حقيقة العالم - مدونة إسلام البحراوى: رساله الى الفلكى احمد شاهين - بعد مقابلتك لمخلوقات فضائيه فى مصر

رساله الى الفلكى احمد شاهين - بعد مقابلتك لمخلوقات فضائيه فى مصر - هل تؤمن بالله ورسله ام لا؟

مع انى كنت ناوى أأجل الكلام فى الموضوع دا شويه

احتفالا ببراءة النسر مبارك

لكن ... انا جاى فى الطريق وان شاء الله نفتح الموضوع دا

عارفين المشكله فين؟ المشكله ان احيانا ممكن يكون فى حاجه صح .. ويجى حد بكلامه عنها بطريقه معينه يخليها سخريه

زى الماسونيه مثلا

فى ناس لما اتكلمت عنها واستغل باسم يوسف الموضوع دا

حول الماسونيه من قضيه حقيقيه بتتلف حوالين رقابنا

الى ماده للسخريه وعدم التصديق

الفلكى احمد شاهين

انا ماليش كلام معاه ولا اعرفه معرفه شخصيا

انا معرفتى بيه من خلال الفيس بوك ومن خلال التلفزيون عادى

الراجل دا عمل حوار تلفزيونى على قناة المحور من يومين وقال انه قابل مخلوق فضائى فى الواحات فى مصر !

وان المخلوق دا ( بدون تطويل عليكم فى التفاصيل ) من جنس معين من الفضاء واتكلم معاه وقاله ان حرب النهايه قربت

كل دا مفيش مشكله .. اهى كلها اراء وكلام كل واحد بيقوله مسئول عنه

لكن عندى اعتراض على نقطتين وهاذكرهم بسرعه

لحد ما الاستاذ احمد يشوف البوست ولو يقدر يرد .. يرد !

اولا : كلامك عن صلات الدم بين ملوك ورؤساء العالم

الكلام اللى حضرتك اتكلمت بيه خلى الناس اتهكمت وتحدثت عنه بسخريه

رغم ان فى كلام منه صح وان الناس دى من زمان كان بينهم تحالفات قبل ما يتقسموا لدول وشعوب .. ولكن حضرتك شطحت فى حكاية انهم زواحف وانهم وانهم وانهم وحاجات صعب الناس تستوعبها وتم ذكرها بشكل خاطىء

مما ادى للسخريه من الموضوع

ثانيا

هو حضرتك مؤمن بالله وبكتبه وبرسله او بمعنى اصح مؤمن بالدين الاسلامى او لا؟

والسؤال مش للتشكيك فى ايمان حضرتك

ولكن فى كلام حضرتك

مره تقول ان القيامه قامت قبل كده على المريخ ..

طيب ازاى لو حضرتك مؤمن بالاسلام بتقول كده

رغم ان القراّن اللى يخص كل حاجه وقال كل حاجه عن الماضى والحاضر والمستقبل لم يذكر وجود قيامه فى السابق

حضرتك بتقول الرسول بيقول كذا وكذا وكذا

معنى كده ان حضرتك مؤمن بالله وبالاسلام وبسيدنا محمد

طيب ازاى بعدها ترجع تقول مفيش ملايكه

انما المجنحين دول اللى فكرناهم ملايكه ما هم الا جنس من المريخ او من الفضاء