بين جهاز القوات المسلحه و لقاح امريكى لعلاج الكبد
كيف يساهم برنامج فى قتل جهاز ويساهم اخر فى الترويج لعلاج
علي قناة MBC4 دلوقتي
كنت بتفرج علي برنامج اسمه
The Doctors
بيتكلموا عن علاج جديد لفيروس سي وبيقولوا ان العلاج تم تجربته واثبت نجاح وشفاء وصلت لنسبة ٩٠٪ ولكن العلاج لازم تاخده لمدة ٨٤ يوم متواصل ليتم الشفاء وتمن الحبايه الواحده الف دولار يعني المريض الواحد هايدفع ٨٤ الف دولار
البرنامج مستضيف مين بقي
اولا جايب الدكاتره اللي عملوا العلاج
ثانيا جايب مريض اتعالج بالعلاج وخف
ثالثا فقرة تهليل للحكومه الامريكيه اللي هاتحاول ترخص سعر الدوا لمحدودي الدخل
وهنا كان ليا كام ملحوظه
الاولي: عرفتوا ليه جهاز القوات المسلحه بتاعنا بيتحارب؟ لان زي ما كتبتلكم من فترة ان في مافيا للادويه بتكسب مليارات من الادويه دي .. فلما يجي جهاز مصري يسحب التورته دي من ايديهم اكيد لازم يتهاجم ... الحبايه بألف دولار.. والمريض الواحد بيدفع ٨٤ الف دولار عشان يخف .. تخيل كام مريض كبد في العالم وكام تريليون مكسب للشركات دي.. وعاوزهم يشجعوا الجهاز بتاعك؟!!
الثانيه : شوفوا اعلامهم بيعمل ايه واعلامنا بيعمل ايه .. هما جابوا الدكتور وجابوا مريض اتعالج وروجوا للعلاج وعملوا فقرة شكر للحكومه .. اعلامك شوه في جهاز القوات المسلحه قبل ما ينزل اصلا .. اعلامك مافكرش يجيب مريض من اللي اتعالجوا رغم ان الناس كانت بتتصل بالقنوات وعاوزه تطلع تقول انها اتعالجت !!
الثالث: مهاجمة اختراع القوات المسلحه كان علي اشكال مختلفه .. حاربوه من خلال عدم منحه شهاده عالميه عشان يتم استخدامه وبالطبع المنظمه اللي بتعطي الشهاده هي نفسها المافيا المتحكمه في الادويه ..وواجهوا الجهاز بشكل تاني من خلال الاعلاميين الخونه ابناء امريكا امثال الاراجوز باسم يوسف .. اللي سخف وقلل من الجهاز قبل ما ينزل
عرفتوا ازاي امبراطورية الاعلام الصهيوماسوني بتتحكم في مصير الدول والعالم .. برنامج واحد يروج لحبايه تجيب تريليونات ويرنامح تاني يهاجم الجيش ويحبط فكرة الجهاز
واخيرا اللي هايكلمني عن تأخر خروج الجهاز في معاده .. هاقوله ابحث عن مؤتمر حكومات العالم الصهيونيه اللي بيتم عقده مره سنويا واللي من خلاله وقفت مافيا الادويه قصاد الجهاز والايام بيننا وقريب اوي هاتعرفوا
E.E
Eslam Elbahrawy
منشور by Eslam Elbahrawy.
