بعد لقاءى بأحد مسئولى الامن بالمتحف المصرى - اثارنا المصريه منهوبه والماسونيين يسعون وراءها بكل قوه حتى لو دخلوا معنا فى حروب
من كام يوم جمعنى لقاء بمسئول الامن بالمتحف المصرى فى مدينة ....؟
بحكم عملى انا قابلته عشان شوية شغل وبعدين لما قعدنا نشرب القهوه سوا طبعا ركنت الشغل على جنب ودخلت فى الكلام فى الجزء اللى بحبه بقى
وبدأنا نتكلم عن الاهرامات وزاهى حواس واللى حصل فى 28 يناير
لما سألته عن 28 يناير 2011 قاللى ان دايما الناس اليهود عندهم براعه انهم يخلقوا حدث يجذب النظر عشان يغطى على حدث تانى خالص بيحصل فى حته تانيه و دا اللى حصل فى 28 يناير .. انه اثناء الحرق والتكسير كان دا الحدث الظاهر انما الحدث الخفى كان سرقة اكثر من متحف وقالى بنفسه انه تم سرقة حاجات مهمه جدا جدا جدا
وبالحديث عن زاهى حواس قالى الراجل دا كان بيلعبها صح
كان مظبط الرجاله بتوع الاثار .. يعنى العاملين فى وزارة الاثار وكان مريحهم عشان كده محدش كان بيثور عليه انما هوا السبب فى تهريب الاف القطع المهمه خارج مصر وانه راجل قدرت الماسونيه انها توصله
وهناااااااااا بقى .. جالى ملعبى بعد ما قال كلمة ماسونية
فقولتله تعرف عن الماسونيه؟ قالى طبعا امال اللى احنا فيه سببه ايه
قولتله كويس .. قولى بقى ايه اللى تعرفه عن الهرم الاكبر
بص بإستغراب وقالى عادى اكبر هرم ومعجزة بناء والكلام دا
قولتله لا.. انا اقصد ايه اللى تعرفه عن اللى جواه
هل تعرف ان مدخل الهرم مش من الهرم نفسه ؟ وهل تعرف ان مدخل الهرم موجود بداية من .....؟
وهل تعرف ان زاهى حواس كان بيتعمد انه يبين للعالم كل سنه ان الهرم مسدود عشان محدش يحاول يفكر يفتحه؟
وهنا لقيت نظرة استغراب تحتوى فى داخلها على كلمة زى ( يابن المجانين )؟
قالى انت عرفت دا ازاى؟ فقولتله عادى
قالى بص .. الهرم دا فتنه كبيره
( ملحوظة.. كلمة فتنة مش اول مره حد يقولهالى على الاهرامات )
بمعنى ان اللى جواها ممكن يجنن الناس ويتقاتلوا عليه !
وقالى ان فى حاجات كتير ممنوع الكلام والنشر فيها
وفى حاجات كتير تم اكتشافها وممنوع الاعلان عنها لان الحاجات دى مطلوبه من جماعات يهوديه فى اوروبا وامريكا ولم تم الاعلان اننا اكتشفناها .. هايتم سرقتها او حتى ممكن يعلنوا حرب علينا عشان ياخدوها
لما سألته وقولتله تتفق معايا ان كل اللى اتهرب واتسرق والمعروض فى مصر حاليا مايساويش واحد فى الميه من اثار مصر الموجوده ؟
قالى عارف الخليج لما بيقولوا انه عائم على بئر بترول
مصر بقى عائمة على بئر اثااااار
وقالى بالمناسبه سهل جدا لو درست تاريخ فرعونى (صحيح ) ممكن تعرف ايه اكتر الاماكن اللى لو روحتها وحفرت تلاقى اثار .. زى مثلا .......؟ و .......؟
ودا لان الفراعنه ماكانوش بيهتموا بإستخراج المعادن والدهب وماكانش ليهم قيمه عندهم مقارنة بالكتان مثلا !
حبيت ازنقه وقولتله وانت ماسك امن المتحف بليل ممكن تسمع او تشوف حاجه غريبه ههههه
قالى مابنحاولش نحط الحاجات دى فى بالنا لاننا ممكن نتجنن
بس مايمنعش انك ممكن تحس ان التماثيل مراقباك ههههههههه
سألته عن المقابر اللى بيتم اكتشافها ؟ وان فى حاجه لاحظتها وهى ان المقابر دى الفراعنه عملوها لدفن كل حاجتهم بما فيها الدهب ولكن بتعجب ازاى بيتم الاعلان ان فى مقبره وجدوها فاضيه؟
فقالى مفيش مقبره بتكون فاضيه .. فى مقبره بيكون جواها حاجات ماينفعش يتعلن عنها..قد تكون برديه مهمه وقد تكون مومياء مهمه وماينفعش يتقال انه تم اكتشافها ولذلك بيتم الاعلان عن ان المقبره فاضيه
اخيرا حبيت اسأله لما بيكون موجود اجانب فى المتحف هل بتلاحظ تأثرهم بشكل غير طبيعى بالاثار؟
قالى انه عارف ان فى ناس فى اوروبا بتعبد نفس اّلهة الفراعنه القدماء
وانه بيشوف ناس كتير مش بتكون مذهوله لمجرد انها بتشوف التاريخ
انما الذهول بيكون بشكل اخر وبيكون فى ردود افعال احيانا مخيفه او غريبه
تحس ان حد فيهم وجد تمثال لجده او ابوه او حتى الاله اللى بيعبده
تقريبا دا كل اللى دار بيننا الا سؤالين تلاته ماينفعش يتقالوا
بس كان لقاء ممتع .. مدة الشغل خمس دقايق
ومدة التحقيق الصحفى دا ساعه ونص
انا بعشق تاريخ اجدادى
وشغفى كله هو ايجاد التاريخ الصحيح وليس المزيف
ومؤمن جدا ان المؤامره لا تهدف الى احتلال القدس او حتى سيناء ولا العداء ضد المسلمين فقط
وانما الهدف الاكبر هو ما يوجد اسفل اهرامات الجيزه
فالسر كله يكمن هناك
شكرااااااا
E.E
ESlam Elbahrawy
منشور by Eslam Elbahrawy.
