بعد حادث ستاد الدفاع الجوى - بيقولك البلاد اللى فيها رجاله بتعمل كده !
العبد لله لما عمل كوباية القهوه الساده
وبصيت قدامى وسرحت وقعدت افكر
اكتشفت .. ان فى البلاد اللى فيها ( رجاله )
بيحصل الاّتى :
1- بلد فى حالة حرب .. اذن .. قرار بإلغاء كافة الانشطه الرياضيه
2- جريمه حصلت .. فى ناس بتاخد فلوس ومرتبات اسمهم مباحث المعلومات .. بيتكرموا ويتعطفوا علينا وبيشوفوا اكونتات الفيس وتويتر اللى حرضت وبيقبضوا عليهم
3- ايوه حصل كده مع الطفل الفرنسى اللى كتب تويته ضد شرطة فرنسا !
4- بيقولك ان البلاد اللى فيها رجاله مابيهمهاش الزعيق والفئويات والروابط وبيعملوا اللى شايفينه فى صالح البلد
5- بيقولك ان البلاد اللى فيها رجاله .. لما الرجاله دول بيلعبوا سياسه بيبقوا متأكدين من مبدأ ان السياسه نجسه ومستحيل حد يكسب كل الاطراف او يخسر كل الاطراف..وفى الحاله دى بيكون القرار انى اكسب الاغلبيه واخسر الاقليه .. مش بيطبطبوا جايز يكسبوا الاتنين ودا من عاشر المستحيلات !
6- بيقولك بقى فى البلاد اللى فيها رجاله .. لما بيكون فى حدث مهم .. فى مكان مهم .. وموجود تجمعات كبيره .. المكان المهم بيتركب فيه كاميرات مراقبه .. عشان لما تحصل مجزره كبيره .. نروح المكان المهم .. وندور على الكاميرات المهمه . ونتفرج عليها .. ولمره وااااحده نعرف مين اللى قتل ..
7- اخيرا فى الدول اللى فيها رجاله
المسئولين السياسيين والحكوميين لما بيتقتل بلطجى او مجرم بيقولوا عليه بلطجى او مجرم .. مش بيكرموه ولا بيسموه شهيد ولا بيعترفوا انه عمل ثوره
نقطه ومن اخر سطر فى الكشكول عشان نفسى مره نقلب الصفحه !!
E.E
Eslam Elbahrawy
منشور by Eslam Elbahrawy.
