وجهة نظر خاصه حول احذية التوحيد والنور والتى تحتوى على علم مصر
ضع اسم السيسي فى جمله مفيده او غير مفيده
ناس كتير اتريأت على موضوع ان فى الوان علم مصر على نعل الكوتشيات فى التوحيد والنور وقالك ايه الاستفاده !!!؟
بص يا سيدى
1- اولا .. انت لسه جاى تدور على مصدر التوحيد والنور دلوقتى؟؟ ماهو معروف ناهم اخوان ومن زمااااااااااااااااااااااااااااااااااااااااااااااااان .. ادخل اى فرع للتوحيد والنور هتلاقى كل اللى شغالين ماشاء الله دقون زى الفل .. واخر خناقه حصلت بين حد من الفرع هناك وبين والدتى لما كانت داخله تشترى حاجه واتفتح حوار والراجل غلط فى السيسي !
وبالمناسبه التوحيد والنور بقى ماركه دلوقتى ..مش زى زمان تدخل ب 100 جنيه تجيب طقم..لالا..دلوقتى الجزمة ب 150 جنيه اقل حاجه و البناطيل غاليه واتحول لمحل كله نهش فى لحم المصريين بعد ما كان بضاعته رخيصه للغلابه .. رغم ان منتجاتهم بنسبة 90% مصرى والباقى صينى زى الاحذيه والاحزمه والكلام دا !
2- انت بتسأل ليه يحطوا الالوان على النعل وفين وجه الاستفاده ..
اولا يا سيدى ماتنساش ان الحاجات دى بتعدى من جمارك ..فمحدش هايركز على نعل كوتشى ..هو هايبص على اللى ظاهر على الوش وخلاص
ثانيا و دا الهدف من دا كله
ان اقسم بالله .. لولا ان الموضوع تم كشفه
كنت هتلاقى صفحات الاخوان مصوره الكوتشى وبتقول
اول كوتشى عليه علم مصر فى عهد السيسي.. جمارك السيسي تسمح بمرور شحنة احذية تحل فى نعلها علم مصر ..
وتلاقى تعليقات من نوعية : ايوه ماهو داس على دم المصريين ف ليه مايسمحش بدخول جزم تدوس على علم مصر .. وهكذا
لو مش مصدقين ؟
افتكروا كام حاجه افتعلها الاخوان عشان ينشروها بعد كده ضد السيسي
فيديو جواز الشواذ = اترفع على يوتيوب تحت عنوان اول جواز للشواذ فى مصر فى عهد السيسي !
غلق الجوامع فى رمضان لما المسئولين عن بعض المساجد وهم اخوان كانوا بيتعمدوا اغلاق المساجد فى صلاة التراويح ونزل الخبر = اول اغلاق لمساجد الله فى مصر فى عهد الفرعون السيسي !
وغيرها وغيرها وغيرها
وصدقونى تانى .. لو لم يتم كشف تلك اللعبه بالصدفه
والله ما هى الا ايام وكنتم هتلاقوا مواقع وصفحات الاخوان بتستغل دا ضدنا !
ماتصدقش ان فى حاجه بتتعمل من الهوا او صدفه
بدليل .. ان المحامى سمير صبرى قال معلومه حلوه اوى
قالك ان الحاجات اللى بتيجى من الصين دى بتكون عباره عن طلبيات بيبعت مواصفتها صاحب الشحنه..بيبعت يقول عاوز الخامه ايه .. والالوان ايه ؟؟ والاستايل ايه؟؟
يعنى دى حاجه مش مبعوته كده والسلام !
E.E
Eslam Elbahrawy
منشور by Eslam Elbahrawy.
