لغز انتشار ظاهرة الانتحار - هل هو امر طبيعى - ام بدأ الجميع يلاحط شىء مريب؟ - وجهة نظر
لاحظتم ولا لسه
الامر اصبح غريب ولا لسه عادى
بداية من الشاب اللى شنق نفسه على لوحة اعلانات
ولحد الفتاه بتاعت النهارده
اللى بيحصل مش طبيعى
حذرنا من حاجات كتير بتقود الشباب للانتحار
اولا الانتحار هو كفر .. الشباب ماعادش عنده حكاية الخوف من ربنا والتمسك بالدين وان اللى بينتحر بيموت كافر و دا اكيد راجع لانتشار برامج الالحاد اللى قرفتونا بيها فى الاعلام وخليتوا الشباب يدخل دماغه ان مفيش ربنا ومفيش حساب
ثانيا ..
من سنه ؟؟ او من اتنين؟
وكتبت هنا على البروفايل دا .. وقلت شوفوا احنا بناكل ونشرب ايه
اكلنا وشربنا والمعلبات اللى تابعه لشركات زى بيبسى وكوكاكولا بيكون فيها مواد غريبه تثير شهوه او تسبب اكتئاب لذلك امشى فى الشارع هتلاقى حتى اللى راكب عربيه اخر موديل او اللى معاه فلوس كتير برضو مكشر وعنده حالة ملل واكتئاب غير معروف سببها
ثالثا
المخدرات اللى بتدخل البلد وبدأوا ينشروها فى بلدنا
سواء اخر نوع ..المخدرات الرقميه او الموسيقى المخدره
او الفودو اللى مغرق البلد
والاتنين ثبت انهم بيسببوا حالات وفاه نتيجة حدوث حالة اكتئاب شديد بعد تناول تلك المخدرات وانها تسبب شعور بالموت او الاحتضار او بالرغبه فى الانتحار
رابعا
ظاهرة نشر فكرة الانتحار بكثره واللعب على وترها
الاعلام اصبح بيركز على اى حادث ايا كان
رغم ان الامر فى البدايه ماكانش كده
لكن بدأنا نشوف كل يوم جريمة انتحار انتحار انتحار
وكأن الواحد بيفضل يسمع الكلمه ويقراها لحد ما يقتنع بيها
خامسا
الاعلام يقود الشباب للانتحار من خلال ما يقدمه
تخيلوا شاب .. له مخ عباره عن كارت ميمورى بيخزن ما يراه
يقعد قصاد التلفزيون يلاقى ريهام سعيد جايبه زنا محارم
ويروح لعمرو الليثي يلاقى تحول جنسى
يرجع لريهام سعيد تانى يلاقى زوج مقطع زوجته فى برميل
يروح لطونى خليفه يلاقى اطفال بتاكل لحم نى ولحم بشر
يفكر يريح دماغه ويشوف مسلسل
يبص يلاقى مسلسلات كلها اغنياء وسيارات فارهه واحمد عز بيفتح اوضه مخصصها فقط للجزم والملابس واللى قاعد بيتفرج اصلا هدومه اتقطعت عليه لانه عاطل
جمع كل ما سبــــــــــــــــــــــــــــــــــــــــــــــق
هتلاقى كارت الميمورى بتاع الشاب اتملى بالقرف
مفيش مبرر للانتحار طبعا لكن انت زنقته وخنقته
هو عايش بين فقر وبطاله ومشاكل
وانت بتقدمله فى التلفزيون سواد فى سواد
سادسا
استغلال حوادث الانتحار
افتحوا النهارده مواقع التوك شو او مواقع الاخبار
تلاقى معظمها بيقول ان الفتاه انتحرت النهارده هربا من التحرش !!!!!!!!!!!!
وكأن البنت فوق كوبرى قصر النيل اتحرش بيها ناس ومفيش بشر معدى ولا فى حكومه ولا اى حاجه فرمت نفسها فى الميه
ومفيش موقع واحد اهتم يكتب الحقيقه الا من رحم ربى
ويقول ان صديقة البنت اللى كانت معاها قالت انها انتحرت بسبب مشاكل شخصيه فى اسرتها
حاجات كتير مش طبيعيه ومش محتاجه دليل
ورغم كده كل يوم بييجى الدليل
زى التعابين اللى فى المستشفيات
زى انتشار ظواهر التحول الجنسى والالحاد
وزى الانتحار ونشر الفكره كل يوم !
E.E
Eslam Elbahrawy
منشور by Eslam Elbahrawy.
