بالصور - الى من يهمه الامر - تجديد محطة مصر فى عهد الاخوانى عصام شرف
هل كان اعادة ترميم ام زرع لرموز الماسونيه فى التصميم الجديد بالمحطه
بسم الله الرحمن الرحيم
طبعا كالعاده سواء على المدونه او على الفيس بوك انا بحب اتكلم معاكم بلغتنا العاميه عشان يكون الشرح اسهل ومفيد للجميع
وطبعا كالعاده برضو هايطلع اللى يقولوا دا جنان او دا تفكير مش صح
ولكن انا اتعودت انى بطرح عليكم اى وجهة نظر بفكر فيها سواء صح او غلط
ودايما بيكون الفيصل بيننا هو الدليل والصور والمنطق والامر مفتوح للنقاش
النهارده هاتكلم عن حاجه حصلت من كام سنه بس لفت انتباهى ليها اصدقاء افاضل على الفيس بوك وبدأت او حاولت انى ابدأ شغل عليها .. وقلت اعرض الامر عليكم ونشوف الموضوع صح او لا
تجديد محطة مصر
طبعا الجميع شاف تجديد محطة مصر بعد التجديد اللى حصل فى 2011
فى عهد رئيس الوزراء الاخوانى عصام شرف
ولكن .. التصميم الخاص بالمحطه كان عليه علامات استفهام كتيره جدا
انا بفضل نعرضها مع بعض بالصور
التجديد تم فى عهد رئيس الوزراء عصام شرف
وزير النقل على زين العابدين
الشركة الخاصه بالمقاولات .. شركة حسن علام للمقاولات
اولا دى صور من جوا المحطه .. وعاوزكم تشوفوها وتقولوا الصور دى بتشبه ايه
** شوفتوا الصور ؟؟ اخدتوا بالكم منها ؟؟
عندى صور تشبهها .. تحبوا نعرضها ؟
بغض النظر انى مش هاجيب صور للهرم الماسونى المشهور على الدولار وفى كل حته
والجميع منكم عارفه .. انما هاتكلم عن نفس تصميم وشكل الهرم اللى بالفعل بيتم استخدامه فى اى عمل فنى او معمارى لخدمة الماسونيه
ياترى فاكرين الصور اللى هاتتعرض دى من كليب ايه؟
ايوووه من كليب كاتى بيرى الماسونى
دا تحليل الكليب
دى صور للكليب .. للهرم الماسونى
** لا مش بس كده
انتو اخدتوا بالكم من الصور جوا محطة مصر.؟؟ الصورة دى ؟؟
هرم بالاسفل .. وهرم بالاعلى .. قبه حديده
الشكل منقول بنفس التصميم من الهرم الحديد الموجود داخل متحف اللوفر فى باريس
واللى صممه المعمارى الماسونى .. لا بلاش اقول هو مين
نسيب ويكيبيديا هى تقول هو مين :
Ieoh Ming Pei
هو معماري أمريكي من أصل صيني، ولد في قوانغتشو بالصين في 26 نيسان 1917 ونشأ في هونج كونج وشنغهاي. و هو الذى صمم الهرم الزجاجى المثير للجدل في مدخل متحف اللوفر بباريس .
دى صورة المصمم
** طبعا فى ناس هاتخرج كالعاده تقولى هو انت دايما اى حاجه فيها هرم تقول ماسونى؟
انا يمكن اتعرضت لنفس السؤال لما عرضت تصميم شعار مهرجان القاهره السينمائى الاخير
وكان ردى ان الهرم بشكل طبيعى عادى .. انما تنقل الهرم بنفس شكل الشعاع الموجود فى الرمز الماسونى للهرم؟ دى بقى اللى مش طبيعيه واما معموله عن قصد او عن جهل ولكنها مش طبيعيه
انت عادى انك تحط الاهرامات المصريه فى محطة مصر لانها رمز .
انما مش عادى تعمل التصميمات اللى بيستخدمها الماسونيين فى كل اعمالهم
سواء اعمال فنيه زى الكليبات والافلام .. او اعمال معماريه زى الموجود فى متحف اللوفر وعرضناه
** نقطه كمان مثيره للجدل
كان مبنى المحطة بتصميمه القديم هو تصميم معمارى اسلااااااااااااااااااااااااااااااااامى
تمام؟؟ تمام
فى عام 2006 تم وضع وادراج المبنى تحت تصنيف المبانى التاريخيه والتراثيه
وتم وضع تصور لاعادة ترميم المبنى على التراث الحضارى
ولكن فجأه .. تم تقديم تصميم غريب للواجه ومختلف تماما .. وكان التصميم للواجهه الخاصه بالمبنى سيكون مثل الداخل عباره عن رموز فرعونيه ولكن تدخل المسئولون ومنعوا تلك الفكره !!
فلصالح من تم تغيير مخطط ترميم المبنى بمستوى تاريخى واسلامى .. الى شكل فرعوووونى
** نقطة اخرى ..
احد تلك الاهرامات المضيئه بشكل ملفت وتعطى انطباع معين
تم وضعه فى المحطه تحت اسم .. النصب التذكارى لشهداء 25 يناير !!
** تعليق دكتوره سهير زكى حواس :
سهير زكى حواس: بعقلي وبقلبي وبمشوار عمرى كله في مجال حماية التراث الحضاري ومشوار الجهاد من اجل حماية المحطة بدا منذ عام ٢٠٠٧ اما عن الجهاز القومي للتنسيق الحضاري فدوره كان واضحا منذ تم تكليف المكتب الاستشاري بهندسة الاسكندرية بعمل مشروع تطوير ورفع كفاءة لمحطة سكك حديد مصر التاريخية وقبل الالتفات الى ان المبنى مسجل في قوائم المباني التراثية طبقا لقانون ١٤٤ لسنة ٢٠٠٦ تم عمل رسومات للواجهات وبدا التنفيذ فعليا وتصدى الجهاز بكل قوته لمنع تحويل الواجهة الى شيئ غريب ومختلف وتغير للشكل والطراز المعماري ويكفي ان ذلك تضمن رفع قبة على أعمدة صغيرة فوق البرج بناصية مبنى المحطة كذلك بدات تظهر عينات الكرانيش الكلاسيك بارتفاع لا يقل عن ١ متر على دروة السطح وكانت هناك فترينات محلات تفتح على الميدان مباشرة ووووووووووو……….. وقد تم إيقاف الاعمال وتم الالتزام بإعادة واجهة المحطة الى ما كانت عليه … احمد الله ان نص الكارثة تم تجنبه.
** انا بكده انتهيت
متنظر التعليقات وكالعاده الانتقادات
ولكن دايما الملحوظ .. انى بضع وجهات نظرى مدعومه بالصور والادله والمنطق
ولكن دايما الهجوم والنقد بيكون بدون اى دليل
انا شرحت شىء لفت نظرى
وبحثت فيه
قد اخطىء وقد اصيب
ولكنى صاحب وجهة نظر :)
شكرا واسف للاطاله
