بالصور - سامح ابو عرايس يتحول من متاجر بشعبيته الى ناشر للالحاد والبقيه تأتى
بالنسبه للناس اللى عماله تبعتلى بوستات لسامح ابو عرايس؟
ومستغربين .. ليكم حق تستغربوا
بس الحمد لله الواحد كشفه من زمان
بعد فترة معينه بدأ يهزى بكلام عن الاخوان ورابعه وان السيسي ماسونى والكلام دا كله ..؟
فلما سألنى الناس .. قولتلهم والله جايز دا جنون العظمه
لان وقتها سامح كان مشهور بتحليله للماسونيه وكان يادوب ينزل البوست ياخد مئات اللايكات
فقلت جايز دا وصله للمرحله اللى بتسمى جنون العظمه انك مفكر ان كل حرف هاتقوله الناس هاتؤمن بيه من غير تفكير وفكر انه يشطح فى حاجات جريئة مثلا فتزيد شعبيته ..
ولكن اللى حصل انه فقد كل مصداقيته .. وبدأ ينزل بوستات ماتاخدش حتى لايك واحد لعدم ثقة الناس فيه .. فبدأ يعمل ايه؟ بدأ يرجع تانى يشكر فى السيسي ويقولك ممكن كان السيسي عامل نفسه ماسونى عشان يخترق الماسونيين بس هوا راجل كويس !!!
كل دا عشان يرجع شعبيته تانى.. لكنه مايعرفش ان اللى بيفقد مصداقيته عند الناس مستحيل بترجعله تانى !
لحد هنا كنت مسميه جنون عظمه
لكن بعد كده توالت الامور وبدأ الهزيان يزيد
ومع معرفة ان سامح متزوج من فتاة من صربيا !
ومع سرقته لتحليل اعلان ابله افاهيتا وفودافون اللى واجهته انه سارقه منى فعملى بلوك !!!!!!!!!!!!!!!
بدأت افهم ان دا مش جنون عظمة .. دا كان مجرد لعبه بيلعبها سامح ... عشان يضحك على الناس .. الاول يقول كلام فى صالحنا عشان يشدنا عشان نتابعه وبعد كده يظهر على وشه الحقيقي ويكون وراه اتباع بيسمعوا كلامه !
فعرفت انه بيعمل لمصلحة حد !
** وكمان اول لما تلاقى حد عاقل وكالمه موزون
فجأة كلامه يتحول لكلام جنان يضحك الناس علينا
وفجأة بالصدفه يستخدمه باسم يوسف فى برنامجه كماده للسخريه من نظرية المؤامرة؟
لازم تشك
خصوصا ان سامح حتى بعد ما باسم بهدله ..؟
قال انه موافق ومعجب بالحلقه !!!!!
وبيقولك انا بس معترض على حاجه صغنطوطه اوى ان باسم عضو فى شبكه ماسونيه
يعنى الراجل بيحب باسم بس حكاية الماسونيه دى بس يعنى مزعلاه
وكأنه بيتكلم ان باسم عضو فى نادى الجزيرة
كل دى حاجات كان لازم نتوقف عندها
مؤخرا سامح اتجه لبوستات الالحاد
مرة يقول ان ربنا زلزل مصر حزنا على مبارك
وان دا ماحصلش لما الانبياء اتأذوا . اذن مبارك احسن من الانبياء !!!
والنهاردة بيتكلم عن ان عذاب القبر ومعجزات الانبياء زى سيدنا موسى دى مجرد قصص وهميه ( استغفر الله ) !!!
انا عاوز اقولكم انى كشفته من زمان
من ساعة ما دخلت معاه مناقشه بالعقل وعملى بلوك
لانى كشفت انه متناقض.. وبيمشى الكلام على غيره ومش بيمشيه على نفسه
انا حاططلكم صورة لمحادثة تقريبا بقالها حوالى 10 شهور
ودى اللى على اثرها اخدت بلوك من عنده ! لما كشفته قصاد الفانز بتوعه !
حبيت اوضح لان الناس فاهمه انى مش عارف الحقيقه..
لا انا عارف
وعلى فكرة دايما بقولكم مش عيب ان الواحد يكون مش فاهم
بس العيب انه يفهم ويفضل متجاهل
انا واحد كنت بتابع كتاباته وتحليلاته وكنت بحترمه !
بس لما دخل فى مناطق معينه وكشف نفسه كان لازم اتراجع واقوله ستوب !!!
** واخيرا
البوست دا عشان اوضح للناس اللى بتبعتلى فقط انى عارف وفاهم ومتابع
مش عشان اى حاجه تانيه
لانى ماليش فى شغل تكسير العظام والمشاحنات مع الاشخاص
انا راجل ليا دماغى وبقول اللى عاوزه
ومش برد على حد سواء انتقد او شتم او عمل
وماشى بمبدأ دع الخلق للخالق !
بس فى اوقات بيكون واجب فيها التنويه
E.E
Eslam Elbahrawy
منشور by Eslam Elbahrawy.
