حقيقة العالم - مدونة إسلام البحراوى: اغتيال احلام مصريه - دخلت على رجلها للمستشفى - وخرجت منها ميته

اغتيال احلام مصريه - دخلت على رجلها للمستشفى - وخرجت منها ميته - الطب فى مصر بلا ضمير

ادخل المستشفي علي رجلي

اقولهم جاي اكشف .. فيقولولي لازم تعمل عمليه حالا

اوافق و ادخل العمليات وانا متطمن لان العمليه سهله وهتاخد ساعه

جوا العمليات بغمض عيني والبنج بيخدرني وشريط حياتي بيعدي قصادي وبفتكر اهلي وحبيبتي وطفولتي واصحابي

وبرا اوضة العمليات امي بتعد الثواني عشان اخرجلها بعد ساعه

جوا العمليات اخد جرعة بنج زايده

وكمان الاكسجين يخلص .. واقعد فتره جسمي مفتوح ومفيش اكسجين ومع تبديل انبوب الاكسجين يضخوا كميه كبيره فتتحرق الرئه

اخرج وجسمي كله ازرق وفي غيبوبه ويبلغوا اهلي ان العمليه نجحت بس محتاج اكون متخدر فتره عشان الالم

ادخل عنايه مركزه وانا ميت .. والدكاتره يخافوا يقولوا لاهلي اني مت

يحطوني علي سرير ويغطوني ويقولوا اني متخدر ويغطوا جسمي بتلج عشان الجثه ماتعفنش .. ويدخل اهلي يبصوا عليا ويلمسوا جسمي ومفكرني في غيبوبه ومايعرفوش اني ميت !!

فجأه بتروح الاحلام وبيروح الشباب

احلام اهلي .. سنين شقي ومصاريف عليا

حلمهم انهم يفرحوا بيا

كل دا بيتحول لثوب اسود بسبب اهمال طبي

بنوته صغيره .. طالبه في كلية الالسن

تدخل تعمل الزايده .. يقتلوها

ويقعدوا الجثه في العنايه المركزه يومين واهلها بيشوفوها ويقعدوا جنبها علي اساس انها في غيبوبه !!

القصه مش قصة ثوره ولا مناصب ولا كراسي

مش مبارك ولا مرسي ولا السيسي

القصه قصة شعب مات فيه الضمير

ممرضات ودكاتره يعملو ا اضراب عشان كام جنيه ويشوفوا الناس بتموت بدم بارد وعااادي

ودكاترة بتقتل احلام شابه صغيره لمجرد ان قدرها رماها في مستشفي شغال فيها متخلفين وسفاحين