العقيد ساطع النعمانى - هذا ما شعرت به وانا اراك تتحدث عن مصر وعن ما حدث لك
مم بصوا
هوا انا رتبت الصور .. انما مارتبتش كلام ومش عارف هاعلق اقول ايه
هابص للصور واسيب ايدى تروح للكيبورد وتكتب اللى شايفاه
بحس اوقات يا اخى ان ربنا كل ما يشوفنا فرافير ولا بنخنع ونضعف قصاد قطع كهربا ساعتين او قطع ميه ساعتين .. يبعت رساله ويقول للواحد فوق يا طرى منك له .. بص الناس دى بيحصلها ايه وحصلها ايه عشان البلد
الواحد مننا لما بيطلعله حبايه صغيره فى وشه بيبقى خارج زعلان وعمال يفكر يا ترى الناس هاتشوفها وياترى شكلى باين ..؟
وفجأه ابص للراجل دا .. اللى كان فى عز شبابه .. قمة الجمال.. وفجأه بيتحول للشكل دا اللى فى نظرى والله اجمل مليون مره من اى حد فى الدنيا
وكل دا عشان هو قرر ان البلد دى لازم تعيش !
تخيل لما حرارتك تزيد شويه او ضغطك يعلى وتحس ان عينك مزغلله بتبقى متعصب وقرفان وزعلان .. تخيل ان النور لما بيقطع وتبقى مش شايف حاجه ورجلك تخبط فى حاجه وتتوجع وتقول يخرب بيت فلان على بيت علان .. وكل دا لان الظلام استمر دقايق .. الراجل دا .. فقد النور للابد .. الراجل دا راجع أعمى بس لما رجع ماكانش بيشتم ويلعن .. لما رجع اول حاجه عملها نزل على ارض المطار وسجد على الارض لله !
تخيل لما يكون ليك ابن لو انت فى مكان الراجل دا هاتقول الولد اللى ماعداش الخمس سنين هايشوفنى ازاى كده .. لكن هو تفكيره ماكانش كده .. هو تفكيره انه اول حاجه لما شاف ابنه فى المطار بيقول لابنه ماتقلقش لو ابوك اتعمى كل اللى واقفين دول هما عيون ابوك وعيونك !!!!!!!!!!!!!!!!
تخيل انك لما بتروح مصلحه حكوميه وتتبهدل شويه فى الحر بترجع البيت لولادك تقولهم دى بلد بنت كلب الله يلعن ابو العيشه فيها !
وتخيل ان الراجل دا بعد ما اتبهدل و اتعمى عشان خاطر البلد ..؟ اول حاجه يقولها لابنه فى المطار .. يقوله سمعنى صوتك وانت بتقول تحيا مصر !!!
تخيل انك لو لقيت شنطة فلوس بتاخد نسبتك .. ولو انقذت حياة حد ويطلعوك فى التلفزيون يقولولك تطلب ايه؟ بتقول عاوز وعاوز وعاوز
وتخيل ان الراجل دا لما طلع مع عمرو اديب فى التلفزيون يقوله انت عاوز ايه ؟ أأمر وانا أنفذ؟ فرد يقوله ابنى فى الحضانه بتاعته ........؟ فكل اللى بيتفرجوا يقولوا الراجل هايطلب طلب ان ابنه يتنقل او يندفعله مصاريف .. لكن تتفاجىء تلاقيه بيقول ابنى فى الحضانه بتاعته مش بيخلوهم يقولوا النشيد الوطنى الصبح وانا لو ليا طلب ..اطلب ان النشيد الوطنى يتقال فى حضانة ابنى الصبح !
تخيل ان الواحد لو قلبه اتحرق على حاجه او نفسه صعبت عليه وتيجى تكلمه تلاقيه كاره البلد كلها ..
وتخيل ان ام الراجل دا بتحضن ابنها وهى شايفاه راجع بالشكل دا ومع ذلك تسأله تقوله نفسك فى ايه؟ يقولك نفسى مالاقيش ست غلبانه قاعده بتبيع عيش على الارض ولا ولد صغير سايب تعليمه وبيبيع مناديل فى الاشارات !!
تخيل ان فى 2/7/2013 كنا قاعدين فى بيوتنا بنلعن ونسب فى الوسخ ابن الاوساخ الجاسوس اللى كان بيحكمنا .. والراجل دا وقف ووكان لوحده وماقررش يهرب فى الوقت اللى كان الواحد لو ماشى فى شارع وسمع ان فيه ضرب نار كان بيجرى ويخلع
انا عاوز اقول لكل كلب .. لكل عميل .. لكل خائن .. لكل اخوانجى
لكل واحد بيقولك بياخد مرتب بالالاف ودا شغله !
تاخد كام وتفقد نظرك .. تاخد كام وتتشوه ملامحك
تاخد كام وماتشوفش نور الدنيا تانى .. تاخد كام و امك تشوفك كده
تاخد كام وابنك الطفل يشوفك بالشكل دا
تاخد كام وتبقتى راااااجل .. تاخد كام وتبقى مصرى ...
تاخد كام وتبقى عندك كرامه .. تاخد كام وتبقى عندك عزة نفس ..
والله لو اخدت ملايين الدنيا كلها ماتعرف تكون حاجه من دول
لان ببساطة انت اتولدت كلب والراجل دا اتولد مصرى وطنى
سبحان الله اللى بيلهم الواحد الصبر فى مصيبته
سبحان الله اللى بيوضع الرضا والسكينه فى قلب الراجل دا
سبحان الله وانت شايف واحد من ( الداخليه البلطجية ) !! فى كل كلمه بيقول الحمد لله وبيتكلم عن ربنا.. وانت عمرك ماسمعت الكلام دا من تجار دين كانوا بيقولوا دولة الاسلام وخلافة الاسلام !!
الداخليه بلطجية للى مش عاجبهم القانون بس
الداخليه بلطجية لانها بتطبق القانون وبس
اخيرا رساله لكل عيل بيسقط البنطلون وبيورينا البوكسر وحاطط ضفيره فى شعره وبينزل عامل حمام الكريم وحمام البخار ولابس سلسلته وحظاظته وبيطلع مظاهره ولا مع التراس عشان يشتم الداخليه ويرمى عليهم اكياس بول .. ولما يرجع يلاقى شعره اتنحكش يزعل اوى ونفسيته تتعب
ياترى تاخد كام وابوظلك ملامح وش اهلك كده؟؟؟
اسف ان السؤال مش فى محله .. لانه المفروض يتوجه للرجاله بس
المخنثين لهم اسئله اخرى !
#عقيد_ساطع_النعمانى_بطل_من_ابطال_مصر
E.E
Eslam Elbahrawy
منشور by Eslam Elbahrawy.
