بالصور - خطير جدا - حديث عن الانتحار الجماعى و زنا المحارم فى قصة للاطفال تدرس فى مدارس تونس
انا اسف يمكن لاول مره هاخرج عن السياق شويه
هو مش خروج عن السياق لكنه خروج برا مصر
احنا بنحارب الماسونيه فى كل صورها وفى اى مكان
تونس دوله شقيقه ومن الدول اللى ربنا ابتلاها بحكم الاخوان زى مصر
الصوره اللى قصادكم دى من قصه تدرس للاطفال فى مدارس تونس
القصه تحتوى على شيئين خطيرين
الاولى ترويج للانتحار الجماعى
والثانيه ( فكرة زنا المحارم )
كتير منكم شافوا تعليقاتنا كمصريين على منع برامج زى برامج ريهام سعيد لما تناقش قضايا زى زنا المحارم .. لان الشباب بيقلد اللى بيسمعه .. وانا شخصيا كان ليا تجربه قصاد عينى لما سمعت شباب صغير بيتكلم عن الموضوع وبيتكلم ان واحد صاحبهم فكر فى الموضوع بعد ما شافه على التلفزيون
القصة زى ماهو مكتوب قصادكم فى احد فقراتها تروج للانتحار الجماعى.. كيف يمكن لطفل ان يقرأ ويتعلم عن الانتحار الجماعى !
الفقره تقول :
: ''وفي أحد الايام، اجتمعت الأرانب وقررت بحزن شديد الانتحار جماعيا للتخلص من حياتها الشقية''.
اما بخصوص فكرة زنا المحارم
كيف يمكن لطفل ان يقرأ ان ملك تزوج ابنته !!!!!
عقل الطفل كما قلت سابقا مثل الميمورى كارد .. لسه فاضى
لذلك متاح انه يخزن كل ما يمر عليه .. ولو اتخزن عليه حاجه .. صعب تغير فكرته عنها بسهوله
الفقره فى القصه بتقول :
''ثم عاد ففكر قليلا. وقال في نفسه: إن ابنتي الأميرة جميلة جدا. وهي الوحيدة التي تصلح ان تحل محل الملكة. فهي قطعة منها في جمالها وسلوكها.
وانتهى الملك على قرار خطير، وهو أن يتزوج الملكة الصغيرة مهما كلفه الأمر."
** كالعاده ممكن الاقى هجوم من ناس بتقولى هو الاطفال يفهموا ازاى .. زى ما عرضت صور الكرتون اللى فيه ايحاءات جنسيه بالفعل والقول وبرضو قالولى والطفل يفهم ازاى.. لكن بعضهم بعد مشاهدات لعدة اطفال اتأكدوا ان الطفل بيلاحظ ويقلد .. فماذا لو طفل فى اعدادى قرأ ان الواحد يتزوج بنته او اخته ؟؟؟ الن تكون الفكره ثابته فى رأسه .. ثم تأتى لتدرس له الدين وتقول له ان هذا غير صحيح .. وهنا تكون النسبه ضعيفه فى اقناعه لانه قد رسخ بداخله مفهوم القصه ..!
E.E
Eslam Elbahrawy
منشور by Eslam Elbahrawy.
