حقيقة العالم - مدونة إسلام البحراوى: الصوره التى كانت تكفى لبراءة مبارك والعادلى من تهمة قتل المتظاهرين

الصوره التى كانت تكفى لبراءة مبارك والعادلى من تهمة قتل المتظاهرين - صوره واحده تكفى

الصوره دى نشرتها كتير من بعد احداث 25 يناير ( النكسه )

واخر مره نشرتها كانت فى 3 يوليو 2013

وطلبت ان دفاع قضية الرئيس مبارك يدمج الصوره دى ضمن القضيه

واخد بالك من الصوره؟؟ بص كويس ؟

ايه الموجود فى الصوره؟

مدرعه .. عربية مطافى فاتحه الميه على المدرعه

عسكرى امن المركزى بيحاول يجرى ناحية المدرعه

وواحد مقتول على الارض

ياترى يا هل ترى ؟

المدرعه والعسكرى والمطافى .. اللى كلهم تابعين لنظام واحد وحكومه واحده؟ بيجروا ورا بعض ليه ؟

وليه العسكرى والمطافى بيحاولوا يوقفوا المدرعه؟؟؟

اتقال الاول فوتوشوب .. وبعد كده اتقال علينا مجانين

لما قولنا حماس دخلت عبر الانفاق مدرعات شرطة بلون مدرعاتنا

القناصة كانوا من حماس وحزب الله

واظن فتح السجون موضوع وانتهى بعد حكم المحكمة فيه

وقولنا ان كان بيتسرق المدرعات بعد ما يضربوا العساكر ويطلعوهم منها ويسوقها عناصر من الى نزلوا تظاهروا وكانوا بيدهسوا الناس عمدا .. بدليل انك لو تابعت اى فيديو لمدرعه بتدهس متظاهرين..تلاقى اللى بيصور بالكاميرا بالموبايل..واقف فى مكان وموجه الكاميرا على مكان الدهس قبل اصلا المدرعه ما تيجى وتظهر وكأنه عارف هاتيجى منين وامتى !!!!

ثم لاحظ عندك 3 نقاط مهمه :

1- قالوا .. ولعله يكون كدب مثلا !

ان وقت 28 يناير وسيطرة البدو على سيناء والانفاق .. ووقت ما كانا بيسمحوا بمرور ارهابيين حماس من الانفاق..دخلت كمان مدرعات شرطه بلون المدرعات المصريه !!

2- وبعدين قالوا يعنى .. بس المره دى قالوا صوت وصوره بالفيديو ..لما شوفنا فيديوهات لشباب من بتوع ( الثوره السلميه ) بيرمى الضباط والعساكر برا المدرعات وبيسوقوها بنفسهم وكمان فيديوهات للشباب بيعتدى على عربيات المطافى وبيسوقها بنفسه !

3- وبعدين اذ فجأه برضو يقولوا كلام كده عيب اوى ياخويا بس نعمل ايه الكلام دا متصور بالفيديو .. لما تلاقى احتفالات جوا غزه من رجالة حماس احتفالا بتهريب مساجينهم من عندنا وبعدها احتفالا بسقوط مبارك وفى وسط الاحتفالات سيارات ومدرعات شرطه مصرررريه تسير وسط غزه وسيارات ملاكى مصريه مسروقه

4- يبقى بعد دا كله يا ولاد

يا ترى مين اللى رمى العسكرى اللى فى الصوره برا المدرعه

وبعدين ركب المدرعه ودهس الولد اللى ميت على الارض دا

ولذلك العسكرى وعربية المطافى كانوا بيحاولوا يوقفوه !!!

** اعقل يا عاقل..

عربية مطافى..وعسكرى امن مركزى

بيضربوا عربية شرطة؟

ليه بيلعبوا GTA

لو كان لسه عندكم شك ان مش مبارك والعادلى اللى قتلوا الشباب

بصوا للصوروة ولو لمدة ساااعة..وانتوا تفهموا

مش عيب نغلط

بس العيب كبريائنا يقضى علينا