مفاجأه بالفيديو والصور - مسلسل مصرى انتاج عام 1983 يتحدث عن صناعة الماسونيين للكوارث الطبيعيه وسيطرتهم على العالم بالتكنولوجيا
صوره عاديه .. لكن البوست فيه مفاجأه
الكل بيتهمنا بنظرية المؤامره واننا بنخترع كلام جديد على الناس واننا بنقول اوهام وان مشاريع الماسونيه العلميه المتقدمه مش موجوده زى ما بنقول
الصوره من مسلسل اسمه .. نهاية العالم ليست غدا
بطولة حسن عابدين ومحمود الجندى وعبد الرحمن ابو زهره
المسلسل انتاج سنة كام؟؟؟ ايوه سنة 1983
يعنى المسلسل من حوالى 35 سنه
تعالوا الاول نشوف نبذه عن قصة المسلسل
يفاجأ رياض عبد ربه (حسن عابدين) مدرس الفلسفة بالتحولات الاجتماعية والثقافية والأخلاقية من حوله تتجه من سئ لأسوأ وتنهار معها القيم والمُثل كالحق والخير والجمال .. وتتبدل المعاني الجميلة إلى أنماط ملوثة نفعية انتهازية بحتة تتحكم فيها سيطرة رأس المال الذي تتبناه الدول العظمى المسيطرة على العالم لتضرب استقرار الدول النامية وتنهب ثرواتها .. وقد تحقق ذلك عمليا عندما شاهد مدرس الفلسفة هذه المعاني القبيحة تتحكم في بيته ومنطقة سكنه وأقرب الناس له .. وهنا بدأ يشعر بأن الدرديري (توفيق الدقن) المفكر العجوز الذي يسكن سطح بيته على حق في أفكاره بأن العالم أصبح في خطر وتلوث حقيقي على كافة الأصعدة .. وأن لا أمل في إصلاحه من خلال أهل الأرض الذين تشبعوا بالتلوث الأخلاقي .. مما جعله يطلب مساعدة كائنات من كواكب أخرى ويجري عدة محاولات للاتصال بهم .. ولكن الدرديري يموت قبل أن يستقبل الرد من كائنات الفضاء الذين نزلوا إلى الأرض ليلتقوا برياض عبد ربه الذي ابتعد عن الواقع الملوث وانعزل في غرفة صديقه الدرديري بعد أن اعتقد أغلب المحيطين به أنه فقد عقله مثل الدرديري .. فهل تجيب كائنات الكواكب الأخرى تساؤلات رياض عبد ربه ومن قبله الدرديري ويأتوا له بحلول تنقذ العالم الثالث من الهلاك .. أم أن نهاية العالم ليست غدا .. بل اليوم ؟!
** خلصنا قصة المسلسل
نيجى للصوره دى من الحلقه التاسعه من المسلسل
حوار بين الصحفى اللى هوا عبد الرحمن ابو زهره ومدير التحرير بتاعه
وبيكون الحوار كالتالى :
- ايه اللى انت كاتبه دا ؟
- دا تانى مقال عن مؤتمر العالم الفقير
- و دا برضو كلام معقول يا شكرى؟
- الكلام مش من عندى .. دى تقارير لعلماء كانوا فى المؤتمر .. ماهى دى المفاجاّت اللى قولتلك عليها
- الكوارث الطبيعيه هايحولوها لكوارث صناعيه؟؟؟؟؟؟ يعنى ايه؟
- يعنى زلزال صناعى يدمر العالم .. طوفان صناعى يغرق الدنيا .. يعنى على سبيل المثال يروحوا فوق بركان خامد ويفجروا فيه قنبله ذريه فيعمل زلزال صناعى يهد العالم كله
- معقول؟
- دا تقرير سرى حصل عليه علماء من زملاء لهم من نفس الدول اللى بتبحث بشكل سرى فى المواضيع دى
- طب ليه؟ هو الحروب مش كفايه؟
- لا مش كفايه .. الدول دى بتفكر فى وسائل جديده للقتل عشان يخفوا عدد السكان فى العالم التالت ويتخلصوا من الازمات اللى ممكن تحصل نتيجه لازمات العالم التالت
- دا جنون ...؟
- وهى الحرب اصلا مش جنون .. الحرب اللى ممكن تقضى على الكل فى لحظه مش جنون
- الحرب دى شىء موجود منذ الازل وله قوانين ..لكن يعملوا كوارث صناعيه تخلص على كل البشر ؟ لالا دا كلام مش ممكن انشره ..لسبب بسيط وهو انه غير قابل للتصديق
- طيب وهانروح بعيد ليه .. هى قنابل الجراثيم دى برضو مش نوع من انواع الكوارث الصناعيه ؟ زى الاوبئه الطبيعيه اللى بتقتل الناس
- خلى بالك احنا محسوب علينا الشىء اللى بننشره
- احنا محسوب علينا السكـــــــــــــــــــــوت عن اى شىء يهدد البشر
- ايوه بس دا كلام مش رسمى.. مفيش حد اعلن عنه خالص
- هو فى حد اعلن عن القنبله الذريه لغاية ما فجروها فى اليابان
- مش يمكن مجرد شكوك مالهاش اى اساس
- كل شىء يحيط بيه الشكوك فى عالم اليوم .. وبالذات بالنسبه للى بيدبروه للعالم التالت المسكين .. اقتصاد العالم التالت يتاّمروا عليه .. امن العالم التالت يتاّمروا عليه ..
- يا ساتر .. يعنى انقراض .. يعنى احنا هانصبح زى الحيوانات المنقرضه !!!!!؟
** الى هنا ينتهى المشهد بين الصحفى ورئيس التحرير فى الجريده
مسلسل عام 1983 وبيتكلم عن الكوارث الصناعيه من صنع العالم الغربى لتقليل حجم البشر والسكان فى العالم التالت عشان يستفيدوا من موارده
اظن المشككين فى الكيمتريل ؟؟ ومشروع الزلازل الصناعيه؟ ومشروع هارب؟
ومفكرين اننا بنخترع .. اعتقد دا اكبر دليل ان الموضوعات دى موجوده من عقود فاتت واحنا مش اول ناس نتكلم فيها
المشكله بس اننا بنطرح الموضوعات دى اليومين دول وبيشوفها شباب لسه صغير .. فمش بيشوف افلام او مسلسلات او تقارير زمان .. فمش عارف التارخ وبيفكر اننا بنتكلم فى شىء جديد
انا حبيت بس انبه ان المشهد والملحوظه جاتلى عن طريقه صديقه فى الصفحه
وبشكرها جدا جدا
والحمد لله ان الواحد من الجيل العجوز شويه
فبيلاحط المسلسلات اللى زى دى
E.E
ESlam Elbahrawy
لمشاهدة الحلقة على يوتيوب
