اول ما خطر فى بالى عندما تخيلت نفسى احد شهداء حادث الفرافره
يارب مد فى عمرى دقيقه
يارب يارب والنبى نجينى دقيقه واحده
- دقيقه واحده طيب اكلم امى اقولها ماتزعلش منى لانى زعلتها قبل ما اسافر
- دقيقه واحده طيب اقول لاخويا مش هاقدر اجيبلك الموبايل اللى كنت مواعدك بيه لما تنجح
- دقيقه واحده الحق اكلم خطيبتى اقولها مش هانلحق نربى ابننا اللى كنا بنتكلم عنه قبل ما اسافر وقولتلها نفسى يكون شبهك
- دقيقه واحدة اسمع صوت صحابى واقولهم هايوحشنى قعدة رمضان معاكم
- دقيقه واحدة يارب
طيب بلاش دقيقه
ثوانى اتصل بأمى اسمع صوتها واقفل
دا اللى جه فى بالى لما سرحت من شويه
وتخيلت نفسى قاعد فى كتيبه وقت الفطار
ودخل عليا ناس تموتنى
لما غمضت عينى وفكرت ايه اللى ممكن اتمناه فى الوقت دا
لقيت نفسى بتمنى دقيقه اعمل فيها الحاجات دى
ادعولهم
مفيش بإيدنا غير الدعاء
انا دايما امى تقولى انت لو جرالك حاجه هاموت وراك
لما اتخيلت امى بيجيلها خبر وفاتى فى تليفون قبل الفطار
حسيت ان قلبى انا اللى هايقف من تخيلى للموقف !
انا نفسى اشوف قصاص عادل
قبل ما اموت
عشان لو مت وشوفت حد منهم فى الاّخره
اقدر ارفع وشى فى وشه واقوله اخدنا حقك !
E>E
Eslam Elbahrawy
منشور by Eslam Elbahrawy.
