فيلم الجزيره 2 - مبدأ السم فى العسل - يناير مؤامره - ولكن القضاء متواطىء - تحليل مبدأى للفيلم
السم فى العسل
فيلم الجزيره 2
بوست 1
فى الصوره الاولى .. دى صوره من مشهد اقتحام السجون
المشهد مبين ان اللى اقتحم السجون هم الارهابيين ..
ومبين الضابط وهو بيأمر رجالته بيقولهم اضربوا المتظاهرين فى رجليهم بحيث محدش يتقتل .. عاوز يبينلك ان الشرطه ماكانتش حتى قاصده تقتل حد وقت الهجوم عليها وان المتظاهرين ماكانوش سلميين !
وهنا تبتدى تبتسم وتقول ايوووه بقى .. النكسه اتحط عليها وحقيقتها الفيلم بيبينها عشان يورينا انها كانت اقتحام سجون وتهريب مساجين ومش ثوره !
لكن .. تعدى نص ساعه من الفيلم
ويقابلك المشهد اللى فى الصوره رقم 2
ضابط الشرطة المقبوض عليه .. ووزير داخليته
واللى تعمدوا انه يطلع بشكل مقارب لشكل حبيب العادلى
وتجد ضابط الشرطه بيقول للوزير انا قلقان يا فندم؟
ويكون رد الوزير :
ماتقلقش .. الموضوع هايطول شويه بس فى النهايه براءه براءه
احنا عملنا الصح .. ف القضاء هايسيبنا ليه !!!؟
انت تقلق بس فى حاله واحده .. لما عسكرى السجن يبطل يديك التحيه !!
غير كده شكلياااااات !!!!!!!!!!!!!!!!!!!!!!!!!
وفجأه .. تحس ان مخك اتبرمج .. وتلاقى نفسك اتعصبت وتقول ايوه .. ولاد الكلب دول ضحكوا علينا .. ومظبطين كل حاجه وكله هايطلع براءه .. وتكتشف فى النهايه ان رأيك او انفعالك دا .. جه نتيجة توجيه او غسيل مخ من المشهد اللى اعاد نغس الكلمات اللى بيتغنى بيها النكسجيه اللى بيقولوا ان كل دا مترتب ومبارك هايطلع براءه هو والعادلى لان القضاء متفق معاهم ..
ويبتدى يرسخ جوا عقلك نفس الكلمات اللى اترددت حوالين الموضوع دا
هنا بقى ما يسمى بالسم فى العسل
الاول يبينلك انها نكسه وهجوم من ارهابيين
وبعد كده يجيبلك انها شرطه فاسده وقضاء فاسد
وان القضاء كده كده هايعطيهم براءه لان فى ترتيب بينهم !
دا اول بوست
ولنا فى ملاحظات الفيلم بقيه ان شاء الله
E.E
Eslam Elbahrawy
منشور by Eslam Elbahrawy.
