موقع البوابه نيوز ينفرد بقرار وقف تعامل شركات المحول مع شركة رصد
بعد تسليط الضوء عليها من قبل صفحة ضد الماسونيه
بسم الله الرحمن الرحيم
طبعا مبسوط جدا وسعيد جدا انى بقدر اقدم شىء ولو بسيط لبلدى
وسعيد بقرار المركز القومى لتنظيم الاتصالات بوقف خدمة تعامل الرسائل القصيرة بين شبكة رصد وشركات المحمول وهو الامر اللى كنت أشرت إليه فى الاسبوع الماضى ويبدو ان فى اللى بيسمعنا وبيشوف كلامنا الحمد لله
البدايه كانت من البوست دا
بتاريخ 1/7/2014
رابط البوست فى الفيس بوك
رابط البوست منشور فى موضوع على المدونه هنا
وكتبت فيه
هام جدا
شىء لفت نظرى واتمنى الرسالة توصل لاكبر قدر من الناس
1- انا مش عارف ازاى يبقى عندك حكم محكمة ان الاخوان المسلمين جماعة ارهابيه وحتى الان بنشوف مثلا صفحات تقولك مناوشات بين الربعاويه والامن؟
اسمها مناوشات بين الارهابيين والامن
2- لفت نظرى بقى الصورة دى
الصورة دى محطوطة على شبكة رصد الاخوانيه
الشبكة اللى كل بوست ليها يحتوى على كلمة الانقلاب وقائد الانقلاب والسفاح و و و الخ
الصورة دى بيحطوها انهم ليهم ارقام عند ال 3 شركات بتوع الاتصالات فى مصر وتقدر تتابع اخبار شبكة رصد لما تشترك
انا عاوز افهم بقى ازاى دا حاصل؟
ازاى موبينيل وفودافون واتصالات يوافقوا على تخصيص رقم يتم عمل منه خدمة نشر اخبار لشبكة ارهابيه بتدعم جماعه ارهابيه ومش موافقه على سياسة الدولة وبتهاجم كل ما هو مصرى سواء جيش او شرطة او شعب عمل ثورة؟؟
علامة استفهام كبيرة
ولازم الخدمة دى تقف فى ال 3 شركات
لان مش معقول تكون الشركات دى بتاكل من خيرنا وفلوسنا
والاخر تعمل خدمة لصفحة ارهابيه انها توصل الاخبار المغلوطة والاشاعات لحد الناس بالموبايل !!
اللهم بلغت
اللهم فاشهد
E.E
Eslam Elbahrawy
*******************
بعد كده فى يوم 7/7/2014
وجدت خبر على صفحة شبكة رصد بيقول ان الجهاز القومى لتنظيم الاتصالات قرر وقف التعامل مع شبكة رصد من خلال شبكات المحمول الثلاثه فى خدمة الرسائل القصيرة
رابط البوست على شبكة رصد
والحمد لله كنت سعيد جدا بالاستجابه وشرف وجودكم جنبى بكل شير اتعمل للموضوع لحد ما وصل للمسئولين وقدروا يوقفوا الخدمه
***********
النهاردة والحمد لله
كعادة موقع البوابه نيوز المحترم والمتابع لكل شىء بقدمه
نشر الخبر وأبرز فيه ان سبب ايقاف الخدمه كان بسبب تنويه صفحة ضد الماسونيه عن المشكلة او الملحوظة دى
والحمد لله يارب دايما الواحد موفق انه يقدم ولو جزء بسيط جدا من حق البلد عليه
رابط الخبر اللى بيتكلم عن الصفحه ودورها فى ايقاف الخدمه
** محتوى الخبر على موقع البوابه نيوز
