الرقص بالبوكسر على انغام المهرجانات احدث صيحات الهاربين من الجحور بعد 25 يناير
بمناسبة الصورةد ى
لسه راجع من برا كالعادة كنت على القهوة وكان معايا واحد صاحبى وعدى من جنبنا توك توك مشغل اغنية شعبي الساعة 2 ونص بليل ومعلى الصوت لدرجة انك ممكن تسمع الصوت من شارع تانى
فاتكلمنا فى الموضوع دا واتكلمنا بالمرة عن الصورة دى والناس اللى بترقص على المهرجانات وهى فى الميادين ولابسين بوكسرات !!
وبعدين قولتله
تصدق يا اخى ايام مبارك كان بيقولك انه مقسم البلد وان فى ناس عايشه فى حتت ممنوع الباقى يدخلها زى المدن الجديدة والساحل الشمالى والحتت دى وكان بيقولك هو كده مسلم البلد للكبار
وبعدين فكرت..؟
بصراحة لازم يحصل كده
فى ناس لو اتفتحت جحورها هاتاكلنا اكل
الناس دى اللى خرجت علينا زى الجراد بعد المجيدة الله يحرقها
واللى واخدة العيشه عافيه فى عافيه
جربناهم اول مرة بعد يوم 28 يناير 2011
لما طلعوا سرقوا المولات ومحلات الدهب
وبنجربهم دلوقتى فى تجارب التوك توك والتروسيكل والمكن الصينى الممتعه !!!!!
انا شايف ان اكيد التفرقه فى المجتمع مش كويسه
ولكن شايف برضو ان احيانا وضع حدود بين الطبقات دا لازم
يعنى تخيل الناس دى لو اتفتحلها بوابات مارينا يدخلوها عادى
ولا لو اتفتحتلهم المدن الجديدة؟
هايعملوا ايه
بالمناسبة الناس دى انت ماتقدرش تتعامل معاهم لانه ببساطة هايقتلك
انا ساكن فى منطقة تعتبر راقيه .. ولو شوفت توك توك داخلها مقدرش اتخانق معاه
لانه ببساطة هاينزل يحطلك سكينه فى بطنك ويجرى
وعلى فكرة انا حافظ كـــــــــــــــــــــــــــــــــل الكلام بتاع اصلهم اتهمشوا ومالقيوش حد يتكلم عنهم والكلام دا
لان ببساطة جدا انا مش بتكلم عن الغلابه والفقراء
لان انا بشوفهم .. الغلابه دول ناس بتنزل تشتغل وتجيب لقمة عيشها وماشيين جنب الحيط انما انا بتكلم عن غزوة التوك توك والمكن الصينى اللى مالى البلد
العيال بتوع التكاتيك بينزلوا يشتغلوا عشان بليل يشتروا مخدرات
وقف اى 4 شباب راكبين موتوسيكل وفتشهم والله العظيم هاينزل منهم مصنع مخدرات
وهل يقدر ضابط يشدهم وهما قاعدين على القهوة بيلفوا حشيش؟ زى ما شوفتهم من شويه كده ؟
هايقولك داخليه ظالمه وبلطجية وبتلفق للشباب تهمه
وبالكتير حتى لو اتقبض عليهم يقولك الكميه اللى معاهم دى تعتبر تعاطى مش إتجار وبيطلعوا
انا عمرى ما هانسى لما كنت فى مكان ما
وحد تعب واضطرينا ندور على حد يدي حقنه للوريد
فركبنا توك توك جوا البلد اللى كنا فيها
ولما دوخنا فى الاخر
سواق التوك توك اللى كان مسطول قالنا كده باللفظ
انا ممكن ادى حقنه وريد عادى انا بديها لنفسى
يعنى عادى انه يقولك انه بيضرب حقن !!
مستغربين ليه
ناس بتعيب علينا اننا بنسمع عمرو دياب ولا محمد فؤاد
طيب دا دول اصبحوا تراث دلوقتى
عالاقل واحد بيكلمك عن الحياة ولا الحب ولا ولا ولا
انما المهرجانات اللى كلها كلام عن الجنس والمخدرات والصياعه والمطاوى والسنج !!
اغانى هادفه ماشاء الله
ايام زمان كنت تفتح التلفزيون تلاقى اعلان عن تحديد النسل
دلوقتى تفتح تلاقى اعلان عن الحبايه الزرقا
والمسمار اللى بيتدق فى الحيطه
واجعل المش عارف ايه اكثر صلابه
واكثر نيله وسواد !
احنا واقعين فى مستنقع وساخه
وماتقوليش دول الغلابه
الغلابه طول عمرنا عارفينهم وفيهم اللى من اهالينا
الناس اللى بتاكل وتشرب وتقول الحمد لله وبتخاف من خيالها
مش الناس اللى بتمشى بمطاوى وتقلع هدومها وترقص فى الشارع
الطايفه دى عاوزة اباده لان الاصلاح مش هايجيب نتيجة
لان هوا شايف ان الحياة مخدرات وجنس وبس
وكله بالعافيه
ربنا يستر من اللى جاى
لانه هايبقى سواد فى سواد
لو مش لحقنا نفسنا واتصرفنا !
E.E
Eslam Elbahrawy
منشور by Eslam Elbahrawy.
