فقط فى بلدى مصر -
مأساة رجول الفراخ بين الكلاب والبشر
رؤية إسلام البحراوى
فقط فى بلدى مصر
** يا حج انت بترمى رجول الفراخ دى؟
** ايوة يا حاجة
** طب يابنى ممكن اخدها؟
** ليه ؟
** عشان اعملها للعيال جنب شوية الرز
** لا معلش يا حاجة الكيلو ب 8 جنيه
** يدخل شاب عامل ضفيرة .. سلام عليكم
** صاحب المحل.. عليكم السلام
** لو سمحت هيا الرجول دى للبيع
** ايوة يا باشا الكيلو ب 8 جنيه
** ليه ياعم غالى اوى انا هاخدها للكلب
** ياعم ماشى مش هانختلف.. هات خمسة جنيه وخد الكيلو
** فقط فى بلدى مصر
يأكل الكلب رجول الفراخ
ويرفض صاحب المحل ان يتصدق بفضلات الطيور
لام تريد ان تطعم ابناءها
حدث ويحدث بالفعل
** صدقونى
فى ناس بتسلق رجول الفراخ بتعمل عليها شربة
وفى ناس بتشترى لحوم صلاحيتها قربت تخلص وسعرها رخيص عشان بس تخلى عيالها تدوق طعم اللحمة
وحضرتك؟ بتشترى ب 30 جنيه لب وحاجة ساقعه عشان تقعد تتفرج على اراجوز ولا على اعلامى ولا ممثلة ولا رقاصة
