هما ليه بيحبوا طعم الفول رغم انهم بياكلوه كل يوم ؟
سؤال حير الكثيرين -
رؤية إسلام البحراوى
عارف شعور لما تبقى اكيل وبتحب الاكل
تكون بتاكل كتير ومحاشى وفراخ وكل شىء
وفجأة تقرر تعمل دايت ؟؟ وبتكون مش متعود انك تقلل اكل
لما بتكون جعان وانت عامل دايت
لو عدت من قصادك اى حاجة بتبقى عايز تاكلها
معدتك بتوجعك من الجوع ومودك متعصب ومتنرفز
وقت ما بتنزل قصادك معلقة فول.. ولانك ماينفعش تاكل غيرها
وعارف ان هيا دى اللى مكتوبالك فى الرجيم .. ومش مكتوبلك لحوم
ولا فراخ ولا مشويات
بتنزل اكل على معلقه الفول دى وانت مبسوط وبتتلذذ طعمها
بتبقى نازلة معدتك كأنها حتت لحمة مشوية فيها كل توابل العالم
بتبقى بتتمنى انها ماتخلصش وبتعد معلقة الفول حباية حباية
** هوا دا بالظبط التفسير لسؤال حضرتك
لما بتشوف واحد فقير بياكل ساندوتش الفول بنهم
وتلاقيه مبتسم وهوا بياكله
وحضرتك بتسأل.. هوا مبسوط اوى كده ليه؟ دا فول يعنى
** لان هوا عارف ان مفيش غير دا
لان هوا راضى بدا
لان هوا من جوعه طعم الفول ربنا محليه فى معدته
ومخليه اطعم من اى حاجة فى الدنيا
** خواطر واحد بيعمل ريجيم
E.E
