فيلم سالم ابو اخته - بعد مرور اربع سنوات على النكسه
مازالوا يستخدمون نفس منهج التحضير للخراب والفوضى
القصه كالتالى
بياع جائل فارش فرش فى الارض بيبيع هدوم
عنده اخت عندها عجز ومسئوله منه
البياع الغلبان دا مستقصده ضابط شرطه مفترى مش حاسس بهموم الناس
ضابط شرطة كل ما يتكلم عن الغلابه يقول عليهم بلطجية وسفاحين
بيفضل ضابط الشرطة حاطط البائع الجائل فى دماغه وعمال يقرفه
مره يقبض عليه ظلم ومره يسجنه ظلم ومره يدمرله الفرش والبضاعه بتاعته
بيخرج البائع الجائل من السجن بعد القضية الظلم اللى لفقهاله الضابط المفترى
وبيقرر يعمل مشروع جديد ويعمل مخزن للهدوم بتاعته
لكن الضابط الفاسد كان لسه حاطه فى دماغه
وطبعا نسينا نقول ان الضابط دا بيعمل علاقات مشبوهه فى الحرام
ومتجوز بنت لواء فى الداخليه وكل ما تكلمه تعايره انه فاشل وجاى من الفلاحين من ورا الجاموسه وان لولا
ابوها ماكانش بقى ضابط وله قيمه !!!
وبيتفق الضابط الفاسد مع واحدة من اللى بيعمل معاهم علاقات محرمه
انه يحرق المخزن بتاع البائع الجائل الغلبان المسكين
وفجأه بيقرر البائع الجائل انه يقتل الضابط الظالم ابن الكلب اللى بيفترى عليه
وفعلا بيقتله
وبيروح المحكمة وفى جلسة الحكم عليه بيطلب من القاضى يتكلم ويقف جوا القفص يقول اد ايه ان حلم حياته
يعيش مستور بس واجه الافترا بتاع الضابط
وبينتهى المشهد والبائع الجائل بيقول انه هو واللى زيه مش بيعيشوا عشان يحققوا حلمهم انما بيموتوا
وهما بيحققوا حلمهم
كل اللى فات دا ماكانش قصة الراجل اللى انتوا شايفينه فى الصوره
اللى فات دا هو اللى بيوصل الاحساس للراجل اللى فى الصوره وبيخليه يكتب كده ويعمل كده
هو بيشوف اللى يزرع جواه انه صح وان الداخليه بلطجيه
هو بيشوف اللى بيزرع جواه اللى يخليه يستخدم اسلوب رفع اليافطات عشان يجلب التعاطف
#عن_فيلم_سالم_ابو_اخته_كنت_اتحدث
فى نكستهم الاولى استخدموا الفن
والان واضح انهم مازالوا ينتهجون نفس النهج من اجل خراب قادم يريدونه
E.E
Eslam Elbahrawy
منشور by Eslam Elbahrawy.
