الناس يلحقوها ؟؟
الناس خافت واستخبت وكله خاف على عمره لحد الواد ما مات جوا بيته
جه البوليس؟؟ الظابط راح للواد سواق التوك توك مش لقاه؟
فقال لاهله الواد فين؟؟ فطبعا هربوووه
بس الظابط جاب من الاخر
قاله انا ولا هاخدك مكان ابنك .. ولا هاخد الحريم القسم
ولا اى كلام من دا؟؟
انا هاقولك كلمة واحدة
انا هاقعد فى القسم ... واستنى تسلم ابنك
لان ببساطة لو شوفته مش هاقبض عليه؟؟
هاديله طلقه اوقعه !!!
ومشى الظابط بكل هدوء لانه عارف لو كان اخد اى اجراء كان تانى يوم الصبحز. الداخلية بلطجية وليلة ....!!
وفعلا اتسلم الواد
الفرق بقى حضرتك
ان قبل المجيدة كانت الخناقة كبيرها كبيرها سكينة
وسرينة البوليس بتفرق الخناقة
دلوقتى الناس شايله مسدسات؟؟ بتقتل بعض فى البيوت؟
والظابط مابيعرفش يقبض على الجانى
هى دى فوايد 25 يناير
بقينا مجتمع دموى وبيقتل فى بعضه
مش لاقيين ناكل .. وسواق توك توك شايل طبنجة !!!!
E.E
Eslam Elbahrawy
منشور by Eslam Elbahrawy.
