الاجابة على سؤال : ما هى فائدة ان تنشر الماسونية رموزها فى الافلام والاغانى والاعلانات
وهل هذا يفيد الدجال ام لا؟
بسم الله الرحمن الرحيم
بداية شغلنا مع بعض النهاردة .. اول بوست
***********************************
ناس كتير بتطرح سؤال ؟
هوا ايه فايدة ان حد يحط رموز ماسونية فى برنامج او اغنية؟
حتى لو مايقصدش يوصل شفرة..انما ايه الفايدة انه يحط رمز زى العين الواحدة او الهرم او علامة الشيطان ..جوا فيديو كليب لاغنية..او جوا برنامج توك شو..او جوا فيلم ؟
انا هاجاوب حضرتك عشان دى هاتكون قاعدة هانمشى عليها
** مثال 1 :
فى انتخابات الرئاسة الاخيرة
كان شفيق ضد مرسى
ايه اللى حصل؟
مرسى كان ساقط فى الانتخابات
ولكن لاقناعك عملوا ااايه؟
كل الصور بتاعت شفيق فى الشارع اتقطعت؟
كل اليافطات بتاعت شفيق فى الشارع اتقطعت؟
وتم غزو الشوارع بصورة مرسى بطريقة رهيبة
على كل حيطة وكل جدار
عشان كده دخل جوا راسك ان الراجل دا اكتسح
فلما تم تزوير النتيجة حضرتك تقبلتها
** مثال 2
اول قناة للفيديو كليب فتحت فى مصر؟
كانت ممكن تعرض كليب عريان
فحضرتك ووالدك كنت بتضايق وعيب وعريان وبتاع
طيب شوية وفتحت مزيكا وميلودى .. بدأت حضرتك تـأقلم
طيب شوية اكتر فتحت المولد والتت والقنوات دى
فبدأت تشوف الرقص العريان والحركات الجنسية
شىء عادى وبدأت تؤمن انه اصبح جزء من المجتمع
زى ما بتشوف ناس راقية بتدافع عن العيال اللى بتعمل مهرجانات شعبى
ويقولك مانقدرش ننكر انه جزء من مجتمع هما وبتوع التوك توك
** النتيجة
ايه الغرض من المثالين اللى فوق؟
انى بعود نظرك وبهيأك لقبول شىء شاذ عليك ..لكى يصبح شىء انت متعود عليه ومش خايف منه
فأنا لما انشرلك رموز المسيخ الدجال فى افلامك وكليباتك وملابسك ؟
حضرتك عينك بتتعود عليها
طيب ولما ينزل المسيخ الدجال وتشوفه؟
هل هاتتفاجىء وتخاف؟
لا عادى..دا نازل برموز انا عايش بيها من سنين
فخلاص هاتتعود عليه
امال بنقول ازاى ان فى ناس هاتكون عارفه ان دا المسيخ الدجال ومع ذلك هاتؤمن بيه؟
عشان متعودين على شكله ورموزه واتعودوا عليها ومش خايفين منها
ثانيا ودا الاهم
التمهيد يا جماعة
مثلا ..عمر سليمان نزل اترشح امتى لانتخابات الرئاسة؟
لما نزل الناس فى مصر وملوا الشوارع صور ليه
فاقتنع ان الكل عاوزه..فظهر وحضر وترشح
كيف يفكر السيسى فى الترشح للرئاسة؟
بسبب ان كل المصريين شايلين صوره
وحسسوه ان الكل عاوزه
فمهدوا لترشحه !!
اذن
لما كل الدول
عربية واسلامية واوروبية
مسلمين ويهود ونصارى
كلهم تغزوهم رموز المسيخ الدجال
يبقى دا كده تشجيع له انه يظهر
يلا بقى اظهر يا منقذنا ( حسب من يعبدوه )
رموزك سيطرت على كل العالم
وانت اصبحت الملك اللى رموزه فى كل مكان
والكل هايتبعك ويقبل بكي
اذن المطلوب هو انتشار رموز المسيخ الدجال
عشان يحس انه غزى العالم بفكره ورموزه
وبكده يكون سهل يظهر ويكون له اتباع !
يااارب اكون وصلت الفكرة صح
عشان كده مش شرط رموز الماسونية فى الاغانى والبرامج تكون شفرات
كفاية تكنو تمهيد ليك نفسيا وعصبيا
على تقليد وتقبل رموز الشيطان
E.E
Eslam Elbahrawy
منشور by Eslam Elbahrawy.
