رساله الى عمرو اديب واعلاميى مصر - متى ستعتذرون لتوفيق عكاشه
رسالتين فى واحد
الواحد ماينفعش يكون جاحد
تختلف مع شخص او تتفق معاه لكن وقت ما يجيد فى شىء ما لازم تقول انه أجاد
كله عامل مش من هنا .. كله منفض ومضيع وعامل مش واخد باله
ومحدش جاله الجرأه انه يتكلم عن توفيق عكاشه
الوحيد اللى كل كلمه بيقولها بتتحقق بالنص
هاتقولى المخابرات بتقوله او المخابرات مش بتقوله دى قصه تانيه
لكن انا قصتى فى من هاجمه ولم ينصفه ووصفه بالجنون
الرساله الاولى عاوزها توصل للاعلامى عمرو اديب
انت كنت اكتر واحد اتريأ على توفيق عكاشه على مدار شهور وشهور
يكفى انه كلما ضايقك فريق الاعداد الخاص بك تنادى عليهم متهكماً .. يا استاذ عز
متهكما على توفيق عكاشه وهو ينادى على مخرج برنامجه عز الاطروش
وكنت ايضا اول من قال ان نظرية المؤامره جنون ودائما ما كنت تلمح على ان توفيق عكاشه وكلامه مجرد تهريج وكلام مجانين رغم علمك وتأكدك ان كلامه عن المؤامره صحيح ولكن كنت تخاف ان تتكلم مثلما تكلم هو
توفيق عكاشه من 2013 يقول ان مصر ستدخل حربا فى ليبيا
ولكن ما يهمنى هو خروج توفيق عكاشه فى سبتمبر 2014 مع عمرو اديب
وقال بالنص والحرف .. مصر ستدخل حرب فى ليبيا ضد الارهاب من الناحيه الشرقيه بعد خمس او ستة اشهر
ويومها بتعبيرات وجه عمرو اديب لاحظ الجميع وكأنه بياخده على اد عقله
والان فى فبراير 2015 اى بعد خمسة شهور يحدث كلام توفيق عكاشه
اذن الرساله الاولى .. قد تكون فى اساسها لعمرو اديب ولكنها الى كل اعلامى تهكم على هذا الرجل .. عليكم الاعتذار وان تخرجوا فى برامجكم التى تهكمتم فيها على الرجل وتعترفون بخطأكم وبجهلكم وهذا اقل حقوقه
الرساله الثانيه ايضا تخص توفيق عكاشه
اتمنى توصلوا الرساله دى لكل شخص ايا كان سنه او جنسه
كل واحد على مدار 4 سنين بيتهكم على توفيق عكاشه وبيضحك عليه وبيقول عليه مجنون وبيركبله صور وهو لابس واحده ست وصور وهو بيزغط بط و و و و و
وصلولهم الرساله وقولولهم حتى لو كبرياءكم مانعكم انكم تعترفوا انكم انتوا اللى طلعتوا مغيبين واغبياء
على الاقل عدلوا مواقفكم بينكم وبين بعض وبينكم وبين نفسكم
اقتنعوا بقى وافهموا وزى ما بقولكم كل مره بتكلم فيها عنه
لو بتكره لغته الفلاحى وطريقته المستفزه احيانا
سيبك منه .. خد الفايده منه .. خد المعلومه وسيبك من اسلوبه
اختلف معاه و دا حقك لان انا شخصيا بختلف معاه
لكن افهم معنى كلمة مؤامره ومخطط وماتخليش صفحات الفيس المأجوره عشان تغسلك دماغك تضيعلك عقلك خالص وتمشيك فى طريق السخريه دون ان تسمع او ترى
اخيرا بالمناسبه
بتفرج على توفيق عكاشه من بعد نكسة يناير
اتفقت معاه كتير واختلفت كتير
لكن وعلى مدار كل الحلقات اللى شوفتهاله فى اربع سنين
اشهد ان حلقة الامس 16 فبراير 2015 هى افضل حلقات توفيق عكاشه فى تاريخه ومش هايعمل زيها تانى نظرا لكم المعلومات اللى قالها فى الحلقه
دى كانت مجرد رسايل بسيطه
لان انا مابحبش اشوف حق وماقولش عليه
حتى وان كان مع اشخاص اختلف معهم احيانا
E.E
Eslam Elbahrawy
منشور by Eslam Elbahrawy.
