بالفيديو : تامر عبد المنعم يوجه ضربات قويه لمؤيدى 25 يناير ويفتح النار على الجميع
مايشرفنيش اعرف حد من بتوع النكسه
الراجل دا اسمه تامر عبد المنعم
الراجل دا كاره لنكسة يناير وبيحضر محاكمات الرئيس مبارك دايما
امبارح مذيعة المحور عملت معاه اللقاء التالى :
1- المذيعه : الناس بتقول انهم زعلانين انك حضرتك الجلسه اللى فاتت للرئيس مبارك؟
تامر : مايزعلوا ولا يتفلقوا .. انشف حيطه ويخبطوا راسهم فيها .. انت مستاء اخبط راسك فى الحيطه .. طيب ما انا كنت مستاء لما اننت نزلت وقليت ادبك .. وفى الاخر طلعت انا صح وانت حمــــــــار
2- المذيعه : تقصد مين ؟
تامر : اى واحد .. الواد علاء عبد الفتاح واسماء محفوظ وكل العيال دول..انا ماعرفش مين دول .. دول شوية عيال بشعر كبير كده نزلوا قلوا ادبهم على كل الناس ومحدش قدر يكلمهم .. وكل عيل فيهم حاشر مناخيره فى اللى مالوش فيه ومحدش فيهم اصلا قرا كتاب حتى !
3- المذيعه : بس الرئيس السيسي اعترف انها ثوره
تامر : عظيم جدا الرئيس السيسي يعترف هو حر .. انا مش معترف انا حر وانا انتخبته وأيدته ولكن انا مش شايفها ثوره
4- المذيعه : انت فنان مش خايف رأيك دا يأثر على شغلك ؟
تامر : لا.. هى اثرت على اللى نزلوا فيها .. عمرو واكد عمل ايه ؟؟ خالد النبوى عمل ايه؟ مدام تيسير فهمى اخبارها ايه ؟ حلوووه؟
5- المذيعه : مش خايف كلامك دا يؤثر على علاقتك بالفنانين المنتمين ل 25 يناير؟
تامر : انا معرفش حد فيهم .. عمرو واكد دا مش صاحبى ولا يشرفنى يكون صاحبى ولا عاوز اعرف اى فنان شارك فيها اصلا !
تامر شخصيه كويسه .. رغم اعتراضى على بعض اعماله الفنيه
بس كشخص؟ محترم جدا ورأيه دا اتحدى لو فى رجالة تانيه بشنبات تقدر تقوله
انا بحب الراجل اللى يقف ويقولها صريحه وعلنيه
وبالمناسبه .. النقطه رقم 3 .. انا كمان دا رأيى فيها !
E.E
Eslam Elbahrawy
