لسنا اول جيل يفكر فى اصابتنا من خلال الهواء او الماء - مشهد جذبنى فى فيلم النوم فى العسل

لسنا اول جيل يفكر فى اصابتنا من خلال الهواء او الماء - مشهد جذبنى فى فيلم النوم فى العسل

كنت بتفرج على فيلم النوم فى العسل

ووقفت جدا قصاد المشهد دا فى الدقيقه 68 بالضبط من الفيلم

الفيلم كانت قصته فى تفشى حاله غريبه من العجز لدى الرجال

وكان بيبحث فى سبب انتشار الحاله دى

فى المشهد دا عادل امام المفروض واقف فى طابور قصاد عطار بيقول ان عنده خلطه بتعالج الضعف الموجود لدى الرجال

اثناء وقوفه فى الطابور ... الراجل اللى وراه بيقوله

( يا الميه .. يا الهوا ) اقطع دراعى ان ما كانت حاجه من الاتنين دول

يا الميه فيها حاجه .. يا الهوا فيه حاجه

( التلميح كان ان فى شىء تم رشه فى الميه او الهوا عشان لما الشعب يتعرض له يصاب بمرض او بحاله معينه )

فى مشهد اخر

عادل امام رئيس مباحث العاصمه .. كان قاعد مع الصحفيه

فبيقولها الناس بتقول ايه ..

فردت قالتله ان الناس بتقول ان الحاله دى الحكومه هى اللى عاملاها

بيرشوا غاز فى الجو يسبب حالة العجز و دى وسيله لجأت لها الحكومه عشان تحديد النسل ..

فكان رد عادل امام : مافتكرش الحكومه تعمل كده

ماعتقدش ان اب ممكن يقتل ولاده لمجرد انهم اشقياء او مابيسمعوش الكلام

وانا بتفرج على الفيلم اللى تم انتاجه سنة 96 واخراج شريف عرفه

توقفت قصاد المشهدين دول

المشهد الاول والحديث عن رش غاز او ماده فى الجو تسبب حاله من المرض وان الموضوع دا فى ناس كتير بتفكر فيه من قبل الجيل بتاعنا

والمشهد التانى بصراحه افتكرت فيه الرئيس مبارك

مفيش حد يقتل ولاده لمجرد انهم ماسمعوش الكلام ‏‎smile‎‏ رمز تعبيري

مم جايز الفيلم قديم

بس احيانا فى افلام ومسلسلات بتناقش قضايا بيكون المؤلف قرأ عنها ومتوقع نتايجها .. زى ما عرضنا قبل كده مسلسل من انتاج عام 83 بطوله حسن عابدين وكان بيتكلم عن الغزو الفضائى وعن الغازات اللى بتترش فى الجو وبتعمل اختناق

E.E

Eslam Elbahrawy

‎‎منشور‎ by Eslam Elbahrawy.‎