منى شت اب يور ماوس - عندما تتلاعب الاموال ويستغل اعلام الدجال بعض المواقف لتشويه قضيه معينه
وقت ظهورها
ناس كتير ضحكت واتنططت
واللى كان بيقول ايه التخلف دا؟ كان بيتشتم
وفى النهايه .. هى دى صورتنا قصاد العالم
السيده المشهوره فى مصر اللى طلعت تتكلم انجليزى ( اولى ابتدائى )
وكانت بتبعت رساله لاوباما والكل كان بيضحك ومبسوط بيها
رغم انها عار بكلامها دا لانها بتبين ان مصر لا فيها تعليم ولا ثقافه ولا اى شىء
بعد كده شوفناها فى مهرجان بالامارات بنفس لبسها
وطالعه تقول برضو نفس الكلمتين الانجلش المضحكين !!
والنهارده .. طالعه توجه رساله لاوباما على مسرح برنامج عرب جوت تالنت
هى كانت مفكره انها هاتكسب تعاطف او هاتكون كوميديه
وماتعرفش ان اللى بتعمله شىء فاشل ويدعو للاشمئزاز
لانها مصريه وبتوجه رساله باللغه الانجليزيه بإسم مصر
لكن ياريته كان انجليزي اصلا ..
كسبنا ايه وكسبت ايه غير انها مجحرد مصريه طالعه تتكلم بلغه ركيكه
ضحكت اللجنه عليها وضحكت الناس عليها
وصفحات الاخوان عملت عليها حفله لان دى مؤيده من مؤيدى السيسي وطالعه تشتم فى اوباما !
** انا عارف ان الطبقه الغلبانه دى هى اللى موقفه البلد وهى اللى وقفت ضد الاخوان وهى اللى بتكافح وهى اللى ساندتنا ايام الانتخابات وكل حاااااجه .. لكن كل شىء و له حدود !
انا شايف ان كل حاجه فى البلد دى بتتحكم فيها المصالح
وان ناس كتير بتستغل ظهورها او خروجها على التلفزيون لمصالح شخصيه
مش مهم منظرهم ايه .. ولا مهم شكلنا هايبقى ايه
واحده زى دى كانت متوقعه انها تكسب مثلا؟؟ وهى بتتكلم بشكل زى دا
احنا لو عاوزين نوصل رسايل عندنا الشباب اللى بيتقن اللغه يقدر يوصلها
واظن كان واضح اننا نقدر نوصل رسايل لما كنا بنعمل حملات باللغه الانجليزيه على تويتر ضد الاخوان وضد امريكا ..
لكن بالشكل دا .. حسيت ان دايما بيتم تعمد ان تظهر مصر واهلها بصوره سيئه ..صورة الجهل والسخريه على تدنى المستوى الفكرى !
ممكن ناس تشوفها مرحه وكوميديه
ولكن ... دى وجهة نظرى
E.E
Eslam Elbahrawy
منشور by Eslam Elbahrawy.
____________________
البوست رقم 2 المرتبط بنفس الموضوع
الحمد لله على نعمة البصيره
والحمد لله ان الواحد بيكون شايف الحاجه من بعيد
ومش بيقتنع بالظاهر فقط
نزلت بوست وانتقدت منى البحيرى وقلت ان هى قللت من شأن مصر وان تجربتها عار علينا .. وقلت ان برامج المسابقات تدار سياسيا ويتم التحكم فى نتائجها حسب اهواء من هم ضد العالم العربى .. وربطت دا بعدها بالبوست الخاص بفرقة عزف التخت الفلسطينى وكيفية الترويج للقضيه الفلسطينيه
( بوست منى البحيرى السابق وبوست فرق التخت الفلسطينى هتلاقوه فى البوستات السابقه من يومين )
** ركزووووا اوى .. لما هايطلبوا منها أن توجه رسالة للرئيس الأمريكي أوباما نصها "يا أوباما أنت عندك رجالة حلوين كتير لكن مش بيملى عينيهم إلا الست العربية .
وكأنهم بيتلاعبوا بنساء العالم العربى.. دا نص الحوار كامل
كشفت منى البحيري، إحدى متسابقات برنامج "أرابس جوت تالنت" للمواهب، الشهيرة بمقولة "شات أب يور ماوس أوباما"، أن إدارة البرنامج تواصلت معها، واستدعتها من أجل تقديم فقرة خلال حلقات الموسم الرابع الذي تذيعه قناة "MBC مصر".
وأوضحت البحيري في تصريح لـ"الوطن" أنها لم تتقدم للبرنامج كموهبة، وإنما تم الاتفاق معها مسبقا على هذه الفقرة، وتقاضت مبلغا من المال، رفضت ذكره، مؤكدة أنه تم إبرام تعاقد مكتوب بينها وبين الإدارة، وكان أحد بنود العقد عدم بوحها بأي معلومات حول هذا الاتفاق، وإلا من حق المخرج أن يقاضيها.
وشرحت مني ببساطتها المعهودة، علماه بأنها لا تمتلك موهبة، قائلة "اللي بتكلمه ده مش إنجليزي أصلا، وكان هدفي من الظهور في البرنامج التسلية وتشريف مصر"، مشيرة إلى أنها سافرت للمشاركة في البرنامج، وقضت ليلتين في العاصمة اللبنانية بيروت، الصيف الماضي.
"منى"، السيدة التي تعيش في محافظة المنوفية، أكدت أن هناك فتاة تواصلت معها عبر الهاتف، تعمل في إحدى القنوات الفضائية، وطلبت منها المشاركة في البرنامج لأنها "صاحبة رسالة وشخصية مشهورة"، وبالفعل كتبت قصيدة عن "عنصرية الإخوان ضد المرأة"، إلا أن الفتاة رفضت القصيدة، بحسب روايتها.
وفي مكالمة هاتفية خاصة لـ"الوطن"، أوضحت البحيري أنه "طُلب منها" أن توجه رسالة للرئيس الأمريكي أوباما نصها "يا أوباما أنت عندك رجالة حلوين كتير لكن مش بيملى عينيهم إلا الست العربية"، لكنها رفضت، معللة ذلك بأنه "أمر لا يتماشى" مع رسالتها، مضيفة "أنا ميهمني
مازلت اُصر انها غير معفيه من الخطأ
وانها مادام من الاول عارفه انهم هما اللى كلموها وحبوا يستغلوها بشكل سىء وجريت ورا الفلوس .. يبقى دا خلى مصيبتها اعظم !!
E.E
Eslam Elbahrawy
منشور by Eslam Elbahrawy.
