بالصور والفيديو اعلانات جمعية رسالة ومصر الخير تحرض على الشرطة
وتزرع الحقد داخل الفقراء تجاه الشرطة - شاهد بنفسك
يلا يا وليه شيلى حاجتك من هنا
حسيبى الله ونعم الوكيل فيك
انتى ماجبتيش اكل يا ماما ؟؟
دا مشهد فى اعلان لاحد الجمعيات الخيريه
معرفش ايه العلاقه انك عاوز تخلينا نتبرع للغلابه
انك تجيب ضابط بيرمى للست حاجتها فى الشارع
وهى تروح لعيالها زعلانه والعيال يسألوا على اكل وهما جعانين
وتبص الام نظرة حزن .. وكأن السبب فى قطع عيشها هو الضابط
انت ليه بتهيج الناس على الشرطة
فعلا فى ضباط بتعمل كده بس لما بيكون فى اشغالات ودا شغلهم
انما اللى انت اظهرته فى الاعلان ان الضابط مفترى وقطع عيش الغلابه
** ناس عماله تقولى اللى ظهر فى الاعلان مش ضابط؟
للناس اللى هاتقرا
والناس اللى هاتعمل شير عشان لو حد قالكم دا مش ضابط
فى حاجة اسمها الإسقاط
ياترى حد مايعرفش ايه الاسقاط؟
حبايبى احنا كان عندنا حملة ازالة اشغالات قاسيه جدا
وصورتها شبكة رصد بنفس المنظر
وجابت ست صاحبة كشك وهما بيشيلوا حاجتها والراجل بيتخانق معاها وبيلم الحاجه
فى علم النفس حضرتك هاتعمل زيى
اول ما هاتشوف الاعلان حتى لو اللى بيشيل الحاجه دى واحد بشورت حتى
برضو هاتفتكر البلديه وحملة ازالة الاشغالات
اتفضلوا الرابط دا وشوفوا الصور والكلام متصورين ازاى تقريبا نفس الاعلان اللى ظهر
وهاحاول اجيبلكم الفيديو
**المشكله اللى هاتجننى
ان فى اول الاعلان الست بتجرى من الشرطه
يعنى اصلا حتى لو مشينا بمبدأكم ان اللى رمى حاجة الست واحد بلطجى
هايكون السبب من الاول انها تروح المكان دا ان الشرطة هي اللى طاردتها وقومتها من مكانها
اتفرجوا واتفضلوا شوفوا الفيديو من الرابط دا
اظن وضحت؟
شخصيا بتمنى ربنا يسامحنى على كل جنيه دخلته من جيبى او من جيب اسرتى لجمعية رساله وللجمعيات دى كلها
وربنا عارف انها كانت بغرض الخير
وقرار نهائى جوا الاسرة بعد ما شافوا الاعلان دا
وبعد ما شافوا فيديوهات مقرات حملة رساله وهى فيها اخوان
ان التبرع اما يكون لحد نعرفه شخصيا
او لمستشفى 57357
او لمعهد الاورام اللى بيتبنى جديد فى طنطا
غير كده.. لا
لانى مش هادفع فلوس لجمعيات بتحرض ضد البلد
E.E
Eslam Elbahrawy
منشور by Eslam Elbahrawy.
