حقيقة العالم - مدونة إسلام البحراوى: بالصور - تحذير - صفحة كن مستعد على الفيس بوك تدعو للالحاد وعدم الاعتراف بالكتب السماويه والرسل

بالصور - تحذير

صفحة كن مستعد على الفيس بوك تدعو للالحاد

وعدم الاعتراف بالكتب السماويه والرسل

تحذير ... صفحة مشبوهه !

انا اسف والله ما قدرت انام وانا عندى تحذير ولازم اقوله

الصفحة دى .. اسمها إستعد

متابعها من فترة

انا ماعنديش مشكله يكون اللى بيتكلم فيها بيعمل مواضيع عن الفضائيين او لا ؟

كل واحد بيكون له وجهة نظر وشايف انه صح وانا حر ليا عقل اقبل او لا اقبل

ماعنديش مشكله واحد يتكلم عن الفيزياء ولا الكيمياء

برضو كل واحد حر

ماعنديش مشكله واحد يقول فى مخلوقات عايشه فى كواكب؟

برضو دى كلها نظريات غير منفيه وغير مؤكده

وانا ماشى بمبدأ انك مادام مش قادر تثبت عكس الحاجه يبقى ماتقدرش تنفيها

فخلاص.. تقول ان فى كواكب..فى مخلوقات.. عادى

انما الصفحة دى متابعها من فترة ولاحظت ان عدد كبير من الفريندز عندى مشترك فيها.. قد يكون البعض مشترك زيى عشان يتابعهم .. ولكن قد يكون البعض الاخر مشترك عشان ياخد معلومات من الصفحه

الصفحه انا متابع بوستاتها ولاحظت فى الصفحة كلام كله إلحاد .. ولما شوفت كلامهم تذكرت كلام نهى الملحده اللى كانت مع ريهام سعيد لما قالت ان الاديان دى مجرد حاجة لتحسين الاخلاق وبس وان الكتب السماويه كتبها بشر وان مش ربنا اللى انزلها...

الكلام دا برضو اتكتب فى الصفحه..اه والله تخيلوا

افتحوا الصور هتلاقوا الاّتى

1- فى الصورة رقم 1

ادمن الصفحه بيقول ان الاديان السماويه هى مجرد دليل للسلوك الحسن واننا كلنا ولاد ربنا وجينا من نسله !!!!!!!!!!!!!!!!!!!!!!!

2- فى الصوره رقم 2

ربنا بيقول انه خلق الانسان فى احسن تصوير

والادمن بيقول اننا اصلنا قرد

وكأن دا ترويج لنظريات الغرب الكاذبه !!

3- فى الصوره رقم 3

بيقول ان الانبياء جاءوا من ابعاد سماويه اخرى وتجسدوا فى صورة بنى ادمي

لكن الكارثه الاكبر

بيقول الادمن ان الكتب السماويه هى كتب شارك فى صنعها مخلوقات فضائيه وبشر وشياطين

اليس هذا بإلحاد ؟؟؟

4- فى الصورة رقم 4

شوفنا الاول تشويه للادينا السماويه والاسلام

وجه وقت كمان تشويه المسيحيه

حتى انه بيقول ان المسيح هو ابن مخلوق فضائى اسمه جبريل !!

حتى ان كان لا تخصنى العقيده المسيحيه

القراّن والاسلام قالولى ان المسيح عيسى بن مريم

{وَلَقَدْ آتَيْنَا مُوسَى الْكِتَابَ وَقَفَّيْنَا مِن بَعْدِهِ بِالرُّسُلِ وَآتَيْنَا عِيسَى ابْنَ مَرْيَمَ الْبَيِّنَاتِ ... {إِذْ قَالَتِ الْمَلآئِكَةُ يَا مَرْيَمُ إِنَّ اللّهَ يُبَشِّرُكِ بِكَلِمَةٍ مِّنْهُ اسْمُهُ الْمَسِيحُ عِيسَى ابْنُ مَرْيَمَ

اليس هذا الحاد ايضا ان تقول ان عيسى عليه السلام هو ابن لمخلوق فضائى !!!

** فى الصورة رقم خمسه
الادمن بتقول ايه بقى؟
بتقول ان الالحاد مش معناه انك ماتكونش مؤمن بالاديان
يعنى انت لو مش مؤمن بأى دين ماتبقاش ملحد
انما الادمن بتقول ان الالحاد ان ماتؤمنش ان فى خالق للاشياء

يعنى انت لو اّمنت وخلاص ان فى خالق للاشياء ولكنك مش معتنق ديانه سماويه ماتبقاش ملحد؟
وبناء على كلامها لو واحد فى الصين بيعبد البقر ومعتقد ان البقره هى اللى خلقت الكون؟
كده مايبقاش ملحد !!!!!!!!

وايضا استمرار فى التحقير من الانسان
حتى بتقول ان فى انسان من نسل الصراصير ولكنه تطور