تحذير هام : تكذيب اشاعات معتز مطر حول الجيش المصرى - لاتصدقوا كلام هذا الخائن
انشروها حتى لا يتم غسل عقول شبابنا
بسم الله الرحمن الرحيم
تحذير مهم جدا .. شير ارجوكم لكل الشباب
الصغير والناس البسيطه
المصريين بيتم خداعهم مره اخرى عن طريق الاعلام
** الاعلامى الاخوانجى حاليا معتز مطر (
المدمن سابقاً )
واللى الحمد لله فضلت وراه لحد ما اتفصل من اتحاد الاذاعه والتلفزيون كموظف لانه
كان لحد كام شهر فاتوا بيطلع يشتم مصر ومقدم اجازه بدون مرتب وكان موظف فى الدوله
عادى ...
وايضا هو نفس القذر اللى حذرت منه لانه نشر معلومات المنزل الخاص بالرئيس السيسي
واللى كان واضح ان الهدف منها استهداف الرئيس ...
هذا القذر بالامس قدم الاّتى
** يوجد بالبوست صورتين لطلب .. هذا الطلب عرضه الخائن معتز مطر على انه طلب كتابى
استطاع الحصول عليه من داخل القوات المسلحه وهذا الطلب يخص ضابط قوات مسلحه طلب
انه مايروحش ليبيا يحارب ( باعتبار ان مصر باعته قوات لليبيا ) وانه خايف احسن
يموت .. ومن يومها والضابط دا مختفى !
ويوجد خطوط حمراء اسفل كلمات معينه فى الطلب تدعو للسخريه !
** ما سبق كان ملخص الحوار .. وعشان ممكن محدش يقدر يقرا الورقه بشكل كويس
هاكتبلكم ما جاء فى الطلب اللى بيقولوا ان مضى عليه 4 من القوات المسلحه .. اقرا
يا سيدى :
الى السيد لواء اركان حرب محمد المصرى قائد المنطقه الغربيه العسكريه تحيه طيبه
وبعد
الرجاء من سيادتكم الموافقه على قبول استقالتنا من الخدمه العسكريه نهائيا او
اعطائنا اجازه حتى تستقر البلاد لاننا نمر بظروف استثنائيه تستدعى الخوف على
مستقبل ( أسرنا واولادنا ) !!!!! والذى بات غير اّمن ونحن معرضون ان نكون قتلى فى اى
وقت ودون ثمن وارجو الا يعتبر هذا هروب من الواجب او من الخدمه العسكريه !
بيقولوا ايه كمان فى الفقره التانيه من الخطاب دا !
نحن لم نتهاون فى صد المظاهرات فى ك ميادين مصر لكن الوضع اصبح صعب بعد ان اصبحت
ارواحنا رخيصه فكل يوم يموت جنود من القوات المسلحه نتيجة عمليات ارهابيه او
تفجيرات اشتباكات ( ليس لنا صله بها )
وباتت الاستقاله ضروريه بعد ان رأينا زملائنا يذهبون لليبيا والوضع فيها خطير وكما
توقعنا تم قتل عدد كبير من اصدقائنا !
الفقره الاخيره فى الخطاب بتقول :
لن ننتظر حتى نعود محمولين على الاعناق كما جاء اصدقاءنا .. ونحن نتقدم بالاستقاله
فى سريه تامه حرصا على وحدة الجيش وحتى لا يعلم الضباط وجنود الصف !!
ونتمنى من يسادتكم قبول الاستقاله فنحن لدينا ابناء ونلتمس فيك روح الاب ونعدك ان
نظل جنود مصر الاوفياء..
وفى اخر الخطاب فى امضاء لاربعه اتنين نقباء واتنين ملازمين
نقيب على احمد .. نقيب هانى نبيل .. ملازم احمد عبد الله.. ملازم ياسر ابراهيم
وهنا ينتهى الخطاب الذى يقول معتز مطر انه حصل عليه بطريقه جهنميه من القوات
المسلحه !
** التعليق والتحذير الان وسأوضح لماذا احذر ثم سأوضح فبركة الموضوع :
1- انا احذر لاننا وبدون استشعار حرج نعرف اننا شعب العناوين فقط.. بمعنى؟؟؟ اننا
نكتفى دائما بعنوان خبر على موقع الكترونى ونبدأ بنشر الخبر دون ان نقرأ المحتوى
... نكتفى فقط بمشاهدة فيديو على قناة ما وننشر الفيديو والفكره دون الرجوع الى
المصدر او التأكد منه .. لذلك تجد اغلب الاشاعات يكون اغلبها ان موقع يريد جذب عدد
كبير من القراء يقوم بكتابة عنوان غامض و شيق لا صله له بالموضوع والمحتوى..ولكنه
يعرف ان معظم المصريين يقرأون العنوان فقط ويتداولوه دون قراءة التفاصيل.. لذا وجب
التحذير مما قدمه معتز مطر لان هناك من ارسل لى الفيديو وهو يصدق ما به !
2- من الواضح جدا ان محتوى الخطاب يريد تقسيم
الجيش المصرى وهى المحاوله التى يسعى لها جاهدا كل كلاب الصهيونيه العالميه لانه
الجيش الوحيد الصامد فى المنطقه كلها ...
وفيما يلى دليل على فبركة هذا الخطاب
اولا ...
هل تعتقد ان الضباط الذين يضحون بحياتهم يوميا .. الضباط الذين يدفنون اصدقائهم ثم
يعودوا ليقدموا انفسهم للشهاده .. هل تتوقع ان يكتبوا خطاب به جمل مثل :
* نرجو قبول الاستقال لان البلد فى ظروف تستدعى الخوف على ولادنا واسرنا !
* لا نريد ان نكون قتلى دون ثمن ( حتى ماقالوش شهداء ) !
* زملائنا يموتون فى اشتباكات لا صله للقوات المسلحه بها ( تأكيد الفكره الاخوانيه
بقتل المدنيين الابرياء من قبل القوات المسلحه..ترويج فكرة الانقلاب بشكل مختلف
هذه المره )
* تأكيدهم على اشترك مصر فى ليبيا عسكريا ولذلك هذا الخطاب له هدف اخر غير هدف
تقسيم الجيش المصرى وهو اللعب على وتر مشاركة مصر فى ليبيا !!
* اذن هل تتوقع من ضابط جيش مصرررى ان يقول ما سبق..والله قمة السخريه والعته !
ثانيا
كيف يصل مجرد مذيع الى وثيقه موجوده فى المخابرات الحربيه المصريه ؟
هل اصبح من السهل لهم ان يحصلوا على اوراق بهذه السهوله ؟
ثالثا
لماذا الزج بليبيا فى الموضوع؟
هل تتذكرون وجهة نظرى الخاصه عندما قلت انى لا اشعر بإرتياح تجاه خليفه حفتر .. لانه فى اول خطاب له طلب من
مصر التدخل .. يريدون توريط مصر فى ليبيا بأى ثمن .
هل تتذكرون الاسبوع الماضى عندما خرج رئيس المؤتمر الوطنى الليبيى على قناة
الجزيره فى مؤتمر صحفى يؤكد ان مصر والامارات تقوم بأعمال عسكريه داخل ليبيا ..؟
انهم يريدون توريطنا لانهم يعلمون انهم فقط يحتاجون توريط جيش مصر فى المعركه حتى
يتم الهجوم عليه من كل الجهات وبناء عليه رأينا فى هذا الخطاب المفبرك سيرة ليبيا
حتى يكون تأكيد على مشاركة مصر داخل ليبيا عسكريا .. وهذا هو الهدف الثانى من
الخطاب
رابعا
ملاحظه للخائن معتز مطر .. عليك ان تقيل كل فريق الاعداد الخاص بك لانهم غير
مجتهدين
لانك فى الحلقه بالامس عملت مكالمه مع رجل وقلت رافض يقول اسمه وهو والد احد
الضباط !
وتخيل بقى انى المفروض اصدق ان والد ملازم او والد نقيــــب صوته مايجيبش صوت عيل عنده عشرين سنه !
طيب ياريتك كنت قلت اخوه كانت تتبلع شويه .. لكن ربنا بيوقعكم فى شر اعمالكم ..
فحاول تجيب فريق اعداد الخيانه عنده اكبر شويه عشان يكون فى ضمير ويجيبولك راجل
سنه كبير مش عيل صغير طالع يقول انا والد نقيب !
خامسا
انا ليه بنشر التحذير
لان ببساطه ناس كتير كلمتنى وفى ناس مصدقه
ليه الناس بتقع فى الفخ دا وليه معتز مطر بيعمل كده وهو واثق ان الموضوع هايتصدق
من بعض الناس؟
لان ببساطه يا سيدى زى ما قولتلك احنا شعب عناوين
يعنى الموضوع دا لو فى امريكا .. ومذيع بيعرض امر زى دا
تلاقى اى مواطن امريكى اثناء عرض الحلقه رفع سماعة التليفون واتصل بوزارة الدفاع
الامريكيه وسأل عن الموضوع
او تلاقى بليل برنامج توك شو اخر جاب واحد من وزارة الدفاع وتبين منه عن الامر
وهنا بيتم التأكد من فبركة الموضوع
انما من امبارح من ساعة ما الحلقه دى اتعرضت؟ حد فيكم رفع سماعة التليفون وكلم
الشئون المعنويه للقوات المسلحه يسأل عن اسماء الضباط دووول ؟؟؟ منا لما اكون
هربان فى تركيا .. وبساند تنظيم زعيمه اللى كان رئيس محبوس دلوقتى بتهمة تجسس..
عادى ممكن افبرك اى حاجه
انا دلوقتى ممكن اكتب خطاب .. واقول ان احنا ضباط بالقوات المسلحه وانفصلنا عن
الجيش وانضمينا لداعش.. حلو كده
واخر الخطاب اقوم كاتب امضاء كالاّتى:
نقيب محمود مسعد .. نقيب احمد هلال .. ملازم ابراهيم نصر.. ملازم حسين فهمى !!!
اى اسماء من وحى خيال الكاتب !
عادى هو حد بيدور ولا فاهم حاجه؟؟؟ ولو الحلقه لم تقنع مليون ..هاتقنع عالاقل ناس
بسيطه وشباب مغيب وهو دا اللى بيدور عليه الاخوان
** ارجوكم تنشروا التحذير دا
الفبركه لا دين لها
مش اى حاجه تتعرض على التلفزيون نصدقها
دايما بصوا للغرض من الحاجه
واضح من الخطاب اولا الرغبه فى تقسيم الجيش المصرى واظهار رجاله انهم بيخافوا من
الحرب .. وثانيا اظهار ان مصر مشتركه فى ليبيا ... وهنا هما فضحوا اغراضهم الدنيئه
لانهم مكشوفين جدا
ماتصدقوش اى اسماء
لان ممكن على الكمبيوتر دلوقتى نكتب اى كلام ونمضى بأسماء اى حد
ولا انتوا نسيتووووووا ان فى ثوره كامله اتفبركت فى 2011 واترسمت على السبوره
بالقلم !
لو نسيتوا اتفرجوا على حلقات نجاة عبد الرحمن مع احمد موسى جايز تفتكروا !
** وللناس اللى صدقت.. بدون ذكر اسماءكم لانكم شباب لسه صغير وعارف انكم جالكم
الخوف من خلال حبكم لجيش بلدكم .. بس ياريت ماتتكررش .. خلوا عندكم ثقه فى جيش
بلدكم وقبل الثقه؟؟ شغلوا مخكم
الجيش اللى بيواجه اكبر مخطط عالمى من مئات السنين .. الجيش اللى احبط مؤامرة
متخطط لها من عشرات السنين.. الجيش الوحيد اللى صمد فى المنطقه العربيه .. الجيش
الوحيد الى بنشوف رجالته داخله تفكك قنبله وبتنفجر فيهم وبيرجع زملائهم يقدموا
نفسهم للشهاده .. الجيش والشرطه اللى شوفنا منهم ساطع النعمانى اللى اتشوه واتعمى
وراجع بيسجد على ارض مصر وبيقول تحيا مصر ... هل دول ممكن يخافوا ويقولوا هانموت
وخايفين على ولادنا؟؟
يا راجل اذا كان والد اى شهيد بيسلم على الريس وبيقوله اروح انا اخدم مكانه او
ابعتلك اخوه يموت هو كمان
تيجى تقولى فى ضابط فى العسكريه المصريه هايقول انه خايف
** اياكم تقولوا ليه نحذر ما الموضوع عارفين
انه غلط؟
لا.. فى شباب مغيب..فى شباب صغير.. فى ناس بسيطه !
وفى اعلام قذر بيغسل العقول لذلك يجب ان يكون فى الفكر والفكر المضاد
دى مهمتنا..اننا نفضح اللى بيقولوه لا نعتمد ان عقولنا تفهم
لان عقول الناس ليست متشابهه !
معتز مطر .. انا مش هاسيبك
هافضل وراك عشان افضحك وافضح اخطاءك وخيانتك
هافضل وراك لانك لو كنت بتستخدم التضليل الاعلامى .. احنا بنتكلم بالحق
وزى ما قال الريس ( نحن على الحق المبين )
ونصيحه منى ... وفر مجهودك وفلوسك على انك تحاول تمزق جيش مصر
كان غيرك اشطر .. بس صدقنى هم فى رباط الى
يوم الديــــــــــــــــــــــن
مات الكلام يا عميل
تحيا مصر .. يحيى الجيش المصرى .. الاعدام للخونه
E.E
ESlam Elbahrawy
