تحليل الرسائل الخفيه الموجودة فى منشور فاهيتا بتاريخ 10 فبراير 2014
منشور يتحدث عن توفيق عكاشه والاغتيال
بسم الله الرحمن الرحيم
ناس كتير بعتتلى تكلمنى عن التويته دى
ومحتاجين تفسيرها
وخافين ان الاسماء اللى تم ذكرها يتم اغتيالها
ببساطة يا شباب :
1- اهالينا علمونا زمان
ان اللى بيعمل مابيقولش
وان اللى بيقول مابيعملش
2- انتهى عصر الاغتيالات بالدم والرصاص فيها يخص الاعلاميين
قد يتم اغتيال شخصية عسكرية او شرطية
ولكن
زى ما قولنا قبل كده اسلوب الاغتيال عند الخونة اختلف
وتحول من فكرة استخدام الرصاص
لفكرة الاغتيال المعــــنوى
زى ما ذكرت لكم فى تحليل فيديو فاهيتا
ومحاولتهم اغتيال عكاشة معنويا عن طريق وضع صورة مسيئة له
وزى ما لسه قايل فى فيديو تحليل حلقة باسم يوسف الاولى
ان بيغتال السيسى معنويا عن طريق انه يبينلك انه بيتعمل فرعون جديد من كتر ما فى ناس بتطبله ( من وجهة نظر الاراجوز )
3- الاغتيال المعنوى عن طريق تشويه الصورة
له فايدة..عن طريق برمجة عقلك برسائل البرمجة اللغوية والعصبية
زى ما بسطتها وقلت قبل كده
فلان بيفضحهم..طبي ازاى يخلوك ما تصدقش فلان؟
اعمل صفحات كتير..ونزل صور لفلان دا وهوا بيزغط بط..او لابس هدوم حريمى واعمل صور تهزأ منه.. بالتالى لما تشوف 100 صورة للشخص دا كلهم تريأة
عقلك بيخزن فى الجزء الخاص بالشخص دا ..ال 100 صورة المسيئة دول
فلما تيجى تسمع للشخص دا او تقراله حاجة؟
عقلك يسترجع الارشيف الخاص بالشخص دا
فيسترجع الصور المسيئة والتريأة اللى متخزنة عنده
فيهيألك انك ماتصدقوش لانه مجنون
ودا اللى لعبت عليك فاهيتا مؤخرا
لاحظوا تويته النهاردة بتتكلم عن الاولويز بما انه شىء نسائى
ومن قبلها اتكلمت عن هرمون التستوستيرون وهو هرمون ذكرى
ووقتها كان ربط اسم الهرمون برضو بإسبيدر
زى التويتة دى
ومرة اتكلمت عننا ووصفتنا بالهبل..زى التويتة دى
ومرة اتكلمت عن وصف سبايدر بإنه بنت .. زى التويتة دى
فالمحاولة هنا تشويه صورةالناس دى
مرة بإشاعة
مرة بصور متركبة مضحكة ومسيئة
مرة بإيحاءات انهم مش كويسين
عشان يبتدوا يأثروا على عقولكم
بالتالى ملخص الكلام
فى اغتيال ..= اه
اغتيال دم ورصاص ..= لا
اغتيال معنوى عشان يأثروا عليك انك ماتصدقش الناس دى = ااااه
لاحظوا الايام الجاية
وهاتكتشفوا دا بنفسكم من التويتات الجاية
E.E
Eslam Elbahrawy
منشور by Eslam Elbahrawy.
