هل يحتوى شعار مهرجان القاهره السينمائى الدولى على رمز الهرم الماسونى
ام انها صدفه من وحى خيال مصمم الشعار؟
بص يا سيدى .. وهانتكلم بالراحه
دا شعار مهرجان القاهره السينمائى الدولى 2014
الشعار دا صممه المصمم كريم اّدم
طبعا مش اى حاجه داخل فيها الهرم والعين الواحد تبقى ماسونيه يعنى .. مش كده؟
لما بدأ الموضوع يتم اثارته حول شكل التصميم وعلاقته بالهرم الماسونى
كان رد الاستاذ كريم اّدم ان مش كل حاجه يدخل فيها الهرم تبقى ماسونيه
وان مش عشان الماسونيه واخده الهرم شعار لها .. مش هانمنع بقى استخدام الاهرامات فى التصميمات
وبصراحه انا شايف الراجل عنده حق
بس فى حاجه لفتت نظرى وانا بدقق فى الصوره
هو يا استاذ كريم حضرتك لو مش متأثر بشكل معين للهرم
وعاوز تحط فى التصميم هرم والسلام !
ليه رسمة الهرم فى التصميم هى هى نفس رسمة شعار الهرم الماسونى؟
يعنى زى ما الصوره موضحه.. الهرم الماسوني طالع منه اسهم الشعاع
اللى بيعتقد الماسونيين ان العين الواحده بتشوف كل شىء وبتنور اللى بينضم ليها ..
ولو حضرتك كنت حابب تحط هرم عادى .. كنت حطيت هرم .. هرم يعنى !
انما فجأه وصدفه تصميم حضرتك برضو يضم نفس الشعاع الموجود فى رمز الهرم الماسونى !
مش شايفها صدفه غريبه .. انك ماتعرفش حاجه عن الماسونيه .. ومش قصدك تعمل تصميم له علاقه بالماسونيه .. ويجى شكل الهرم اللى رسمته مشابه تماما لنفس الهرم المأخوذ كشعار للماسونيه !
غريبه صح
شخصيا انا منزل البوست عشان شكل البوستر بتاع المهرجان
اما بالنسبالك .. مقدرش اعلق حاليا لانى معرفش عنك ما يكفى
فقد يكون دا اتعمل عمداً .. او اتعمل جهلاً !!
ولكن ماتقوليش ان الاتنين مش متشابهين
وزى ما قوتلك لو كان غرضك مجرد استخدام الهرم .. كنت حطيت هرم عادى
انما ليه نفس الهرم المأخوذ كشعار للماسونيه !
سؤال وجيه برضو !
E.E
Eslam Elbahrawy
منشور by Eslam Elbahrawy.
