كارثه - مصر منعت عرض فيلم الالهه والملوك لتحريفه للدين والتاريخ ولكن وزراء مصريين اعطوا تصريح بتصوير الفيلم فى مصر
بوست مبدأى لحد ما نرجع بالتحليل الكامل للفيلم ان شاء الله
طبعا الكل بيتكلم عن الفيلم دا .. اللى بيحكى قصة سيدنا موسى واليهود فى مصر
الفيلم تحت مسمى exodus : Gods & Kings
او ( الهجره الجماعيه ) الالهه والملوك
طبعا الكل مستنى نبتدى نتكلم عن اللقطات فى الفيلم
والفيلم بيحاول ينشر ايه وايه افكاره
لكن دا كله هايكون فى وقت تانى ان شاء الله
بس كنبذه بسيطه .. من اول 12 ثانيه فى الفيلم
والقصه كلها بتدور حول ان اليهود هم من بنوا الاهرامات
وان اليهود كانوا مظلومين ومقهورين وان المصريين متوحشين
وان فرعون لم يمت عند انشقاق البحر ( معجزة سيدنا موسى )
انما البحر انشق وفرعون قام ونجى من الموت !!!
دا غير تشبيه ربنا وهو بيكلم سيدنا موسى وتصويره فى صورة طفل !
دا بالنسبه للتشويه التاريخى والديني
لكن البوست دا عشان كارثه اكبر
طبعا انتوا عرفتوا ان الجهات المسئوله فى مصر منعت عرض فيلم
وطبعا كله سقف وكلنا سقفنا
بس ماذا لو .. خليتلك التسقيف يتحول للطم على الوش ؟
ايووه .. اه
هما منعوا عرض الفيلم لانه مسىء للتاريخ والدين
برااافو
لكن ............. لكن ..... لكـــــــــــــــــــــــن
سيادتك .. هل تعلم ان الفيلم تم تصوير اكبر اجزاءه فى مصر فى مدينتى الاقصر واسوان ؟؟ ايووووووه
سيادتك هل تعلم ان السيد وزير الثقافه والسيد وزير الاثار وافقوا على منـــــــــــــــــــــــــــــــــــــح تصريح لفريق عمل الفيلم لتصوير الفيلم داخل الاقصر واسوان فى المناطق الاثريه؟ ايوووووووووووووووووه
عندنا وزير اثار .. ووزير ثقافه
من غير ما يقروا سيناريو الفيلم .. من غير ما يعرفوا ان الممثلين فى الفيلم اما يهود او انهم لاباء يهود صهاينه ... من غير ما يشوفوا ايه هايتقال عن مصر وحضارتها فى الفيلم .. اعطوووا تصريح لتصوير الفيلم داخل الاراضى المصريه
وبناء عليه .. انا بعتبر دا بلاغ رسمى لمن يهمه الامر للتحقيق فى تلك الواقعه
هؤلاء المسئولين يجب التحقيق معهم بتهمة السماح وتسهيل اهانة التاريخ الفرعونى المصرى وكذلك ازدراء الدين الاسلامى ... لانهم اعطوا تصريح لتصوير الفيلم داخل اراضينا..وتظهر فيه حضارتنا..ولكن لكى يقول الفيلم ان من بنى الحضاره هم اليهود ... وكذلك السامح بتصوير فيلم يصور الرسل وهو ما يمنعه دين الدوله !
** اخيرا .. مخرج الفيلم صرح بنفسه وقال ان القصه مأخوذه من كتب العهد القديم وكتب التوراه .. وبالمناسبه مخرج الفيلم يهودى صهيونى مشهور فى هوليوود
** لالا معلش اللى فاتت مش الاخيره.. خدوا الاخيره دى بقى
السيد المحترم مدير عام معابد أبو سنبل والنوبة أحمد صالح قال إنه تابع صناع الفيلم خلال التصوير داخل الأماكن الأثرية، حيث كان حريصًا على ألا يتم تشبيه بين الملك الفرعوني رمسيس الثاني وبين فرعون موسى لأنه إن حدث كان سيتم توقيف التصوير فورًا.
والسيد المحترم الدكتور محمد إبراهيم وزير الآثار قال انه يتابع فريق العمل الخاص بالفيلم أثناء التصوير داخل الأماكن الأثرية بأسوان، مشددًا على أنه فى حال حدوث أى تشبيه بين الملك رمسيس الثانى وبين فرعون موسى يتم وقف التصوير فورًا.
ومع ذلك ههههههههههههههههههههههههههههههههه
حصل التشابه ولم يتم وقف التصوير..عارفين ليه؟ لان محدش فيهم تابع حاجه وكله كلام جرايد..لان الملك جوا الفيلم اسمه رمسيس .. ولو لم يكن هو المقصود بفرعون موسى؟؟ ماكانش الفيلم جاب فى الاخر معجزة انشقاق البحر ورمسيس بيغرق فيها !!!؟ ولا اااااااااايه ... سيادة الوزير.. صح النوووم يا حج .. التشابه حصل
نقطه ومن اول السطر
دا بوست خفيف عن الفيلم
لحين العوده للفيلم نفسه
ويارب حد يشوف الرساله دى
E.E
Eslam Elbahrawy
منشور by Eslam Elbahrawy.
