بالصور - صورة مسربه لمجندات اسرائيليات تقوم بعمل ميكياج لجروح وهميه
لاظهارها للاعلام على انه جروح جراء القصف على اسرائيل
صورة متداولة - لمجندات اسرائليات يقومون بعمل مكياج لجروحهم لكي يتم تصويرهم على انهم جرحوا امام الاعلام .
كده لقمة العيش هاتطير من اّيه مصطفى !!!
صدقتوا لما قولتلكم ان النوع دا من الميك اب بيستخدم فى حاجات غير الفن
ومادام استخدمه الاسرائيليين
يبقى مش بعيد زى ما توقعت يكون تم استخدامه من الاخوان !!
وبكره الايام تثبتلكم والايام بيننا
** دا تذكير بموضوع اّيه مصطفى
بالصور والفيديو
حل اللغز وراء اّيه مصطفى
من هى ايه مصطفى
هل هى مجرد محترفة ميك اب
ام هى اداة يتم استخدامها - التفاصيل كامله
بواسطة : إسلام البحراوى
** المحتوى ::
1- لغز كبير حاصل
من متهكمة على رابعة
لمتهكمة على الجيش
لشهرة مفاجئة
لظهور على نايل تى فى
ثم سى بى سى
واخير
الظهور على الجزيرة !!
دايما .. اى قصة وراها قصة
ادينى بفحفر وراها
واكيد هاوصل لحاجة .. ان ماكنتش وصلت بالفعل !
soon
E>E
Eslam Elbahrawy
2- بس عشان يكون دا تسجيل
ان العبد لله تقريبا هايكون اول حد اتكلم عن الشىء دا !
ايه مصطفى
افتكروا الاسم دا
دى بنت مشهورة حاليا واتشهرت شهرة غير عادية فى ظرف ايام
بتعمل ميك اب الزومبى المرعب اللى يشبه الافلام الاجنبيه
مليون علامة استفهام واستفهام
مؤيدة للجيش
بتشتم فى رابعه
متبرئة من الجيش
بتتريأ على الجيش
بتطلع على نايل تى فى
وبعدين تطلع على الجزيرة تحت عنوان ( إبداع الاحتجاج )
وبعدين عشان الشهرة والفلوس قالت ماليش فى السياسة ومسحت كل بوستاتها القديمة
وبعد كده...؟
تكون هى اللى عملت الميك اب بتاع فيلم الدساس !
فيلم الدساس اللى معمول ضد 6 ابريل والاخوان
واللى مشارك فيه حد وطنى زى عمرو مصطفى
الدوووووامة كبيرة
بس مفيش حد مالوش قصة
انا حبيت يكون البوست دا بس تسجيل لموقف وبداية فتح موضوع لاول مرة
1 / 5/ 2014
انتظروا الباقى لان فى حاجات كتير !!!!
E>E
Eslam Elbahrawy
3- 1 مايو 2014
ارجو الانتباه للبوست .... هانقول كلام حلو
________________________________
المشكلة انى مابعرفش اسكت وامبعرفش اشوف العوج واسكت
من فترة هل علينا بنت اسمها ايه مصطفى بتعمل ميك اب الخدع السينمائية بتاعت افلام الرعب او الزومبى ...
وفجأة ؟ وبسرعة الصاروخ ومش عارفين جت منين ...؟
صفحتها بقت اشهر صفحة فيس فى اسبوع ..
فيديوهاتها ال 20 ثانية؟؟ بتعمل مشاهدات بالالف
واخيرا اشتركت فى عمل فيلم الدساس مع عمرو مصطفى
كل اللى فات دا مجرد معلومات عادية انا عارفه
اللى مش عادى .. واللى انا عامل البوست عشانه كام حاجة :
اولا .. ان الفن الى هيا بتعمله دا ممكن يستخدم ضدنا لان ممكن وبسهوله عمل ميك اب عن طريقها لحد عينه متشاله او مخه مفتوح ويتصور ان دا تعدى من الامن على الاخوان ..( وهاتعرفوا فى نهاية البوست علاقتها بالاخوان )
ثانيا اننا لازم نفضح اى متلون بيشتغلنا ويلعب علينا
الاخت ايه على الاكونت بتاعها هاجمت بتوع رابعه ..
قبل الشهرة والفلوس والتلفزيون
وكانت مع الجيش والسيسى
وفجأة ...؟ بعد الشهرة والفلوس
تتحول بقدرة قادر لكائن بينتقد الجيش
وبيقول انه متعاطف مع شباب الاخوان اللى بيتقبض عليهم ظلم
ولما لقت انها هاتخسر جمهور من الناحيتين
راحت بسرعة مسحت كل بوستاتها السياسية
وقالت انها مالهاش فى السياسة ولا عمرها اتكلمت فيها
بس .. دا طبعا بعد ما كنا اخدنا برينت سكرين
ثالثا:
عبد الله خالد .. مخرج شاب..وهو خطيب ايه مصطفى
وهنا بقى يكمن السر واللغز
ازاى واحدة حاليا بتقول انها مع الجيش ومع بلدها
( دا بعد ما مسحت بوستات مهاجمة الاخوان )
عشان ماتخسرش حد من الاخوان
ازاى خطبيها يكون واحد من المقربين من حمدين صباحى
ومن خالد على .
وبيقول يسقط حكم العسكر
وبيقول انتخبوا الع*ص !!
علامة استفهام مش كده ..؟
رابعا...
اكبر دليل انها متلونة
انها طلعت على سى بى سى ...
هاجمت الاخوان فى منشوراتها
وبعدين طلعت على الجزيرررررررة فى برنامج بعنوان
ابداع الاحتجاج ..اى الشباب اللى بيحتج على النظام بس بإبداع وطرق جديدة
ومسحت منشورات مهاجمة الاخوان
ثم عملت فيديو يهاجم اختراع الجيش هتلاقوه فى اخر البوست
خامسا ..
انا جايبلكم كل حاجة بالصور
صورها وهى بتهاجم الاخوان
وبعدين وهيا بتهاجم السيسى
وبعدين صور خطيبها اللى بيقول يسقط حكم العسكر
صور خطيبها وهوا عامل فولو لعلاء عبد الفتاح وخالد الصاوى وعمرو واكد
سادسا
البوست دا مجرد بداية واللى عندنا كتير
فيديوهات مش بس صور
ومبدأيا دا فيديو للاستاذة وهيا بتتريأ على اختراع القوات المسلحة
اخيرا عاوز اشكر صديقتى الجميلة ماهينور ابراهيم
على مساعدتها ليا فى حاجات كتير
استنوا باقى البوستات .. وهانعمل فيديو قريب
واهم حاجة..اوعوا حد يضحك عليكم ...
E.E
Eslam Elbahrawy
4- البوست دا فيه برينت سكرين لاّيه مصطفى نفسها لما دخلت تعلق عندى لما نشرت بوستات تتكلم عنها !
اه وبالمناسبة كمان .. انا لحقت اخد برينت سكرين لكومنتاتها عندى فى بروفايلى لانى كنت عارف انها هاتمسح الكومنتات
لان دا مش غريب عليها واللى يدرس شخصيتها وافعالها يعرف انها دايما تنزل كلام
وتمسحه زى ما عملت ايام الاخوان وايام ما بعد الاخوان
الله؟؟ دا واضح ان البوست بتاعى بتاع اّيه مصطفى مسمع بقى
لما اّيه بنفسها تدخل عندى
وتعمل تاج لاصحابها عشان يدخلوا يشتمووووا
يبقى كده فى حاجة غلط
مش غريبة برضو واحد عندها الاف المتابعين تهتم ببوست بتقول عليه انه مش صح ودخلت ضحكت عليه؟
بس بما انك طلعتى متابعة يا اّيه
ممكن تقوليلى ليه اخترتى الصورة دى بالذات عشان تضحكى عليها انتى واصحابك
وماشوفتش ليكى رد على التسع صور التانيين
اللى فيهم كلام ليكى مرة ضد الاخوان ومرة ضد الجيش؟
واللى فيهم خطيبك بتاع يسقط حكم العسكر؟؟
ياريت والنبى تشرفينى تانى وتردى عليا
بس تيجى لوحدك من غير ما تجيى اصحابك يضحكوا ويتهكموا ويمشوا
مستنيكى يا قطة !!
E.E
Eslam Elbahrawy
5- 2 مايو
حاجة غريبة
هاتخلينى اكمل باقى الصور واكمل فى موضوع اّيه مصطفى
ان كل اللى عمال امسحلهم كومنتات وهما بيشتمووونى
كلهــــــــــــــــــــــــــــــم اخوان
وصور بروفايلهم اما السيسى قاتل.. واما رافضين احكام الاعدام بتاعت الارهابيين
والغريب فى الامر
انهم بيعلقوا ويشتمونى فى الصور اللى رافعها لاّيه وهى بتقول على بتوع رابعه فى ستين داهيه
بالله عليكم مش حاجةغريبة وتستدعى التفكير
عامة مكملين
وانا ماكنتش اعرف مين اّيه
ولا عاوز اعرفها
بس محبش حد يشتغلنى ويلعب على كل الاوتار
وزى ما فى متلونين فى الاعلام
فى متلونين فى كل حته
وجب فضحهم
رخــــــامة بقى !
** بالنسبة للصورز. دى فقرة
ايه وخطبيها ميكس
كل حاجة والعكس
E>E
Eslam Elbahrawy
6- بالمناسبة البوست دا هتلاقوا فيه تعليقات من واحد اسمه عبد الله خالد دا خطيب اّيه مصطفى ومجرد اهتمامه بالموضوع يوضح اد ايه ان هو وصله كلام وان الكلام
المعروض بيلمس حاجة معينه !
طيب
لو سهرانين .. عاوز حبايب اّيه مصطفى يبعتولها الصورتين دول
اّيه وقت الكحرته .. طلعت فيديو اسمه اختراع القوات المسلحة
كان على قناة اليوتيوب بتاعتها اللى اسمها
Aya Mostafa Tube
والفيديو كان بيهاجم القوات المسلحة والاختراع بتاعها
باسم يوسف رقم 2 يعنى
وبعدين اّيه بعد الكحرته.. ووقت الشهره
خافت ان حد يشوفلها الفيديوهات القديمة
راحت عملت قناة يوتيوب جديد بإسم
Aya Mostafa
ولما تدخلوها مش هتلاقوا الفيديو بتاع القوات المسلحة عليها
البوست فيه صورتين
اتأكدوا بنفسكم
واتأكدوا كمان من اللينكات
عارفه لو كنتى سكتتى؟؟ كان ارحم
انما مادام انتى وخطيبك شرفتونى وجيتوا بشلة الاخوانجية بتوعكم وشتمتوا؟؟
يبقى ادينا سهرانين مع بعض
وياما فى الجراب يا حاوى !
E.E
Eslam Elbahrawy
7- بالمناسبة البنت دى اشتركت فى عمل الميك بتاع الزومبى بتاع فيلم الدساس
واشترك فى الفيلم دا عمرو مصطفى وانا عملت البوست وبلغنى من عمرو انه فعلا حذر فريق العمل منها !!!!!!
E.E
Eslam Elbahrawy
8- اخيرا لو كان كل ما سبق لسه محدش فهم منه حاجة
الفيديو الجاى دا تلخيص لكل حاجة وهاتفهموه
ودى كانت اخر حاجة بينى وبينها
وان شاء الله هاضيف اى جديد
وبفكركم تانى اللى فات دا كله كان نقل لبوستات ليا على الفيس بوك
بدون اى تغيير وممكن تضغطوا على الرابط اللى فى اول الموضوع
وتروحوا للبوستات بالتاريخ واليوم
اسيبكم مع الفيديو
